/ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

**Hany Saad** · 22-04-2014 03:23 PM

المشاركة الأصلية كتبت بواسطة تامر.محمد

انا باقول طالما الناس بتقارن بين عربيتين يبقى المقارنة تنحصر في كل فئة على حدة

يعني اللي عايز يقارن ياخد الكورولا اللي ب178 يقارنها بالفلوينس اللي ب178
و ياخد الكورولا اللي ب189 يقارنها بالفلوينس اللي ب188

اول فئة فلوينس مافيش فئة تقابلها في الكورولا
و اعلى فئة كورولا سعرها اعلى من اعلى فئة فلوينس بحوالي 15-20 الف مش فاكر بالظبط

فعلاً يا تامر بيه....هو ده الكلام

الكورولا على فكرة زادت من حوالى أسبوع حوالى 4 ألاف جنيه للمرة التانية فى كل الفئات

يعنى كده هنقارن كورولا فئة تانية ب 193 ألف مع فلوانس هاى لاين ب 188 ألف و دول قريبين جداً من بعض

المحترم silent dream مثبت له موضوع فوق ده بالظبط فيه مقارنة تفصيلية للفرق بين الأتنين و باشمهندس محمد هانى كان ملخصهم بطريقة ظريفة جداً.....أكيد هتفيد كل واحد بيفكر فى الأتنين

أعتقد الهاى لاين هتبقى خارج المنافسة لأن مع سعرها الجديد 225 ألف يبقى فيه حوالى 37 الف جنيه فرق ما بينها و بين الفلوانس هاى لاين اللى ب 188 ألف.... و قربت من شرايح سعر عربيات أخرى زى البيجو 508 و الأوكتافيا A7

تحياتى

**تامر.محمد** · 22-04-2014 03:23 PM

@Mohamed.Hany
نسيت تقول في مش فاكر 15 ولا 20 الف جنيه يابو حميد , انت فاكر عني اكيد :)))

طالما هانبدأ نتكلم صح بقى , من خلال المقارنة بتاعتك , دي مقارنة سريعة بين الفلوانس اللي ب178 و الكورولا اللي ب178
بالمناسبة انا شايفك ناسي فتحة التكييف الخلفية , الكورولا مافيهاش , الفلوينس مش عارف الفئة دي فيها ولا لأ

**Mohamed.Hany** · 22-04-2014 03:30 PM

المشاركة الأصلية كتبت بواسطة yasser100

ما عليش ادخل على موقع نيسان جلوبال و انت هاتعرف الفتيس الاوتوماتيك cvt ملك مين دلوقتى :) , اه بتبيعه عادى لمصانع العربيات اللى عايزه تركبه عندها زىها زى فولكس اللى بتبيع dsg gearbox , حاجه عاديه يعنى , همه اللى اختبروا اعتماديته بطرقهم مش انا و انا فى كلامى قلت احنا كمستهلكين لسه ما نعرفش , انا قلت اه انه فتيس الكورولا cvt ونفس ال concept لفتيس الفلوينس بس اختلف بعد تعديل تويوتا عليه فى نقط لصالحه و عليه , كلامى بعد التعديل و التعديل ده مش بنسبه عاليه

برضو حضرتك مجبتليش المصدر اللي بيقول ان نيسان بتبيع لتويوتا الفتيس و بعد كدة تويوتا تاخده و بتعدله .

كلام حضرتك صح في حالة واحدة بس , اللي هيا الفلوانس اللي بتاخد فتيس و موتور و تكييف نيسان و حطاه في عربيتها زي مهو .

ارجو حضرتك تحطلي لينك بيقول ان نيسان بتصنع لتويوتا ال CVT , و تويتا بتشتريه منها زي محضرتك قايل :
""طيب تويوتا عملت ايه ؟ خدت الفتيس ده و دخلت عليه بعض التعديلات بعد موافقة نيسان عليها و سمته CVT S-tronic ""

و معلومة برضو مفيش حاجة اسمها CVT S-tronic هو اسمه CVTi-S كلمة Tronic دي ليس لها اي وجود في تويوتا .

**bassem.naguib** · 22-04-2014 03:32 PM

أقولكم حاجة .. العربيتين زبالة وميتركبوش من أساسه .. ولا تزعلوا نفسكم

صاحب الموضوع بيقول رأيه من وجهة نظره الشخصية .. ممكن يكون أغفل نقاط معينة في المقارنة .. بس هو في النهاية ارتاح للكرولا .. وبرضه حنرجع لنفس النقطة اللي بنتكلم فيها .. وهي أن العملية ارتياح نفسي في المقام الأول .

أنا عربيتي أحسن .. لا أنا عربيتي أحسن .. مش حاسين أن الموضوع دخل في مسار تاني خالص .

وربنا يبارك للجميع .

**تامر.محمد** · 22-04-2014 03:34 PM

و دي مقارنة سريعة للكورولا و الفلوينس فئة 188 الف جنيه
و الاكيد ان فتحة التكييف الخلفية هنا في الفلوينس و مش في الكورولا

**Mohamed.Hany** · 22-04-2014 03:35 PM

المشاركة الأصلية كتبت بواسطة hany saad

فعلاً يا تامر بيه....هو ده الكلام

الكورولا على فكرة زادت من حوالى أسبوع حوالى 4 ألاف جنيه للمرة التانية فى كل الفئات

يعنى كده هنقارن كورولا فئة تانية ب 193 ألف مع فلوانس هاى لاين ب 188 ألف و دول قريبين جداً من بعض

المحترم silent dream مثبت له موضوع فوق ده بالظبط فيه مقارنة تفصيلية للفرق بين الأتنين و باشمهندس محمد هانى كان ملخصهم بطريقة ظريفة جداً.....أكيد هتفيد كل واحد بيفكر فى الأتنين

أعتقد الهاى لاين هتبقى خارج المنافسة لأن مع سعرها الجديد 225 ألف يبقى فيه حوالى 37 الف جنيه فرق ما بينها و بين الفلوانس هاى لاين اللى ب 188 ألف.... و قربت من شرايح سعر عربيات أخرى زى البيجو 508 و الأوكتافيا a7

تحياتى

بشمهندس هاني ,

سعر تويوتا كورولا زي مهو بالضبط و حضرتك لو حجزت هتحجز بالاسعار الاتيه :
177 و 189 و 215 الكلام اللي حضرتك قولته ده توقعات و تكهنات لفرق العملة و محدش عارف ايه الاخبار و انا عن نفسي برضو عندي معلومات ان الفلوانس هتغلي بس مقولتش عشان خبر غير مؤكد .
حضرتك لو رفعت السماعة علي تويوتا ايجيبت و رحت عشان تحجز هتحجز بالسعر اللي انا قولته لحضرتك و شكرا

المشاركة الأصلية كتبت بواسطة تامر.محمد

@mohamed.hany
نسيت تقول في مش فاكر 15 ولا 20 الف جنيه يابو حميد , انت فاكر عني اكيد :)))

طالما هانبدأ نتكلم صح بقى , من خلال المقارنة بتاعتك , دي مقارنة سريعة بين الفلوانس اللي ب178 و الكورولا اللي ب178
بالمناسبة انا شايفك ناسي فتحة التكييف الخلفية , الكورولا مافيهاش , الفلوينس مش عارف الفئة دي فيها ولا لأ

فتحة التكييف الخلفية انا كاتبها في التعليق رقم 69 :)

**Hany Saad** · 22-04-2014 03:37 PM

المشاركة الأصلية كتبت بواسطة bassem.naguib

أقولكم حاجة .. العربيتين زبالة وميتركبوش من أساسه .. ولا تزعلوا نفسكم

صاحب الموضوع بيقول رأيه من وجهة نظره الشخصية .. ممكن يكون أغفل نقاط معينة في المقارنة .. بس هو في النهاية ارتاح للكرولا .. وبرضه حنرجع لنفس النقطة اللي بنتكلم فيها .. وهي أن العملية ارتياح نفسي في المقام الأول .

أنا عربيتي أحسن .. لا أنا عربيتي أحسن .. مش حاسين أن الموضوع دخل في مسار تاني خالص .

وربنا يبارك للجميع .

تصدق يا باسم بيه...أنا طول عمرى أقول أن العربيتين دول زبالة و محدش مصدقنى.... :):)
مش عارف ليه كل مرة أرد و أدخل فى مواضيع مليش دعوة بيها....ما اللى عايز يقول رأيه يقول و أنا مالى.....
المهم الكورولا بتاعتك تلزمنى....شاكب راكب على عيبها بكام؟ :):) و لا هى أفرس من الحتة بتاعت غسان بيه مطر :):)

تحياتى يا كبير.....

**تامر.محمد** · 22-04-2014 03:44 PM

الخلاصة في وسائل الامان و الكماليات
لو هاتجيب عربية ب178 الف
الكورولا هاتديك ايه مش في الفلوينس ؟
1- ESP
2- TRC
3- DRL LED
4- Sport MODE
5- ECO MODE
6- EBL ( هو ايه ده يا جماعة ؟ حد يقول لي :))) )

الفلوينس هاتديك ايه مش في الكورولا ؟
1-راديو سي دي 6 سماعات مقابل 4 في الكورولا
2- مرايات ضم
3- اشارات في المرايات
4- Smart Entry
5- Start\Stop ( مش في المقارنة اللي فوق )
6- مخدع زراع خلفي
7- دركسيون جلد
8- حليات نيكل كروم
9- التكييف تاتش (مقابل بكر في الكورولا)
10- التكييف dual Zone
11- Blue tooth
12- مثبت سرعة
13- فوج لايتس امامي
14- فوج لايتس خلفي
15- سخانات في المرايات
16- حساس ضوء
17- حساس مطر
18- فتحة سقف ( مش متأكد منها لكنها في مقارنة م\محمد و صححوا لي لو غلطان)
19- فتحة تكييف خلفية

اللي عاجباه الباكدج دي يشيل , و اللي عاجباه الباكدج دي يشيل
انا شايفها في الباكدج دي مايلة لصالح الفلوينس عموما , لكن الفرق بين الباكدج دي و الاعلى منها عشرتلاف جنيه بس
انا باكتب الباكدج الاعلى اللي الوضع فيها مش هو هو , انتظروني

-

-

الموضوع: /ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

LinkBack

أدوات الموضوع

عرض

-

-

-

-

-

المواضيع المتشابهه

ارجو المساعدة بسرعة 508 موديل 2012 ولا كورولا 2014 و لا فلونس 2014

Lancer Shark 2014 or Corolla 2013 or Fluence 2014

محتاج المساعدة و الرأي , رينو فلونس 2014 او النترا 2014

ارجو المساعدة بسرعة 508 موديل 2012 ولا كورولا 2014 و لا فلونس 2014

ارجو المساعدة بسرعة 508 موديل 2012 ولا كورولا 2014 و لا فلونس 2014

الكلمات الدلالية لهذا الموضوع

المفضلات

المفضلات

ضوابط المشاركة