الموضوع: تفتيح الموتور والتوب سبيد للفلوانس فيس ليفت

المشاركة الأصلية كتبت بواسطة yasser100

ثبات العربيه عامل ايه بامانه و من غير مجاملات على السرعات العاليه

يا فندم اكيد هجاوبك بامانة ومن غير مجاملات . الفلوانس دى مش اختى يعنى.
بص هو انا متسوقتش قبل كده العربيات اللى بيقولو عليها ثابتة ( مش عارف برضه ايه هى العربيات دى ) بس انا كان معايا لانسر بومة قبل كده ف عشان كده هاقارن بيها .
الثبات اعتقد ممكن نقسمه ل جزئين . الاول ثبات العربية على الطوالى فى السرعات العالية . الفلوانس ثابتة جدا على السرعات العالية ومكلبشة فى الارض لحد 170 تقريبا مقارنة باللانسر . فوق اا 180 كويسو زثابتة بس اعتقد لازم الحذر برضه لا دى سرعات عاليه فعلا و الطرق عندنا طبعا معروفة . عموما مش طبيعى ان حد يفضل ماشى على 180 . بس حتى فى المناورات المعقولة على السرعات العالية العربية كويسة ومش بتحدف.
الثبات بقى على المنحنيات انا مابحاولش اخد منحنى جامد شوية على سرعة اعلى من 140 عشان اعتقد ان ده مش صح حتى وانت ماشى ب اى عربية . الفلوانس اكيد مش احسن عربية وفة اكيد احسن منها . بس هى ادائها كويس جدا بالنسبالى و فعلا ماقدرش اقارن ب حاجة انا ماسقتهاش .
ارجو انى اكون قدرت افيد حضرتك ويكون كلامى واضح

المشاركة الأصلية كتبت بواسطة miceg

السلام عليكم ورحمه الله وبركاته
وهكذا كانت رحتلي الى أسيوط عن طريق الجيش
وبعد مرور 3500 كيلو داخل المدينة وما شابه ذلك
انتهزت فرصه روعه طريق الكريمات لكي تتاح لي الفرصه معرفه التوب سبيد للسيارة
ال cruise control اخر ظبط ليه هو سرعه 200 كيلو / ساعه زي ماهيبان في الصور
وده رقم جميل جدا خاصه ان نيسان جوك بنفس الموتور والفتيس الكروس كنترول أقصاه 160
العربية معايا معرفتش اجيب سرعه 200 إلا بعد ماظبطت الكروس كنترول على 200
لان كان الرياح شديدة وضد العربية
العربية لغايت سرعه 180 معقولة وتوازي سرعه 150 بالنيسان صني
بعد 180 بتحس بكل مطب هواء
كنت هضايق لو العربية الكمبيوتر بتاعها مقفول لغايت 200
إلى أن دققت البحث لقيت العربية التوب سبيد بتاعها زي ماهتشوفو أيضا فالصور لكن وصل للريد زون
وده حال أي سيارة 1600 سي سي
فيما بعد تفتيح السيارة :-
العربية سحبها عالي جداااااااااا وبقيت أخف من ألاول وكانت وحشاني الطلعات السريعة بتاعت الصني
ولقيت الفلوانس سحبها تحسد عليه ماشاء الله
في شوية فيديوهات ومواقف بالفلوانس على السرعات العالية والغورز الواعرة :d
بس حاليا شغال بفلاشة لغايت مارجع كايرو وألعب بأعصابكو شوية
أخر ملحوظة :-
انا عارف اللي بعمله غلط ف غلط
والسواقة مالهاش كبير حتى لو سايق أحسن سيارة في العالم
ورجاء محدش يقلدني ويتهور لإني عارف إني غلطان من هنا لبكره
وربنا يتوب عليا :d

الصور

سيبك انت من موضوع التوب سبيد، المهم نورت أسيوط يا خالد بيه. بس خالى بالك الفسيخ مع حر الصعيد بيعمل شغل جامد : )

ربنا يسترها معاك يا خالد بيه
تيجي بالف سلامه :)