الموضوع: قصه دراميه من واقع الحياه حدثت لي للعظه والعبره

المشاركة الأصلية كتبت بواسطة s o p h o s

الرحلة وقفت
والعنوان مش متماشي مع القصة

ما انا طلبت من الاشراف في الصفحه التانيه يغيروا عنوان القصه ويعدلوا على راس الموضوع
مش عارف مغيروهاش ليه ... هحاول ابعت للاستاذة سماح ع الخاص

المشاركة الأصلية كتبت بواسطة lena jo

اخيرا كتبت . انا لسه شايفاها .عود احمد. بس ياريت الحلقات ورا بعض بلاش المسافات الكبيرة دي.

اسف ع التأخير ... هحاول اسرع شويه

واذ بي أفاجأ .... الله وفاء اللي قاعده هناك دي ولا ايه ؟ ومين اللي معاها ده !!! انا همشي وهعمل نفسي مش شايف .... ازيك يا ايمن ... اهلا مين احمد ازيك يامعلم عامل ايه ؟ مكنتش واخد بالي ... ولا يهمك ياكبير ... ازيك ياوفاء عامله ايه ؟ ... الحمد لله يا ايمن .... قاعدين بتعملوا ايه ؟ ... ابدا كل واحد مستني محاضرته ... وانا احدث نفسي بداخلي يلا احمد هيشيل وفاء وهطلع انا كده بره اللعبه هههه بس ايه عرفهم ببعض من ايام ثانوي ولا ايه ؟ .... مقولتليش يا احمد بقى ايه عرفك بوفاء ؟ ... ايه يابني انت ما تعرفش انها تبقى بنت عمي ولا ايه ؟ ... ياراجل ؟ .... اي والله ... ممممم مكنتش اعرف والله .... ويدور الحوار ووفاء تنظر الينا في صمت خجوله من الموقف من ناحيه ومندهشه من رد فعلي من ناحيه اخرى حيث لم ابالي بوجودها معه ولم اغير عليها طبعا لا يعني هذا اني لا اغير على حرماتي ولكن وفاء لم تكن من حرماتي بعد ولكن عندما تكون معي احافظ عليها مثلا في المحاضرة افصل بينها وبين الشباب في المدرج وكذالك حين ركوب السيارة لا اجعلها تجلس بجوار الرجال والشباب ولكن عندما لا اكون معها فليس لي سلطه عليها بجانب اني لم اكن ارغب بالزواج منها بعد .... حان وقت المحاضرة .. بقولكم ايه ياجماعه انا كنت جاي النهارده اغير جو مش احضر محاضرات ما تفوككم وتيجي نروح نقعد في الكافتيريا دي ونقضي ساعه حلوة كده ونمشي .... (احمد) ياعم كبر شوف لو ليك مصلحه هنا قولي نخلصها وانت موجود ... مصلحه زي ايه مثلا ؟ ... ياعم العملي والذي منه اي حاجه .... لا ابدا مفيش انا جاي اغير جو مش اكتر واتفرج ع الموزز lol ...طبعا وفاء لم تنتبه معنا في الحديث حيث اتحدث بجرأة مع صديقي ... مضت الجلسه سريعا لنقرر بعدها العودة الى المنزل ولم يحدث جديد في هذا اليوم بخلاف ما ذكرته
انتهت الحلقه
والى اللقاء في الحلقه القادمه .....

مر هذا العام دون حدوث شيء جديد ولكن اثناء الدراسه حاولت وفاء ان تثبت لي ان علاقتها بابن عمها ليست سوى علاقه اخوة لصله القرابه بينهم وانها تميل اكثر للزواج مني ولكن انا لم اعير الامر اهتمام لاني ثابت على مبدأي انه لا تفكير في الزواج الا بعد انهاء الدراسه والحصول على وظيفه ...
الان اقترب موعد السنه الدراسيه الجديده واصبحت في الفرقه الثالثه كليه الاداب ... يلا هاااانت باقي سنتين واخلص من ام الكليه دي ... انا خلاص بقى مش هكلم وفاء تاني انا كده فهمت الكليه واعرف امشي فيها ازاي بدون مساعده من حد لاني عرفت لاحقا ان الدكاترة بيدوا الكتب مجانا للمتفوقين ولذوي الاحتياجات الخاصه ورغم اني لست بحاجه للمساعده الحمد لله وكفى بها نعمه الا انني رأيت ان هذا الامر عاديا لان في المرحله الجامعيه لم اجني ثمار تعبي فكنت اتعب في المذاكرة واحل كويس وفي الاخر اجيب تقديرات ضعيفه ومش عارف ايه السبب مع ان المراحل التي سبقت المرحله الجامعيه كنت متفوقا جدا والحمد لله ... المهم كنت شايف ان اللي اعرفه اطوله من الدكاترة ولاد ال .... يبقى كويس ...
وهاقد بدات السنه الدراسيه الجديده .... الو يامحمد .. ايوة يا ايمن ... عايزك تجيبلي جدول المحاضرات ... اوك ... بعد مرور اسبوعين ذهبت الى الجامعه واتعرفت على شابين على خلق واخذت ارقام تليفوناتهم علشان اعرف منهم الجديد ... مرت الايام واقترب موعد امتحانات الترم الاول ... ترن ترن الو ازيك ياوفاء عامله ايه ؟ .... الحمد لله وانت عامل ايه ؟ يعني مش بتسأل ؟ ... مش انا طلعت القمر ...ههههه لاء والله .... انتي فاكراني بهزر انا باقولك طلعت القمر يعني لو انتي اللي محتاجه محاضرات انا اللي اجيبهالك انا بقيت راجل واصل دالوقتي ههههه ..... ياراجل ؟ وجبتها منين ؟ .... جبتها زي ما جبتها ... خلاص يا اخويا ربنا يوفقك انا مش محتاجه لاني بروح كل يوم وبكتب المحاضرات اول بأول ... اوك عموما لو احتاجتي حاجة قوليلي انا بجيب المحاضرات من ناس كبيرة ههههه .... لاء فوكك ... خلاص انتي حرة ... طبعا في هذا العام الدراسي كنت انشأت علاقات جيده مع الدكاترة وبعض الطلبه المتفوقين معي في الدراسه وكلما احتجت كتاب ما ارسل لاحد اصدقائي ان يذهب الى الدكتور ليحصل منه على الكتاب ويخبره انه من طرفي واستمريت على هذا النهج حتى انهاء المرحله الجامعيه ولم احتاج اي مساعده من اي احد في العامين الاخيرين وبل حصلت على تقدير اعلى من العامين الاولين فكنت اتجاهل الدراسه حتى اقتراب موعد الامتحانات وبعدها اخبر احد اصدقائي ان يقوم لي بتجميع الكتب بالكامل ثم اذهب بعدها الى الجامعه واخذهم منه بعد تحديد المقرر والملغي وابدأ مذاكرة قبل الامتحانات بيومين او ثلاثه فقط هههه
ملحوظه : انا لم استفد شيئا من محاضرات وفاء ابدا في العامين الاولين بل ادركت لاحقا ان المحاضرات تضر اكثر مما تنفع وانها سبب تقديراتي الضعيفه ليست وفاء السبب بل المحاضرات لان الدكاترة يحتاجون اجابات نموذجبه مطوله وليست مختصرة كما في المحاضرات ... واصبحت في العامين الاخيرين اذاكر من الكتاب فقط ولا استخدم اية مصادر اخرى كالملزمات والمحاضرات ... الخ وهنا مربط الفرس الذي جعلني لا احتاج لاحد بعد حصولي على الكتاب وتحديد المقرر واعتمدت على نفسي بالكامل في العامين الاخيرين من الدراسه ...
انتهت السنه الدراسيه لنقبل على اجازة الصيف وبعدها نبدأ في السنه الاخيرة في المرحله الجامعيه .... يتبع

وبدأت السنه الدراسيه الاخيرة في الجامعه واصبحت في الفرقه الرابعه ... يااااه اخيرا هخلص تعليم وارتاح فات الكتير وما باقي الا القليل ... لن احكي تفاصيل طيلة هذا العام فما كنت افعله في الصف الثالث فعتله في هذه السنه ايضا ولكن يبدأ مشوارنا في القصه الدراميه بدايه من ظهور نتيجة امتحانات العام الاخير ... ترن ترن الو يا ايمن ... ايوة يامحمد ... بقولك ادخل على النت كده وشوف النتيجه بتاعتي ... هي النتيجه ظهرت ؟ ... ايوة ياعم انت نايم ولا ايه ؟ ... طيب اقفل واما اجيبهالك هرن عليك .... فتحت موقع الجامعه لاتجول فيه وابحث عن النتيجه ... فين فين قسم اللغه العربيه مممم اهي فين بقى محمد.. محمد ..محمد اهو ... هكتبله النتيجه بسرعه علشان اشوف نتيجتي انا ووفاء ... تررررن الو يامحمد مبرووووك ياعم انت نجحت بتقدير جيد عايزين الحلاوة بقى هههه .... ياراجل ؟ ... اي والله ... معاك ورقه وقلم علشان امليك النتيجه ؟ ... ايوة استنى .... اخيرااا خلصت معاه ... هدخل اشوف نتيجتي انا بقى ... يوووووه قسم اجتماع جميع الفرق ظهرت ما عدا سنه رابعه دا ايه النحس ده !!! ... خلاص نستنى يوم ولا يومين ... وبعد مرور يومين ... اخيرااا النتيجه ظهرت هحمل النتيجه كلها الاول وبعدين اشوف حيث النتيجه مرفوعه بصيغة pdf ... هيييه نجحت بتقدير جيد الحمد لله لما اشوف وفاء بقى عملت ايه ؟ ... الحمد لله وفاء نجحت هي كمان لما اتصل عليها بقى افرحها .... تررررن ايوة يا وفاء مبرووووك نجحتي ... والله ؟ ... اي والله هاتي ورقه وقلم علشان امليكي الدرجات ... لاء استنى انا جاية عندكم دالوقتي ... اوك وانا هجهزلك الدرجات ..... تك تك اهلا وفاء عامله ايه اتفضلي ... وفاء تجلس مع اختي وتحدثها (ان شاء الله معزومين على حفل الخطوبه بتاعتي يوم الخميس) .... اختي اتفاجأت وامي ايضأ تفاجأت .... (اختي) والله ؟ مين اللي هيخطبك ؟ ...(وفاء) فلان ابن فلان ....(اختي) مممممم انا عارفاه بس ضخم اوي عليكي .... (وفاء) مش مهم طلما شاب كويس ارفضه ليه .... وامي بداخل اوضه النوم تسمع وتنتبه بشده وتشاورلي وبعدما ذهبت اليها شوفت ياوسخ قعدت تماطل لما جه واحد اخدها منك خليك قاعد بقى ياحلو ... ياستي دا انا فرحان ليها والله وبعدين انا قولت 100 مرة مفيش جواز الا بعد ما اشتغل واللي جالها ده احسن مني بكتييير ترفضه ليه ؟ .... ايوة احسن منك بس انت لو كنت خاطبها على الاقل مكنش ده حصل ... ياستي كل شيء نصيب وان شاء الله زي ما ربنا كرمها باحسن مني ربنا هيكرمني انا كمان باحسن منها واتجوز اللي بتمناها ان شاء الله
مواصفات خطيب وفاء (ما شاء الله طول بعرض ذو عيون رزقاء وشديد الوسامه وحاصل على بكالوريوس ويعمل مدرسا في الثانويه الصناعيه بجانب انه من عيله كبيرة في بلدتنا كعيلتنا كما ليس به اعاقات كحالتي)
اردت ذكر مواصفاته علشان تعرفوا ازاي لما انا اتكبرت عليها ومكنتش راغب الزواج بها لانها ليست جميله
رزقها الله بشاب افضل مني بكثير ....
هي في نظري شكلها تحت المقبوله وبعض اصدقائي يقولون لي بأنها مقبوله الشكل اي ليست جميله او قبيحه ورغم شده نحافة وفاء لم اكن اتصور ان يتقدم لها شابا في مثل هكذا مواصفات ولكن ارادة الله فوق الجميع
وتزوجت وفاء في شهر مارس عام 2013 والان لديها طفل لا اعلم ان كان ذكرا ام انثى
القصه لم تنتهي بعد ...
بل جاء دوري وخاصة بعد حصولي على الوظيفه
دا انتوا هتشوفوا العجب
انتظروني .........................

.................
تك تك تك ايوة مين ع الباب ؟ ... اهلا يا كريم عامل ايه ؟ ... (كريم بالموتوسيكل) يلا نطلع نقعد بره ع المحطه شويه في الهوا ... اوك يلا بينا ... بعد نزولي من الموتوسيكل خد يا ايمن يا ابن ال (...) ... ايوة يا شريف مالك فيه ايه ؟ .... عارف الدي جي اللي شغال ده بتاع مين ؟ ... مين ؟ ... بتاع وفاء خطوبتها النهارده ... اه ما هي عزمتنا من اسبوع ... عليا النعمه انت عيل (...) كانت بنت كويسه وتناسبك والله لا تندم ... انا مش بندم على حاجه الحمد لله وكل شيء نصيب ....
طبعا حفل الخطوبه اعتقد كان في شهر اغسطس 2012 اي قبل حصولي على الوظيفه ب 4 شهور والزواج كان بتاريخ مارس 2013 اي بعد التعيين بحوالي ثلاثة اشهر ....
....... (شريف) بقولك ياض يا ايمن يلا نروح نبوظ الخطوبه واقعدك انا مكان ال (...) اللي هياخدها ..... ههههههه انت اتجننت ولا ايه .... ابدا والله بس مستخسرها فيه كانت تناسبك انت .... ياعم ما تشغلش بالك اللي حصل حصل
.....
تمر الايام سريعا ...
(شريف) ايه يا ايمن يعني بشوفك بتقعد ع المحطه كتير اليومين دول ... ابدا بشم هوا مع كريم ... بتشم هوا ولا (...) ... ولا ايه ؟ .... ولا بتدور على عروسه ؟ ... ياعم عروسه ايه هو انا لسه اشتغلت ... اصل محدش بيقعد هنا كتير الا لما يدور على عروسه لان موزز البلد كلها بيعدوا من هنا ... تصدق فكرة بردو لما ابقى ادور على عروسه هبقى اكتر القعده هنا شويه ههههه ....
اشعر بملل بسبب الفراغ واثناء التفكير في المستقبل تأتيني فكرة مفادها لماذا لم ابحث عن وظيفه عن طريق الانترنت لربما اجد وظيفه تناسب تخصصي واذ بي اذهب الى الكمبيوتر واقوم بالدخول على موقع الدي في دي العربي قسم الوظائف واقوم بعمل موضوع عنوانه (محدش عنده وظيفه) ؟؟؟ ...............

(محدش عنده وظيفه) ؟؟ ... اوضحت في الموضوع اني من ذوي الاحتياجات الخاصبه لربما يفيد هذا في اعطاء اولويه لي ورغم اني اعمل في مجال الفوركس منذ ثلاث سنوات الا انني لم ارغب بالزواج الا بعد حصولي على وظيفه حكوميه لانها اكثر امانا عن الفوركس فالفوركس ليس له امان فقد اخسر كل اموالي لاجد نفسي اشحذ كي استطيع النفقه على زوجتي واولادي ولذالك جعلته عمل ثانوي وليس اساسي ....
يرد عليا احد الاعضاء في موقع الدي في دي العربي ياباشا انت ازاي ما تعرفش الاعلان اللي لسه نازل امبارح ده ؟ وارفق لي صورة من الخبر مفاده ان التنظيم والاداره فتحت مسابقه تعيينات جديده لذوي الاحتياجات الخاصه والعدد المطلوب حوالي 1700 من محافظتي لا اعلم شيئا عن باقي المحافظات ....
الله اكبر خلاص من بكرة هجهز الاوراق المطلوبه بعد ان اخبرت الاسره بذالك .......
احضرنا الاوراق بالكامل وقمنا بالتقديم على الوظيفه وبعدها بحوالي شهرين جائت النتيجه بالاسماء اللي اشتغلت
وكنت انا منهم بفضل الله
وكان هذا اليوم من اسعد لحظات حياتي والفرحه كانت غامرة في المنزل كله والحمد لله على هذه النعمه
...............
كده انا اشتغلت وهبدأ بقى ادور على عروسه لانها الخطوة اللي عليها الدور
ملحوظه تاريخ استلامي للعمل 20/1/2013
وبدأت في البحث عن عروسه بجديه 21/3/2013
والان نحن في شهر مايو 2014
اي حوالي سنه وخمسة اشهر ابحث عن عروسه ولم اجد الانسانه المناسبه
سأحكي تفاصيل ما حدث في هذه المدة
فانتظروني .........