انا استفدت جدا ... بارك الله لك ... وجعله في ميزان حسناتك
عرض للطباعة
انا استفدت جدا ... بارك الله لك ... وجعله في ميزان حسناتك
أهلا بيك ..
أنا للأسف معلوماتي محدوده في الموضوع ده .. :shyy:
لكن اللي فاكره إنها كانت ما بين مؤيد و معارض ..
بس فكرتها كانت كويسه و هي تفتيت الخلايا الدهنيه .. عن طريقه إستخدام الموجات ال US بس هعيد قراءاتي عشان أقدر أفيد حضرتك .. و ممكن نقول لأ مش حماده بالجنزبيل :36_7_4[1]:
تحياتي
نقطه مهمه يا جماعه .. ألا و هي
تنزيل الدهون لازم يكون بحظر شديد و من منتج موثوق فيه .
ولازم يكون تدريجي و إحذرووووووووووا النزول الدرماتيكي المفاجئ
طيب ليه ؟!
لأن كل الأعضاء الداخليه لجسم الإنسان ال internal Organs مربطه ببساطه كده بينها و بين بغضها بالدهون ..
و ده ممكن لو حد دبح أو شاف أضحيه قبل كده يعرف كلامي ..
و في منتهي الخطوره إننا ننزل نزول مفاجئ يقوم يحصل ptosis in the internal organs يعني ببساطه برده الأعضاء تنزل عن مستواها الطبيعي ..
تحياتي .. و هنتكلم بالتفصيل علي إستراتيجيه إنقاص الوزن بصوره سليمه في موضوع مماثل ..
Does Ultrasonic Cavitation work? | sundaylover72 هذا أفضل ما توصلت إليه بعد البحث في موضوعك ..
الفكره بس إن حضرتك تلاقي حد شعال علي الموضوع ده كويس و بضمير في مصر .. :glasses08:
تحياتي
مجهود رائع وموضوع متميز
انا عندي خشونة في ركبتي والدكتور منعني من الجري نهائيا
وانا عموما جسمي رفيع ووزني حوالي 83 وطولي 170
المهم ... معنديش مشكلة في حياتي الا الكرش
مع رفعي ووزني اللي اعتقد انه مش كبير .. عندي كرش كبييييييييير بشكل
حاجة تكسف والله يا جماعة \مش عارف البس ، مش عارف العب ولا انزل البحر ،، مش ممكن
جربت كذا نظام دايت ،، كووووووووووووولهم ينزلوا الجسم عموما الا البطن ،، لا تتأثر تقريباااا
فالنتيجة .. جسمي الرفيع مع الدايت بيزيد رفعه وانا اصلا مش عااااااوز اخسس جسمي ،، انا مشكلتي كلها في الكرش بس
الرياضة ... حاولت العب ،، مش بقدر استمر غير علي المشي لظروف الشغل
وكمان موضوع الركبة والمها الشديد مع اي مجهود خلاني حريص شوية
رحت جيم فترة عشان العب تمارين للركبة كان قالي عليها دكتور العظام
مشيت عليها فترة ومازلت بحاول اعملها من وقت للتاني في البيت ان امكن
لكن تظل مشكلة الكرش بالنسبة لي عقدة ملهاااااش حل
طب اعمل ايه .. دايت وعملت ،، مشي وبتمشي علي طول ،، وفي الجيم : تمارين فيتنس وبلعب جينرال
كمان بلعب بطن
وكل ده .... مفيش فايدة مع الكرش الفضيحة ده ... طب اعمل ايه
قللت اكلي جدا ، استغنيت عن العصائر والمواد ذات السعرات العالية بحاجات زي الشاي الاخضر والجنزبيل وبرضه مفيش فايدة
قللت الكميات من النشويات بالذات الي الربع تقريبا
لغيت الشوكولاتات والحلويات تقريبا
انا بكلمك عن حاجات بعشقها وكنت باكل فيها زي التور ... عايش عليها تقريبا
منعتها ،، وبرضه مفيش فايدة
طيب ...... دايت + مشي باستمرار + جيم مش بانتظام بلعب فيه فيتنس وشوية بطن وتمارين للركبة وجينرال حديد بدون التركيز علي عضلة معينة
فيه حاحة ممكن تتعمل تاني ؟؟؟؟
طولت عليك .. وزهقتك
شكرا علي الموضوع ... وياريت لو في فايدة تقولي
السلام عليكم
تحياتي لصاحب الموضوع و من سبقني من المشاركين
احب ان اسأل عن دواء يسمى CLA ما مدى فائدة و هل له اية اثار جانبية و هل هو افضل ام lipo 6
و عليكم السلام و رحمه الله ..
تحياتي لك ..
ال CLA اللي هو ال Congugated linoleic acid ده عباره عن Omega 6 fatty acid .. منتج محترم جدا و طبيعي زي اللي موجود في زيت الزيتون مثلا .. بس اللي في الزيتون Omega 3 FA
ده عباره عن مضاد للأكسده قوي جدا و مفيد في عمليه التخسيس .. بيصنف علي إنه من أحسن منتجات إنقاص الوزن بل و أأمن-ها
Anti-cancerous مضاد للكانسر ..
Anti-catabolic يمنع عمليه تكسير العضلات ببساطه ..
بيزود المناعه ..
بيساعد في عمليه تحطيم الدهون ..
بيظبط للناس اللي عندهم مشاكل في ال Insulin resistance أو مرضي السكر يعني عافنا الله و إياكم
بيقلل الكوليسترول طبعا .. زيه زي كل ال Omega family
أثبت إن له دور في بناء العضلات كمان Growth hormone enhancer ..
الجميل و الخلاصه في هذا المنتج .. إنه بيركز في شغله علي دهون البطن
في رأيي الشخصي هو أحسن من ال Lipo 6 لأني شخصيا عندي حاجه إسمها Sleep disorders إضطربات نوم و مش هينفع واحد زيي :wound09:
المشاركه دي عامه و أتمني تنفع كل الأعضاء الكرام ..
تحياتي لكم جميعا ..
ربنا يبارك فيك وشاكر اهتمامك جدا
انا بس سؤالي مش علي الخشونة ... دي خلاص تعايشت معاها بعد ما لفيت علي اكبر دكاترة عظام في مصر زي وائل فرج واحمد عبدالعزيز بتاع النادي الاهلي ،، والاجابة كانت دايما واحدة
مفيش علاج قطعي لمشاكل الغضاريف عموما
مجرد مسكنات وحاجات عشان تحافظ علي الوضع لا يسوء وتغيير نمط الحركة وغيره بالاضافة لشوية تمارين لتقوية عضلات الفخذين والسمانة
انا محور سؤالي عن الكرررررررررش
اعمل فيه ايه ،، ذكري لموضوع الخشونة كان الغرض منه اني اوصل لحضرتك اني عندي مشكلة تمنعني من الجري او لعب الجيم بسهولة
انا عملت كل ما تتخيل عشان اخسس الكرش ده بدون سبب
بقالي سنة بحاول
من بين اللي سمعته مرة ان معدل الحرق عندي قليل وده نتيجة اني اتعودت علي الكميات القليلة في الاكل
كمان تقصد ايه بحارق دهون ... حاجة كيميكال ولا تمارين ولا ايه بالظبط
هل حاجة زي ال cla اللي اتكلمت عنها فوق ولا ايه
واخيرا تعبتك يا جميل ،، لكن انت اللي جبته لنفسك
انا ما صدقت الاقي حد دارس ومتخصص اسأله
استحمل بقي