الموتور الاستيراد

**amirsayed** · 09-10-2008 05:26 PM

ممكن كل حاجه
بس الناس بتقلق من موضوع التراخيص دى
ممكن تلاقى واحد يحاول يستغل الموقف و يموت لك سعر العربيه
او واحد تانى يدفعلك جزء و يخلى جزء بعد الترخيص
بس نصيحه منى و للامانه الموتور مش هيترخص إلا للشخص اللى اسمه مكتوب فى الفاتوره
يعنى لو الفاتوره انت جايبها و سبتها فاضيه يبقى تديها للى هيشترى مع صوره افراج الموتور و هو يخلص الاجراءات
لكن لو الفاتوره باسمك انت يبقى ملهاش اى حل غير انك تروح تخلص كل الاجراءات و ترخصها بنفسك الاول

**wsamy** · 09-10-2008 11:56 PM

طيب و في الحالة ديه المشتري الجديد بيعمل نقل ملكية الاول؟ و بعدين يثبت الموتور... انا طبعا بشكرك جدا يا امير باشا و ضحتلي حاجات كتير اوي كانت غايبة عنى و بشكر كل اللي ساهموا في الرد جزاكم الله خيرا

**amirsayed** · 10-10-2008 11:34 AM

بالظبط كده لازم نقل ملكيه الاول
و لو عندك اى استفسار اسأل و ميهمكش اصلى عانيت كتير مع عربيتى علشان لما جبتها كانت رخصتها منتهيه بقالها سنه و صاحبها معايا فى الشغل يعنى انا مكنتش مديله خوانه بس لما رحت ارخص لقيت الموتور مش هو اللى فى الرخصه و الورق بتاعه مكانش موجود بس اللى نفعنى انى مكنتش دافع المبلغ كله و يارب اكون قدرت افيدك

**hamdiamr** · 11-10-2008 12:18 AM

هل ممكن تركيب موتور استيراد للسياره من ماركه اخري

**momen100100** · 18-10-2008 03:59 AM

اخى العزيز ممكن طبعا حد يشترى العربيه كده بس لازم تكون الا ستماره اللى مع الافراج الجمركى

تكون فاضيه مش كتوب فيها بينات تخصك انت خلص وبعدين انت بتعمل للمشترى توكيل بيع للمتور فى الشهر العقارى وده بيكلفك حولى 30 جنيه يعنى مش كتير وبتريح دماغك انت من وجع القلب

فى المرور بس قبل ماتروح الشهر العقارى لازم تكون رخصة العربيه تكون ساريه علشان متتعرضش انك تروح المرور بتاعك وتجيب شهادة بينات وربنا معاك