الموضوع: تفتيح الموتور والتوب سبيد للفلوانس فيس ليفت

المشاركة الأصلية كتبت بواسطة mohammedaladel

215 معقولة جداً مع هذا المحرك وناقل الحركة ووزن السيارة.... ولكن لدى سؤال بخصوص الفتيس

هل يوجد ما يفقده العزم أثناء سير السيارة ؟

يعنى مثلاً الفتيس الأوتو العادى به محول عزم مما ينتج عنه فقدان للعزم تحت الظروف المختلفة للسير هل يوجد بهذا الفتيس ما يشبه ذلك ؟

قرأت أن هذا الفتيس به سير يمر على بكرتين ومن الممكن أن ينزلق ... ولكن هل هذا الإنزلاق عادى أثناء السير بالسيارة مما يفسر تأخير رد فعل السيارة وارتفاع عدد لفات المحرك أثناء الضغط المفاجئ وبقوة على دواسة التسارع ؟ ..... أم أن كنترول السيارة لا يجعله ينزلق بأى حال من الأحوال ؟ .... لأن مثلاً ممكن أنه لو انزلق قد يسبب مشكلة للفتيس نفسه ميكانيكياً


أريد توضيحاً من ذوى الخبرة

فلو كان انزلاق السير أمر طبيعى ولا أظن هذا .... أصبح يوجد ما يفقد العزم مثل الفتيس الأوتو العادى

لو كان لا ينزلق تحت أى ظرف من الظروف ... أعتقد أنه يتساوى مع الفتيس المانيوال العادى بنفس نسب التخفيض فى السرعة القصوى فقط وليس السحب والتسارع

محمد بيه....
أنا مش خبير فى الفتيس ده و لكنى قريت عليه كتير....
موضوع الأنزلاق ده عيب خطير و كان بيحصل فى أولى إصداراته و كان بيحصل بالذات فى المواتير ذات العزوم الكبيرة مش فى موتور 1600 سى سى
و مع ذلك نيسان برده طورت نسخة للمواتير 2500 سى سى و 3000 سى سى اللى لسه نازلة فى النيسان ألتيما النسخة الأمريكية السنة دى و الناس مبسوطة جداً من أدائة و ده من خلال كمان النقاد و المحلللين مش حتى من الراكب العادى.....
الفتيس ده قديم و قاعدين يطوروا فيه جامد لأن تكلفته أقل و توفيره فى البنزين أعلى و بالتالى الإنبعاثات أقل...وزنه أقل و المفروض كمان تكون أعطاله أقل ( و أدينا هنجرب و نشوف و ربنا يستر :) :)

تحياتى

المشاركة الأصلية كتبت بواسطة MohammedAladel

لو قرأت الموضوع كويس يا أستاذ بسام ستجدنى مشارك به وسألت نفس السؤال ولم أجد إجابة

ولا يوجد رد واحد فى الموضوع المشار إليه يثبت صحة هذا الكلام

من الذى قال أن السيارة يصبح أداؤها أعلى بعد ما تقفل العداد ؟ هات لى كتالوج واحد يقول الكلام دا ودعك وكلام الملاك لأنها مجرد أحاسيس

الطبيعى والمنطقى أن السيارة الزيرو بعد أن تقطع عدد معين من الكيلومترات تصبح حركة البساتم داخل السلندرات وعمدان الكامات والكرنك أكثر سلاسة فى الحركة وأسهل طلوعاً ونزولاً وبالتالى تسارع أفضل واستهلاك بنزين أقل

لو عند حضرتك تفسير ياريت توضحلى ؟

عارف يا باشا أنك علقت على الموضوع .. وفيه هناك من الردود ما يكفي للتفسير ..

الموضوع مش موضوع بساتم وسلندرات وسهولة حركتهم فقط .. هناك عوامل تانية كتير زي دائرة الوقود والتزييت ومنظومة العادم ونواقل الحركة من الموتور لعجل السيارة .. كل ده بيعمل في تناغم مع بعضه لو في حاجة أدائها قليل حتأثر على الباقي ..

وصعب أوي أني أغفل كلام الملاك لأنه صعب قوي يكون عندهم نفس الأوهام والأحاسيس الغير منطقية على حد قولك .

أنا عن نفسي واحد من الناس بيجيله الأحساس ده بعد مشوار طويل .. بلاقي استجابة الموتور أحسن من أقل دوسة لدواسة البنزين واستهلاك أفضل للبنزين ... وعن نفسي مقتنع بالموضوع ده لأنه مش حيبقى مجرد احساس أو أوهام في كل مرة وفي عربيات كتيرة .

ويا ريت نسمع المزيد من الأراء حول هذا الموضوع .

بالنسبة للسير ما بين البكرتين في الفتيس ال cvt فمع تطور الأبحاث توصلوا لنوعية من السيور لا هي كاوتش (زي سير الكاتينة) ولا هي معدن زي الجنزير .. إنما نوعية ما بينهم هما الاتنين علشان يستفادوا من مميزات كل نوعية ويتلافوا عيوبهم .