قصه دراميه من واقع الحياه حدثت لي للعظه والعبره

**prof2013** · 15-04-2014 11:46 PM

بسم الله الرحمن الرحيم

الان ظهرت نتيجه الثانويه العامه هيا بنا نستعلم عن درجاتنا .... ذهبنا واستعلمنا ونجحنا الحمد لله
ها بتفكر تدخل كليه ايه ؟ ... لسه بفكر ... خلاص نويت على تجارة .. ليه ؟ ... كويسه ومستقبلها كويس ... على خيرة الله ... اليوم الاول في كليه التجارة ما هذه الانحرافات والسفاله ايه العالم ده اعوذ بالله عالم جديد وجو جديد والفطرة التي تربينا عليها والتي نراها في اهل الريف الطيب تكاد تكون معدومه في جو الجامعات ... وبعدين بقى انا كل يوم هشوف الاشكاله .... دي وكمان تجارة صعبه وبالذات المحاسبه محتاجه درس ... من الاخر انا هحول كليه نظريه علشان اذاكرها في البيت ومش هروح الا على الامتحانات ... مممممم خلاص افضل اختيار اداب اجتماع وحولت اداب اجتماع ... المحاضرة الاولى فاتح بقى ومش فاهم حاجه وجاي من بلد بعيد والمواصلات صعبه ومرهق من المشوار ومش عارف حد في المدرج ... خلصت المحاضرة وكان عدى شهر على بدايه الدراسه ... عايز اجيب المحاضرات اللي فاتت وبحسن نيه لو سمحت يا اخ ممكن تديني المحاضرات انقلها واجيبلك الكشكول بكرة ؟ ... لاء مش ممكن ...ليه؟... كده وخلاص هو انا اتعب في النقل وانت تاخدهم ع الجاهز !!! دا حتى صاحبي اللي جنبي اهو بيتحايل عليا ومش راضي اديله ... شعوري انذاك .. في سري هو انا ايه اللي خلاني قولتله دا حتى باين على شكله من الشباب السيس مفيش واحد في المدرج كله باين على شكله محترم طيب اكلم مين ... قاعد حزين مش عارف اعمل ايه ... المحاضرة التانيه خلصت خلاص هنمشي هصبر لما يغوروا يطلعوا هما الاول واطلع انا في الاخر براحتي .. اشاهد الطلبه وهم يخرجون من الباب طالب تلو الاخر وعيناي لا تغفل عنهم
...... اوباااااا دي فلانه من البلد عندنا وكانت معايا في الثانويه هي دخلت اجتماع !!! كويس اوي ..
كده اجيب المحاضرات منها وما اتزلش لحد .. وصلت البيت حكيت اللي حصل لامي .. خلاص يابني انا هروح اكلمهالك يمكن تطلع بت جدعه وما تبخلش عليك بحاجه قولتلها اوك .. السلام عليكم ازيك يا فلانه عامله ايه انا فلانه ام فلان اهلا يامرحب عامله ايه وايمن عامل ايه انا عارفاه كان معايا في الثانويه وشوفته في المحاضرة .........................

يتبع ....

**M R. Z E C O** · 16-04-2014 12:02 AM

اوعى تكون لبست ههه

**ahmedalaahosny** · 16-04-2014 12:15 AM

موتابع ياعم الحج

**Ahmed_selmy** · 16-04-2014 03:13 AM

متابع
بس متتأخرش علينا

**محمود السيد** · 16-04-2014 09:56 AM

ياخوفى ................

**أبو صلاح** · 16-04-2014 10:18 AM

شكلها هتقلب بدراما

**drcobra** · 16-04-2014 10:38 AM

فكرنا بايام الجامعة

**amr011111** · 16-04-2014 10:46 AM

يأخى المكتبات بره مخليتش حد عاوز ينقل محاضره من حد :)

**osamaos20022** · 16-04-2014 05:16 PM

waiting

**prof2013** · 16-04-2014 08:13 PM

انا عارفاه وشوفته في المحاضرة .. اه وهو كمان شافك بس اتكسف يكلمك ... اتكسف ليه ؟ احنا اخوات وهو زي اخويا ... امي شكرا ياجميل دا بس من زوقك ... العفو يا أم ايمن .. ها ؟ خير كنتي عايزاني في ايه ؟ ... اه كنت عايزه المحاضرات لايمن لانك زي ما انتي عارفه ظروفه ومش بيقدر يروح الجامعه وكده .. حاضر من عنيا انا تحت امرك ..
امي شكرا ياعسل .... ثواني يا ام ايمن هجيبلك الكشكول من جوه تصوريه .. خلاص ماشي .. ايمن انت فين جبتلك المحاضرات كلها اهو من اول السنه لاخر محاضرة .. والله ؟ طيب تمام .. بس عندي سؤال يا ايمن اشمعنى اختارت دي ؟ ... انا يعني ايه ؟ .. ابدا بسأل بس والله باين عليها بنت طيبه اوي ... انا ما انا عارف ... على فكرة يا وفاء ايمن ده اخته تبقى معايا في الفصل .. وفاء والله طيب كويس ابقى اديكي المحاضرات تديها لاخته واخته تديهاله ... مممم فكرة بردو .. قاعد خلف باب الكليه وانظر للطلبه بعين خفيه تمر وفاء من امامي ال... يوووه مش هتسمع خلاص كبر .. وفاء تنظر بعين خفيه ثم تنظر بعيدا تجاه السلم لتصعد وتذهب الى المحاضرة وانا انتظر الاسانسير لاذهب الى المحاضرة انا ايضا ... انتهت المحاضرة ... هواجس اقابلها واسلم عليها ونمشي مع بعض اشوفها محتاجه حاجه دي عملت معايا واجب معتبر ... اختفت عن الانظار خلاص وقت تاني ركبت السيارة لاعود الى المنزل ... يلا انا هروح بكره وخلاص اخر يوم علشان اجيب الكتاب وبعدين ما اروحش الا على الامتحانات ... ركبت السيارة ووصلت للجامعه ودخلت قاعه القاء المحاضرة ... انتهت المحاضرة وها انا انتظر لكي يفرغ الدكتور من الطلبه المتكتلين امامه لكي احدثه على راحتي ... ما زلت انتظر وها انا اسمع صوتا يناديني من الخلف ..... هات يا ايمن الشيت علشان اجيبلك الكتاب التاني .... انظر للوراء لاجد ..........