التعايش منطق العبيد الصرف !!!!!!!!!!!!!!!!!!!!
لكن الحق يقال انا بسافر كتير وبعدي كماين كتييييير ومعظم الكماين بعدي بدون مايشوفوا الرخص والباقي في ناس بتطلب الرخص لكن عمر ماحد طلب يفتش العربيه لكن مره كنت رايح العبور مدخل العبور من الصحراوي كان في كمين على مدخلها كنت معايا المدام وابني واختي ظابط شاورلي عشان اقف مع انه شايف جمبي مراتي وابني وانا للاسف ولا ملتحي ولا مراتي منقبه ولا اي حاجه من اللي بتعملهم حساسيه بس ماعلينا هديت ووقفت زميله قالي اتفضل ياباشا ده موقف من اتنين واحد بيفهم وواحد تاني لامؤاخذه معندوش اي سينس
موقف كمان مع خالي راجل كبير عنده 60 سنه دكتور و رجل اعمال عربيته bmw 535i 2013 جاي زراعي الساعه 11 كده معدي على كمين العسكري وقفه وقاله الرخص والظابط قاعد مانتخ على جمب خالي طلع الرخص قاله افتح الشنطه خالي فتح الشنطه يدوب فتحها وراح قافلها تاني مبصش اصلا خالي راح ناده عليه وهزقه والظابط جيه وقعد يتأسف له خالي قاله المفروض يكون فيه شويه سينس في التعامل يعني شايفني راجل كبير ومش ملتحي ولا اي حاجه وشادد حزامي وطلبت الرخص طلعتهالك بكل احترام وطلبت فتح الشنطه فتتهالك رحت قافلها تاني وخلاص طيب قولي بقه انت حسك الامني حس بايه لما فتح الشنطه ومبصتش حتى فيها وروحت قفلها وخلاص ولا هي عقد وبتطلعوها على الناس وخلاص وسابه مشي
المره الوحيد اللي اتحطيت في موقف تفتيش ماكانتش عربيتي كنا اربعه في عربيه صديق فيرنا سوده ارقامها نمر عريش كنا معديين كمين جيش الساعه 1 بليل وقفونا شافوا الرخص وفتحوا الشنطه بصوا فيها لكن منزلوناش من العربيه فتحوا الابواب وبصوا تحت الكراسي وشكرا
المفضلات