الموضوع: سؤال للإخوة الظباط ( شرطة- جيش) والمحاميين والمواطنين الطبيعيين

المشاركة الأصلية كتبت بواسطة ZARIF

[size=5][color=blue]
بعد ما الراجل صاحب الموضوع يتعرض لوقت او موقف عصيب وبايخ من الظابط فطبيعى انة يقول عندهم حق الاخوان فى اللى بيعملوة فى الشرطة دول ولاد.................

اضعف الايمان هيتعاطف مع الاخوان فى اللى بيعملوة فى الاجهزة الامنية ومن وراها ممكن يصدق انهم على حق فى كل اللى بيعملوة

خد عندك المصيبة الاكبر بقة
خد عندك التقيلة بقى اللى جاية
خد الصدمة دى

ولا واحد من الناس اللى بتحرض الراجل المحترم تقدر تنفذ 1% من اللى كاتبينة فى اى كمين انة يقف ويقول لظابط مش من حقك وبتاع والكلام دة

حضرتك فاكرنى بكدب

للاسف لأ

لأن الارشيف بتاع المنتدى مسجل كل المشاركات للناس دى ولو انا مش عايز احرجهم هجيب لك اقتباس من كلامهم ومن مشاركاتهم هتعرف فيها انهم اضعف من الضعف واجبن من الجبن وماشيين جنب الحيطة والخوف ماليهم من انهم يتقبض عليهم

يعنى من الاخر

الناس دى بتاعة تحريض بس
يعنى من الاخر
الناس دى ابطال كيبورد

بس خلاص
خلص الكلام

حلو اوي
يعني الواحد مفروض يتنازل عن حقه القانوني لأن ده مش حقه اصلا و ده المفروض , ولا يتنازل عن حقه القانوني تفاديا لبطش الظابط ؟؟

في البوست ده بتقول بصريح العبارة انها التانية مش الاولانية
و ده اللي كل الناس اللي عمال تشتمهم بيقولوه حرفيا

اذن فمن الاول ما تقولش اصل و مش اصل و تعايش و مش تعايش و كل الكلام اللي مش هاوصفه ده
هات من الآخر و قول (نحن اسرى لديهم و ان اغضبناهم فعلوا بنا كذا و كذا ولا بواكي علينا)

كده تبقى بتوصف الواقع , لكن للأسف لأن الواقع ده عاجبك , و عذرا يعني كعادة فئة ما من الناس مش هاتحس بسواد الواقع ده الا لما يمسك شخصيا , فاللي بتعمله انك بتصور الوضع القائم بالغصب و البطش و البلطجة على انه الصح و الحق ............ و ده الخلاف اللي بينك و بين الناس اللي عمال تشتمهم من بدري

كلنا مجاهدين كيبورد ؟
اه كلنا مجاهدين كيبورد
ربنا اكرمنا بأن كلمة الحق لسه موجودة جوة لساننا و من جوانا ما قبلناش الغلط في حقنا و عملناه صح طالما مش قادرين نغيره

هل اللي بينزل يقول كلمة الحق دي عيانا بيانا في الشارع عاجبك ؟
مش مجاهد كيبورد اهو !
لا طبعا مش عاجبك
ارهابي و مخرب و خاين و وو ووو و

قصتك ببساطة مش مجاهد كيبورد و مجاهد شارع , قصتك انك ضد ان حد يخالف السادة من الاصل
هات بقى من الآخر و ما تتعبناش معاك