الموضوع: /ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

المشاركة الأصلية كتبت بواسطة hany saad

لما يبقى الفتيس فى العربيتين واحد و نفس ال concept و ال design و هو ال cvt
و تقول ان فيه تقل فى الدواسة لثوانى فى واحدة عن التانية و نحاول نوضح المعلومة ان ناقل الحركة واحد و انت مصمم انه مش من ناقل الحركة لأ ده من دواسة البنزين و تقول ان احنا بنغلوش عليك
يبقى الموضوع مبقاش subjective

لو تكييف حضرتك بيتعبك من كتر سقوعيته و كل اللى اشترى العربية بيأكد كده و انا اكتب تقرير اقول فيه ان تكييف عربيتك اللى انت مالكها و بيتعبك من كتر مهوه ساقع و اقول عليه ضعيف و سىء هل ده بتعتبره رأى شخصى؟
حضرتك لو علقت ووضحت هقول عليك مش subjective و انك متعصب و عربيتك بنتك و مساهم فى الشركة
و لا المفروض اشكرك لتوضيح المعلومة علشان الناس توصل لها المعلومة صح؟!

تحياتى

يا فندم

اللي أنا اقصده ان دي مش أرقام ثابتة علشان نتفق عليها

يعني مثلا لما يبقى فيه رقم يقولك ان في زمن معين بين دوسة البنزين و استجابة الفتيس ساعتها نتفق كلنا مع بعض .. انما احنا هنا بنتكلم عن تجارب شخصية .. حضرتك شايف انه سريع الاستجابة و غيرك شايف انه بطئ .. مش قادر اقول انك صح او غيرك صج .. ديه أراء على رأي هنيدي :)

التكييف نفس الكلام .. محدش جرب جاب عربيتين كورولا و فلوانس نفس اللون و وقفهم جنب بعض في نفس درجة الحرارة و قاس درجة الحرارة في كل واحدة .. علشان كده بردو أراء لا هي صح و لا هي غلط

انما بقى تعالى قولي ان الفلوانس كذا حصان و الرقم ده مش مظبوط .. لأ هنا بقى نتكلم و نقول دي معلومة غلط .. او الكورولا ارتفاعها كذا عن الأرض و الرقم ده غلط .. ساعتها بردو نرد و نقول دي معلومة غلط

على فكرة .. انا لا عندي فلوانس و لا عندي كورولا .. انا بتكلم في المنهج مش في العربيات .. و لو كان نفس الكلام اتقال على الكورولا او غيرها .. بردو كنت ها اقول نفس الكلمتين

تحياتي