الموضوع: سؤال للإخوة الظباط ( شرطة- جيش) والمحاميين والمواطنين الطبيعيين

هو يافندم في ظل ارهاب الاخوان متنوع الاشكال من بلطجة الطلبة والطالبات بالقول والفعل وفتاوى مشايخهم بجواز الحرق والاتلاف والقتل والتفجير وولاد الحلال منهم اللي بيطلعوا في فيديوهات يلقوا كلمه عن الجهاد في سبيل الله فبل مايقتلوا او يفجروا مواطن مصري غلبان .. في ظل كل ده يحق للشرطه عمل اي شيء لان الوضع استثنائي ولو عملوا معايا كده حرحب بالموضوع واساعدهم بكل الطرق على اداء واجبهم .. اما الاخوه من الاخوان اللي بيوصفونا بالعبيد فعاوز - حقيقي - واحد من الشجعان دول يرفض ان عربيته تتفتش ويقول للظابط الكلام اللي بيقوله هنا وهو قاعد على الكمبيوتر بيستعرض شجاعته ويتهم هذا وينعت ذاك بالعبوديه ... ويبقى يبلغنا بالتفاصيل

المشاركة الأصلية كتبت بواسطة أبو آسر

طبعا لازم نستحمل الظابط اللي بيفتش عربياتنا بدون سند قانوني ومفيش مانع نستحمل سيادته برده لو كسر باب شقتي في نص الليل علشان الباشا شاكك إني إرهابي ولازم يقطع الشك باليقين واركن الديمقراطية دلوقتي على جنب مش وقته
تفتيش العربيه اجراء وقائى علشان مكافحه الأرهاب لكن تفيش الشقه لازم اذن من النيابه
ولازم نستحمل وزارة الكهرباء اللي بتقطع الكهرباء كل يوم في الشتاء أما في الصيف فالحمد لله هنرجع لعصور الظلام وأهي فرصة العيلة تقعد مع بعض شوية وتبقى صلة أرحام برده
سبحان الله هو مش قطع الكهرباء كان بيذكرنا بالقبر ؟؟
ولازم نستحمل أزمات السولار إيه يعني لما نقف في الطابور ساعتين تلاتة علشان مسر ؟!
كانت الناس بتقف باليوم فالطابور و كان عادى المهم اهلنا فى غزه
ولازم نستحمل قلة السيولة والعجز الاقتصادي وغلاء الأسعار احنا لازم ندي بلدنا من جيوبنا مننظرش هي اللي تدينا
نبطل ارهاب و مظاهرات و مؤامرات على مصر و ان شاء الله كل حاجه هتتصلح
ولازم نستحمل البلطجة وتثبيت العربيات والقتل والخطف اليومي ما البلطجية دول نتيجة ظلم المجتمع لهم وده أكل عيشهم وباب رزق ليهم زائد إن الشرطة مش فاضيالهم في حاجات أهم في عيال بتشيل مساطر وبلالين لونها أصفر !
حضرتك شوف الحملات الأمنيه و المقبوض عليهم كل يوم و كمية السلاح و المخدرات
مساطر و بلالين ولا قنابل و شماريخ ؟؟!!!
ولازم نستحمل القتل والسجن والاعتقال والتعذيب وفض المظاهرات دول شوية إرهابيين خونة مش بيحبوا بلدهم ولازم المجتمع ينضف بقى من الأشكال دي ولازم نضرب بيد من حديد
و التعذيب و القتل فرابعه و الأتحاديه كان عادى ؟؟
يا رب نضرب بيد من حديد فعلا
الطريف بقى إن الجماعة اللي عايزين يستحملوا دلوقتي دول هما هما من سنة بس اللي مكنوش عايزين يستحملوا لا أزمة كهرباء ولا سولار ولا بنزين ولا غاز ومكنش في حل غير نعزل ونحاكم ونشيل أول رئيس شرعي منتخب علشان مش عارف يحل نتيجة عشرات السنين من الفساد في كام شهر واحنا مش هنستحمل أكتر من كده أمال احنا عملنا ثورة يناير ليه ؟!
احنا عملنا ثوره 30 يونيو
وهكذا يتم صناعة الفرعون الكبير ليحكم الفراعنة الصغار فهنيئا لهم لأنهم لا يستحقون إلا ذلك وكما تكونوا يولى عليكم
" قل اللهم مالك الملك تؤتى الملك من تشاء و تنزع الملك ممن تشاء و تعز من تشاء و تذل من تشاء بيدك الخير انك على كل شئ قدير"

المشاركة الأصلية كتبت بواسطة grumby78

هو يافندم في ظل ارهاب الاخوان متنوع الاشكال من بلطجة الطلبة والطالبات بالقول والفعل وفتاوى مشايخهم بجواز الحرق والاتلاف والقتل والتفجير وولاد الحلال منهم اللي بيطلعوا في فيديوهات يلقوا كلمه عن الجهاد في سبيل الله فبل مايقتلوا او يفجروا مواطن مصري غلبان .. في ظل كل ده يحق للشرطه عمل اي شيء لان الوضع استثنائي ولو عملوا معايا كده حرحب بالموضوع واساعدهم بكل الطرق على اداء واجبهم .. اما الاخوه من الاخوان اللي بيوصفونا بالعبيد فعاوز - حقيقي - واحد من الشجعان دول يرفض ان عربيته تتفتش ويقول للظابط الكلام اللي بيقوله هنا وهو قاعد على الكمبيوتر بيستعرض شجاعته ويتهم هذا وينعت ذاك بالعبوديه ... ويبقى يبلغنا بالتفاصيل

احنا ارهابين مش بنتكلم بنقتل علي طول