سؤال للإخوة الظباط ( شرطة- جيش) والمحاميين والمواطنين الطبيعيين

**احمد المصرى** · 16-04-2014 08:48 AM

المشاركة الأصلية كتبت بواسطة far!d

صاحب الموضوع وكاتبه انا حرد على سؤالك بفرض حسن النيه في السؤال:
انا لو في كمين و حبيت اسألك على الرخص و تعاونت معايا حمشيك لكن لو ابديت عدم التعاون حفتشك و حفتش العربيه و كل مايبان منك خوف او ضيق حاعلى بالتفتيش...
لو طلبت منك الركنه على جنب اركن عادي و اسمع لتعليمات اللي وقفك و تعاون معاه تماما لو عاكست بيتفرض سوء النيه لانك لانت بتهرج ولا هوا بيهرج عشان يفترضلك حسن النيه
هوا ديه الخلاصه

الكلام دا قانونى ولا حسب مزاج سيادك الشخصى ولو مزاج سيادك مش مظبوط هتقرف الناس ولو حد مزعل سيادك هتقرف الناس وهطلع عليهم ارفك

فين القانون يا باشا !!!!!!!!!!!!!!!!!!!!!!!

**mr_who515** · 16-04-2014 06:04 PM

المشاركة الأصلية كتبت بواسطة rompo10

ظباط الشرطه بينتقموا من الشعب دلوقتي بعد علقه 25 يناير واهانتهم وانهم اتكشفوا امام الناس ان اخرهم قدام الناس دقايق وهايهربوا لكن تقولهم الناس بتقتل بعض في اسوان يقولك معاهم سلاح دي دوله فاشله وعمرها ماهاتتقدم خطوه واحده

ماهم برضه الغلطانين في أسوان بدل ما يقتلو في بعض في انتظار حد يدخل يفض المسالة.. لو حد فيهم كان كلف نفسه ورفع ايديه باربع صوابع بس كان الحوار كله خلص واتلم ولقيت الشرطة والجيش والمخابرات وحرس الحدود والبحرية والجوية كلها بتتدخل تنهي الموضوع!!

**rompo10** · 16-04-2014 06:25 PM

والله طديق ليا عربيته اتسرقت والحراميه كلموه وعرف المكان وكل التفاصيل بلغ رئيس المباحث قاله هاطير رقبتي عشان خاطر عربيتك ادفعلهم والبهوات بيقولوا دول بيموتوا ومستهدفين اللي مش هايقدر يحميني يسبها ويقعد في بيته

**mr_who515** · 16-04-2014 06:33 PM

ياراجل أخو واحد صاحبي الصغير اتخطف وطلبو فدية كبيرة منه وهو بعلاقاته قدر يعرف مين اللي ورا العملية ديه واللي بيديرها من الكواليس واتضح انه لواء شرطة ولما حب يبلغ لقي انه مش هاياخد حق ولا باطل واخوه هو اللي هايروح فيها كل اللي قدر يعمله انه خفض المبلغ ورجعوله اخوه!!!

**grumby78** · 16-04-2014 08:46 PM

المشاركة الأصلية كتبت بواسطة rompo10

احنا ارهابين مش بنتكلم بنقتل علي طول

اي حد يساند الارهاب ويبرر له ويكيل بمكيالين ويستخدم الدين وقاء له ومبرر لارهابه هو ارهابي والدين منه براء وحسابه عند الله وحنلاقي ان شاء الله فضائح الاخوان وقياداتهم عند الله وسنختصمهم عند الله .. الموضوع عظيم عند الله وتجاره بالدين وسفك للدماء تحت شعار " دماء رابعه " وحضرتك بتهزر !!!
حسابك وحسابي وحساب من تبرر لهم عند الله
وتعليقا على الاخ اللي بيسأل انا حتعاون عن اقتناع ومعنديش ادنى مشكله اتفتش في ظل الظروف دي ومش خوف بل تعاون ولما بعدي على ظباط شرطه او مجندين جيش بقولهم ربنا معاكم عشان دول سايبين بيوتهم لحمايتنا ودي قناعتي وغير كده مالوش محل للاعراب عندي .. ردي كان تعقيبا على بطولات مفتعله يتضخم اصحابها في الردود واتهام الناس بالعبيد بهتانا وزورا وهو في الحقيقه لايجروء على افتعال اي ازمه او خروج عن النسق امام اي ظابط .. ربنا يهدي وبصراحه تحويل اي موضوع لسيسي ورابعه بتاعتكم دي بقى ماسخ وخارج عن السياق ومتوقع دائما وممل لابعد مدى ... الحياه فيها حاجات تانيه غير مرسي و جماعته ورجوع مش حيرجعوا ولو على جثثنا .. لفظهم المصريين في غالبيتهم ومالهمش عندنا مكان والاسلام اكبر واطهر وانقى من شوية صيع بيستخدموا الدين ستار للارهاب وسعيهم الحثيث للكرسي ..

**abouzaid555** · 16-04-2014 09:02 PM

المشاركة الأصلية كتبت بواسطة bmya

معلش تعايش عشان مسر

بيتهيالى انى نبهت على حضراتكم تكتبو اسم بلدنا الغالى ( مصر ) صح مش ( مسر ) يا محترمين يا متعلمين يا بتوع المدارس ماحنا سيبنا التعليم و مشينا فى المظاهرات

**FAR!D** · 16-04-2014 09:14 PM

المشاركة الأصلية كتبت بواسطة eng.osama.afifi

بناء على كلام الأعضاء الكرام ... إن هو مش من حقه يفتش العربية إلا بسند قانوني وبإذن من النيابة ... بغض النظر عن وجهة نظر بعض من الأعضاء الكرام في المبررات ... أنا بس كنت عايز بسأل عشان حاجة واحدة بس وهيا ... إني لما أكون داخل على كمين وحد يطلب التفتيش ... حوافق عشان دول ناس بتطبق القانون ... ولا شوية ناس بترهب الناس بالسلاح وبلطجة ... بعني الكمين بالنسبالي هو حاجة محترمة لغاية لما يطلب حاجة غير قانونية ... ساعتها بيتحول من الحاجة المحترمة لشوية بلطجية واقفين معاهم سلاح وحسيبهم يعملوا إللي هما عايزينه !

ومفيش مبرر لأي حاجة بتحصل ... يعني لو شايف إن إنت عايز تفتش الناس ... إعمل قانون يديك الحق ده ... بغض النظر عن فساد القانون من عدمه ... بس على الأقل يكون في غطاء قانوني لأي فعل !

وبكرر تاني ... الظابط إللي أتعاملت معاه كان منتهى الذوق والأحترام وأنا متفتشتش بس كنت على وشك ... وسؤالي كان عشان أعرف حقوقي المهدرة مش أكتر !

باشا احترامي لحضرتك بس انت بتعيد و تزيد في الكلام ليه مانا قولتلك على اللي بيحصل...
وعلي فكره قانون الطوارئ بيديله الحق انه يفتش العربيه لو اشتبه ان فيه مشكله

**FAR!D** · 16-04-2014 09:18 PM

المشاركة الأصلية كتبت بواسطة احمد المصرى

الكلام دا قانونى ولا حسب مزاج سيادك الشخصى ولو مزاج سيادك مش مظبوط هتقرف الناس ولو حد مزعل سيادك هتقرف الناس وهطلع عليهم ارفك

فين القانون يا باشا !!!!!!!!!!!!!!!!!!!!!!!

قانوني مش بمزاج سيادتك و سيادتي قانون الطوارئ بيديله الحق ده....و على فكره الطوارئ ده مش اختراع يا كوتش يعني ده موجود في كل دول العالم و بيتفعل عند الحاجه ليه

-

-

الموضوع: سؤال للإخوة الظباط ( شرطة- جيش) والمحاميين والمواطنين الطبيعيين

LinkBack

أدوات الموضوع

عرض

-

-

-

-

المواضيع المتشابهه

سؤال لدكترة الاسنان والمحاميين في المنتدى !

سؤال للإخوة الأعضاء عن كيفية بيع عربية بها ورثة

كام سؤال فى الجيش و بالأخص عن الظباط المجندين أحتياط

سؤال للإخوة الإسكندرانية

سؤال للإخوة اللي من بور سعيد

الكلمات الدلالية لهذا الموضوع

المفضلات

المفضلات

ضوابط المشاركة