قصه دراميه من واقع الحياه حدثت لي للعظه والعبره

**prof2013** · 02-05-2014 09:39 PM

المشاركة الأصلية كتبت بواسطة طارق _عبد السلام

استاذ ايمن مع تقديرى واحترامى الكامل لحضرتك

مش عارف اقول ايه

بس حاسس انك وقعت فى مشكله انك بتغتاب ناس ليس لهم اى ذنب او مشكله غير انهم مش فى مستوى حضرتك التعليمى والاجتماعى
بجد انا قرأت موضوعك كامل وحزنت اكثر على وصفك لناس ليس لهم اى ذنب واصلا حضرتك لم تعيش معهم او اندمجت معه اظنها غيبه فى حقهم

اعذرنى بالله انا حزين من داخلى يكفى هذا وربنا يرزقك بالزوجه الصالحه ربنا يبارك لك

شكرا لك اخي الكريم على نصيحتك
ولكن لو علمت اسلوب هؤلاء في الرفض لشكرتني على رد فعلي هذا

**prof2013** · 02-05-2014 09:44 PM

المشاركة الأصلية كتبت بواسطة prof2013

مفيش الا واحده كانت من اختياري ماتت الله يرحمها (كانت من الاخر) ربنا يرحمها

دالوقتي انا بحاول العب على اختها الصغيرة في سنه تانيه كليه شريعه اسلاميه وجميله ولكن يقال انها ليست بطيبه اختها المتوفيه الله يرحمها

**medo_31** · 02-05-2014 11:23 PM

من الافضل في القصص الواقعية أن يتم تغيير الأسماء الحقيقية للشخصيات والأماكن

**prof2013** · 02-05-2014 11:31 PM

تعبت اوي في الكتابه النهارده من الصبح وانا عمال اكتب وبحاول ارتب الاحداث
كده القصه خلصت وهنحتاج نقفلها بس مش دالوقتي
هيكون بعد سنه من الجواز ان شاء الله لما اشوف البطيخه اللي هاخدها هتبقى عامله ايه !
المشكله ان وفاء عاملالي مشكله بمعنى
ان اي واحده تكون اقل منها بحاجه بسيطه ارفضها لاني بضعها في وضع مقارنه معها
جاتلي حاله نفسيه من موضوع الجواز ده لدرجه اني بتعفرت لما بسمع سيرته
وكل ما اصرف نظر الاقي نفسي بفكر فيه تاني منهم لله اللي بيفكروني بيه
دالوقتي جاء دوركم
هل ممكن ربنا ينتقم مني ويرزقني بواحده تطلع عنيا ؟؟ بعد اللي حصل مع وفاء !!
وهل انا ليا دور في اللي حصل ولا كل شيء نصيب زي ما بيقولوا ؟؟
يعني ممكن ربنا يكون بعتلي وفاء علشان تساعدني في الكليه فقط دون ان يقدرها لي كزوجه لانه سيرزقني بأفضل منها كما رزقها بأفضل مني ؟
ولا علشان انا استكبرت عليها ربنا رزقها بأفضل مني وسيرزقني بأقل منها ؟؟
انا والله عمري ما نظرت لوفاء نظرة سخريه ووالله اقدرها واحترمها وعمري ما زعلتها وكانت بتحبني لدماثه اخلاقي بس المشكله ان الجمال مهم عندي شويه بس لاني كنت شايف ان وفاء مش هتعفني في النظر الى النساء ولذالك رأيت عدم التخلي عن المبدأ كي لا اندم لاحقا
وفي كل الاحوال ندمنا وعجبي

**prof2013** · 02-05-2014 11:36 PM

المشاركة الأصلية كتبت بواسطة medo_31

من الافضل في القصص الواقعية أن يتم تغيير الأسماء الحقيقية للشخصيات والأماكن

ههههههههه ما هو دا اللي حصل ما عدا تغيير اسمي
لكن باقي الشخصيات باسماء مستعاره
ورأيت افضل تسميه لفتاتي هي وفاء يعني الاخلاص يعني الود والاحترام يعني الوفاء بالعهد ... الخ من المعاني الجميله

**medo_31** · 02-05-2014 11:53 PM

المشاركة الأصلية كتبت بواسطة prof2013

ههههههههه ما هو دا اللي حصل ما عدا تغيير اسمي
لكن باقي الشخصيات باسماء مستعاره
ورأيت افضل تسميه لفتاتي هي وفاء يعني الاخلاص يعني الود والاحترام يعني الوفاء بالعهد ... الخ من المعاني الجميله

تمام كده

**lena jo** · 03-05-2014 12:38 AM

لا حول ولا قوة الا بالله قصة معبرة . لكن بعيدا عن محتوي القصة لازم تشيل الشتيمة اللي في احد الفقرات المسلم ليس بشتام ممكن تقول الله يسامحها و كمان لا يصح ان تقول بت علي اي واحدة ، اسمها بنت. نرجع للقصة. اول حاجة تشيل عقدة الذنب دي تماما.هو ايه اللي حصل لوفاء. انت لم تؤذها و لم توعدها و هي حست انك مش هتتقدم لها فوافقت علي العريس اللي حضرتك وصفته انه كويس و مناسب.يعني ربنا كرمها يبقي ليه حاسس بالذنب . انت شوفتها انتحرت و لا بقت تعيسة بسببك عشان تحس بالذنب . و ربنا ينتقم منك ليه ؟ خلاص انساها هي عايشة حياتها و مستقرة . لكن خذ منها عبرة . انت شفتها وحشة و مش عاجباك و اكيد لم تتوقع ان تتزوج بسرعة . حكمت بعينك انت و تصورت انها قاعدة شوية بمنظورك الدنيوي . لكن شوف ربنا كتبلها ايه . يمكن زميلاتها الاحلي منها اللي ممكن كل يوم عريس لم يتزوجن بهذه السرعة و كمان واحد وسيم . اكيد تساءلت كيف و امامه بنات حلوة هيوفقوا عليه. هو فعلا نصيب و يا ريت الناس تصدق ان لا بالشكل و لا بأي حاجه منطقية ممكن الناس تحكم ده يتجوز بسرعه و لا دي عشان عندهم كل مقومات الزواج. كم من شاب جاهز بشقته و عملة و لم يجد الفتاه المناسبه رغم انه شاف كتير و اخر ليس لديه امكانيات و لا شقة تفاجأ انه تزوج بايجار جديد و الاهل بيساعدوه و الدنيا مشيت معاه. و كم من فتاه جميله و من وسط اجتماعي عالي لم يكتب لها الزواج ربما ماتت دون زواج.و كم من فتاه تزوجت صغيرة فلم تنجب و تأخرت حتي انجبت بعد عشر سنوات زواج و اخري تزوجت كبيرة و انجبت من اول عام زواج. و كم من ام صغيرة قالوا لها سترين احفادك و لازلتي صغيره ربما تموت وهي تلد اول اولادها فيتيتم و اخري تزوجت كبيرة و عاشت حتي رأت احفادها. عجائب قدر الله . الله خلق العين و خلق الناس متفاوته في الجمال و كما يقولون كل فوله و لها كيال . ما تراه انت قبيحا يراه غيرك جميلا و العكس صحيح حتي تستمر الحياة . يجب ان تنظر لنفسك نظرة اخري . ذكرت انك تعرفت علي مطلقة و كنت تريد الزواج منها و لكنها توفت رحمها الله . العبرة ان تري انك انسان طبيعي . لم تكن لك و لكن ظهرت في حياتك لكي لا تيأس و لا تبحث عمن تتنازل و لا عن واحده اقل منك لكن عن واحدة طبيعية تستطيع التفاهم معها و لا يهمك انهم بيرفضوا ممكن اي واحد عادي يترفض و اسأل اصحابك. يوما ما سيوفقك الله في واحدة مناسبة تراها انت جميلة و مناسبة ممكن تكون معاقة لكن انت شوفتها مناسبة و اقتنعت بها ككل. اقصد لا تبحث عن واحدة عندها مشكله حتي توافق عليك. ابحث عادي و لو عندها مشكلة يبقي صدفة. و ربنا زي ما رزق وفاء سيرزقك . فقط اصلح نيتك.ربنا يرزقك و يرزق كل شباب و بنات المسلمين بالازواج الصالحين ان شاء الله

**a raafat** · 03-05-2014 01:06 PM

الصراحه حضرتك كرهتنى فى جواز الصالونات أكتر منا كارهه ههههههه
بجد مش قادر أتقبل او اتخيل لوهله انى أروح بيت ناس معرفهمش وأول مره اشوفهم عشان اشوف بنتهم اللى يا تعجبنى يا متعجبنيش او انا يا اعجبهبا يا معجبهاش وكأن الموضوع بضاعه بتتباع !

وبعدين لو دخلت عند ناس والبنت مثلا معجبتنيش وحسيت ان هيا موافقه بيا ومتمسكه بيا ساعتها هيبقى صعب عليا ارفضها واكسر بخاطرها ولو رفضتها هيجيلى عقده وهحس بالذنب

ونفس الحال عليا مش قادر اتخيل انى ممكن أروح أتقد لواحده وأترفض يا نهار أسود ده انا ممكن اتعقد ساعتها من الصدمه ومتقدمش لحد تانى وأعيش من غير جواز

ومش معنى كلامى ده انى رافض جواز الصالونات انى واد مقطع السمكه وديلها ومقضيها ولازم اتجوز عن قصه حب ملتهبه زى الافلام لا لا لا أطلاقا

لكن من وجهة نظرى أن فى طريقه جواز تانيه ممكن تكون حل وسط بين الحب و جواز الصالونات وهيا ان الواحد هوه اللى يلاقى عروسته بنفسه سواء بقى معاه فى الشغل او الكليه او النادى وميقدمش على خطوه الجواز الا لو تأكد وتيقن أن البنت متقبلاه ولو دخل البيت من بابه هيتقبل والموضوع هيتم

بالمناسبه فى موقف حصل امبارح ومحيرنى ومستغربه جدا : طيب دلوقتى جواز الصالونات مع انى ضده بس ممكن نقول اللى بيلجأ ليه ممكن واحد مش اجتماعى او معندوش علاقات كتير فده طريقه او المسلك اللى قدامه
لكن تقولوا ايه لواحد اعرفه ماشاء الله اجتماعى وليه صديقات وزميلات كتير وعلى فكره فى حدود الأحترام والزماله مش اكتر وكلهم فضليات لكن يوم أما فكر فى الجواز عايز يتجوز جواز صالونات وموصى الستات قرايبه يدوروله على واحده !! بجد حاجه غريبه اوى كنت عايز امسكه اضربه والمصحف يعنى انت قدامك الناس اللى تعرفها وعارف شخصيتها والحاجات الحلوه والوحشه فيهم وتاريخهم وسايب كل دول ورايح لواحده متعرفش عنها حاجه ولا تعرف ماضيها وطول فترة الخطوبه هتكون ممثله قدامك !!!
جواز صالونات نووووووووووووو حتى لو مش هتجوز :(

**بحار** · 03-05-2014 03:00 PM

عزيزى..... استمتعت بقصتك جدا رغم مابها من مفارقات غريبة .ورأيى المتواضع انك مفيش مشكلة عملتها لما ماتقدمتش لوفاء بل على العكس كان تفكير عقلانى جدا انت وقتها مش مؤهل لموضوع ارتباط وانت بتدرس وكانت نتيجة التفكير الصح ده الوضع السليم الحالى هيا جالها انسان جاهز وانت تفرغت لوضع اولى خطوات الطريق الصح وهو العمل .. اما من ناحية العرايس الغريبه دى والغير مناسبه اطلاقا .. انا شايف ان ربنا مش كاتبهم ليك ولكن سبحانه خلقك ويعلم طريقة تفكيرك وكاتبلك واحده ان شاء الله فى الطريق لو كانت جاتلك فى الاول كنت ممكن ترفضها فربنا وضع التجارب دى فى طريقك علشان تتعلم منها وتستفيد خبرة تخليك توافق بعد كده على واحده معينه فى علم الغيب عنده . واحساسى الشخصى انك طيب وان شاء الله ربنا هايبعتلك واحده احسن من كل دول . وخد بالك فى الاختيار وعلى مهلك مهما كانت الضغوط لان الغلطه فى الموضوع ده مش بفوووورة لاء دى بتبقى غلطة العمررررر
ملحوظه : حاولت اعلق على مواضيع لك قبل كده بس الواد المكشر فى الصورة ده خوفنى ياريت تغيرة او تخليه يضحك الله يكرمك

**prof2013** · 03-05-2014 07:27 PM

المشاركة الأصلية كتبت بواسطة lena jo

لا حول ولا قوة الا بالله قصة معبرة . لكن بعيدا عن محتوي القصة لازم تشيل الشتيمة اللي في احد الفقرات المسلم ليس بشتام ممكن تقول الله يسامحها و كمان لا يصح ان تقول بت علي اي واحدة ، اسمها بنت.
اصل الشتيمه محشورة في زوري من زمان ويادوبك انها طلعت هههههه
اصلي بكره مرات خالي اوي
نرجع للقصة. اول حاجة تشيل عقدة الذنب دي تماما.هو ايه اللي حصل لوفاء. انت لم تؤذها و لم توعدها و هي حست انك مش هتتقدم لها فوافقت علي العريس اللي حضرتك وصفته انه كويس و مناسب.يعني ربنا كرمها يبقي ليه حاسس بالذنب . انت شوفتها انتحرت و لا بقت تعيسة بسببك عشان تحس بالذنب . و ربنا ينتقم منك ليه ؟ خلاص انساها هي عايشة حياتها و مستقرة . لكن خذ منها عبرة . انت شفتها وحشة و مش عاجباك و اكيد لم تتوقع ان تتزوج بسرعة . حكمت بعينك انت و تصورت انها قاعدة شوية بمنظورك الدنيوي . لكن شوف ربنا كتبلها ايه . يمكن زميلاتها الاحلي منها اللي ممكن كل يوم عريس لم يتزوجن بهذه السرعة و كمان واحد وسيم . اكيد تساءلت كيف و امامه بنات حلوة هيوفقوا عليه. هو فعلا نصيب و يا ريت الناس تصدق ان لا بالشكل و لا بأي حاجه منطقية
انا حاسس بالذنب من ناحيه اني افتريت على واحده كان يفترض اني اتنازل عن الجمال بل اجبر نفسي على ذالك حتى لو نفسي مش قابله لانها فتاه عمله نادرة هذه الايام ومن الصعب الواحد يلاقي واحده جميله واخلاق في نفس الوقت وخاصه اني اتعاملت مع بنات كتير ومنهن بنات قبيحه الشكل كمان ولسن في اخلاق وفاء فكان يفترض عليا التنازل وخطبتها على الاقل وتركت العمل في وقت لاحق يعني كنت ربطت معاها كلام مؤقتا لحين ربنا يكرمني بعمل ولكن بلا شك انا فرحت ليها جدا لما اتخطبت لهذا الشاب على امل اني سأجد انا الاخر فتاة احلامي ولكن في النهايه لا طولنا شامي ولا مغربي
ممكن الناس تحكم ده يتجوز بسرعه و لا دي عشان عندهم كل مقومات الزواج. كم من شاب جاهز بشقته و عملة و لم يجد الفتاه المناسبه رغم انه شاف كتير و اخر ليس لديه امكانيات و لا شقة تفاجأ انه تزوج بايجار جديد و الاهل بيساعدوه و الدنيا مشيت معاه.
عندي زميلي معاه دبلوم ابوه جوزه وهو في الجيش لواحده جميله ومعاها دبلوم بردو رغم انه مازال مستقبله مجهول لكن تلاقي اهل البنت فرحانين بيه جدا
اتقدمت انا لاخت مراته بتدرس في كليه تجارة وطبعا هي وابوها عارفيني من بعيد ويعرفوا ظروفي رفضوني من بعيد لبعيد دون ان يجلسوا معي ورغم اني من عيله ووسط اجتماعي كويس وهي ابوها فراش في المدرسه وعجبي على هذا الزمان
و كم من فتاه جميله و من وسط اجتماعي عالي لم يكتب لها الزواج ربما ماتت دون زواج.و كم من فتاه تزوجت صغيرة فلم تنجب و تأخرت حتي انجبت بعد عشر سنوات زواج و اخري تزوجت كبيرة و انجبت من اول عام زواج. و كم من ام صغيرة قالوا لها سترين احفادك و لازلتي صغيره ربما تموت وهي تلد اول اولادها فيتيتم و اخري تزوجت كبيرة و عاشت حتي رأت احفادها. عجائب قدر الله . الله خلق العين و خلق الناس متفاوته في الجمال و كما يقولون كل فوله و لها كيال . ما تراه انت قبيحا يراه غيرك جميلا و العكس صحيح حتي تستمر الحياة . يجب ان تنظر لنفسك نظرة اخري . ذكرت انك تعرفت علي مطلقة و كنت تريد الزواج منها و لكنها توفت رحمها الله . العبرة ان تري انك انسان طبيعي . لم تكن لك و لكن ظهرت في حياتك لكي لا تيأس و لا تبحث عمن تتنازل و لا عن واحده اقل منك لكن عن واحدة طبيعية تستطيع التفاهم معها و لا يهمك انهم بيرفضوا ممكن اي واحد عادي يترفض و اسأل اصحابك. يوما ما سيوفقك الله في واحدة مناسبة تراها انت جميلة و مناسبة ممكن تكون معاقة لكن انت شوفتها مناسبة و اقتنعت بها ككل. اقصد لا تبحث عن واحدة عندها مشكله حتي توافق عليك. ابحث عادي و لو عندها مشكلة يبقي صدفة. و ربنا زي ما رزق وفاء سيرزقك . فقط اصلح نيتك.ربنا يرزقك و يرزق كل شباب و بنات المسلمين بالازواج الصالحين ان شاء الله

امين يارب
جزاكي الله خيرا يا استاذه لينا
كلامك دايما بيعجبني وبيبقى في الجول
بس طريقه كلامك تبين انك لستي صغيرة يعني شكل حضرتك بتلعبي في الاربعينات ولفيتي الدنيا وعندك خبرات

بس طبعا مش شرط ممكن تكوني صغيرة وعقلك سابق سنك
ولنا في الاخ صدام خير مثال