نسعد بإنضمامكم لجروب رابطة ملاك اوبل استرا وانسجينا
* * * * * * * * * * * *
رقم العضوية : 153987
تاريخ التسجيل : 01Jan2014
المشاركات : 67
النوع : ذكر
الاقامة : القاهرة
السيارة: بوينتك
السيارة[2]: بويك
الحالة :
السلام عليكم ورحمة الله
آسف عل يالتأخير بس معلش ظروف الامتحانات والدراسات العليا بالذات عايزة تركيز ،،
انا لسه مخلص امتحان يوم السبت وف نفس اليوم خدت الكورسا 1600 بتاعتي 2003 ورحت ع الحرفيين بعد ما زهقت من كتر الفتي والتأجيل بتاع الصنايعية وانا مش هذكر اسماء عشان انا وديتها لناس معانا في المنتدي وهما ناس محترمة بس للأسف التشخيص كان مش صح,,
للي ميعرفش انا كتبت في مشاركة قبل كدة ان العربية بتاعتي فيها شوية مشاكل زي ان المية بتنقص في القربة بس اكتشفت ان خرطوم التكييف السخن هو السبب ،،والتكييف مش شغال بس اهم هذه المشاكا ان العربية بترعش ع السلانسية وبتوطي جامد وبعدين تبطل والحل الوحيد اني افضل ساند بنزين وانا عليت العربية شوية عشان تظبط مؤقتا بس برضه بعد التشغيل بشوية تبتدي تبرجل قوي وال rpm ينزل تحت الخمسة وتبطل.
المهم تباينت الأقوال : احدهم قللي حساس الأيدل ،غيرناه بس لسه المشكلة علي ما هي
والآخر قال: الماب او التي بي اس برضو جربنا نغيرهم والحال علي ما هو عليه
كشفت بالجهاز اكتر من مرة وكل مرة يطلع الأيدل وانا غيرت وجربت أكتر من أيدل ومش نافع....لغاية م اتخنقت وزهقت ومش هاين عليا اهمل فيها اي شغل لغاية م المشكلة دي تتحل....المهم وديتها الحرفيين بعد ما سألت كذا حد قالولي في واحد اسمه الشيخ هيثم متخصص أوبل رحت لقيت المكان ما شاء الله يعج بالسيارات الأوبل من كل الأنواع ،،،المهم الراجل استلمها مني ولسه هيشتغل فيا النهاردة... انشاء الله لما المشكلة دي تتحل هحاول انقل الموضوع بالصور.
انا لسه مش عارف العيب فين بالظبط لو حد عندة شك ف حاجة او حصلت معاه حاجة مشابهة برجاء الأفادة!!!
رقم العضوية : 153767
تاريخ التسجيل : 27Dec2013
المشاركات : 43
النوع : ذكر
الاقامة : القاهرة
السيارة: أوبل استرا كوزمو
السيارة[2]: شيفروليه اوبترا
الحالة :
نسعد بإنضمامكم لجروب رابطة ملاك اوبل استرا وانسجينا
* * * * * * * * * * * *
رقم العضوية : 75293
تاريخ التسجيل : 13Jul2010
المشاركات : 26
النوع : ذكر
الاقامة : Cairo
السيارة: 2005 Opel Corsa
السيارة[2]: Pejo
الحالة :
السلام عليكم ؛ اخوكم تامر انا معايا كورسا 2005 بقالها سنه معايا
مشكلتى كالتالى
التكييف عندى ضعف من حوالى 3 اسايع و بعدين روحت لواحد بتاع تكييفات قالى الماسوره ما بتبردش ده لازم نسحب الهوا اللى فيه ونشحن شحنه كامله لان من السخنيه الفريونن اتحول لهواء معرفش المعلومه دى صح ولا لاء؛ مقتنعتش و مشيت قلت اروح لحد تانى لان اللى خلى التكيف ضعف يبقى فى مشكله لازم تتحل الاول.
ملحوظه بعد ما مشيت من عنده قلت ابص على البلف الرئيس لقيته بينفس بسيط.
وانا عند الشيخ هيثم بغير الاسكترا سالته قالى روح لسكارو بتاع التكيفات كويس.
المهم روحتلى حكتله القصه قالى مفيش حاجه عندك قلتله طب البلف قالى سليم احنا هنزود فريون التزويده ب (90 جنيه)
بعد ما خلص قلتله اكشف على البلف لاءه بينفس راح مغير الجلده.
بعد 4 او 5 ايام التكيف ضعف تانى روحتلوا تانى (بعد شوية استظراف من الصنيعى انه مش فاكرنى افتكرنى) قلى هنكبس ونشوف، حطها على الكبس شويه وكشف على المواسير كله تمام بعد حوالى نص ساعه قلى نزل تقريبا شرطتين مقتنعتش قولتلوا طب سيبه شويه كمان وتابعته انا بعد نص ساعه كمان لقيته متهزش.
قالى بص يا باشا ده كويل هى العربيه دى كده ده عيب فيها قولتو ازاى قلى عندك حل من الاتنين ياما تسيبها على الكبس لحد بكره الصبح يامه تغير الكويل(900 جنيه جديد) و ده لازم نحل فيه التابلوه (حل وتركيب 400 جنيه من غير ما افاصل)
طبعا انا سمعت احل التابلوه دى بطنى قلبت ، قولتله طب اسحب الفريون اللى فيه كله واشحنهولى تانى و انا هكرر
3 ايام وكان التكيف فى الطراوه
واحد صاحبى دلنى على واحد معرفه فى الحرفيين برده قلى روحلوا هو هيقولك الصح
روحتله حكيتله القصه بص عليها ونزل تحت قالى مشكتلك فى الكمبروسر يا باشا قالى فى اولسيه تحت الطنبوره هو اللى بيسرب و بالصدفه كان فى عربيه زى عربيتى عنده نفس المشكله وورانى الاولسيه هو كان عندوا كمبروسور قديم خدله منه الاولسيه و كان لسه شغال فيها و بيقفلها.
بصراحه اقتنعت شويه بكلامه قلتله ايه المطلوب قلى هتجيب كمبروسور (عامل 900 جنيه استيراد) المهم انا شغلت دماغى وقلت اروح لهانى العايدى اشوف عنده كمبروسوربايظ اخد منه الاولسيه ولقيته عامل (250 جنيه)
اسف جدا انى طولت عليكوا بس انا محتار و سؤالى دلوقتى اصدق مين فيهم
مع العلم فى الحاله الاولى حل التابلوه فى خطوره
الحاله التانيه ان لو مطلعش المشكله من الاولسيه هيبقى لبست مصاريف زياده
رقم العضوية : 102331
تاريخ التسجيل : 06Jun2011
المشاركات : 21
النوع : ذكر
الاقامة : cairo
السيارة: nothing
السيارة[2]: opel corsa 2004
دراجة بخارية: no
الحالة :
تجربت كل صيف مع التكيف..شغلت التكيف من شهرين اشتغل زي الفل بس مكنش ساقع قوي قولت مش مهم مع العلم ان الكمبروسور غيرته الصيف اللفات بعد اربع ايام مشغل التكيف و كله تمام هب راحت العربية بطلت و طلعت صوت غريب دورت العربية و جيت اشغل التكيف راحت مبطله تاني و قولت بلاش اشغله تاني و روحت عند كذا حد والكل بيقول الكمبروسور قفش و لازم يتغير المهم قولت هجيب جديد ب ٢٤٠٠ و ضمان سنة من غير التركيب المهم كنت بجيب قطعة غيار للعربية من محل في المعادي فقولت اسأل الراجل راح قال لي انا اعرف واحد مية مية في صقر قريش و أنا اضمنهولك بكام يا عم ب ١٠٠٠ و٢٠٠ مصنعية قولت أوفر علشان عايز اظبط حجات تاني في العفشه المهم و احنا هناك الراجل قال لي سربنتينة التكيف بيظه و لازم تتغير و حظك عندي واحده استيراد ب ٩٥٠ قولتلو ماشي المهم كل حاجه اتفكت و تركبت وشحنت في ساعه وجت ساعة الحساب الراجل العنده محل في المعادي قالي أنا هحسبه علشان اظبطلك السعر شويه و حسب الله و نعم الوكيل اخذ مني ٢٢٠٠ ومشينا و التكيف زي الفل اسبوعين اثنين فقط و التكيف مطلع هواء سخن روحت للراجل في صقر قريش لوحدي غير البلف ال في الكمبروسور و اشتغل يومين و هواء سخن روحت لحد تاني قالي الكمبروسور بيسرب روحت لواحد تاني قالي نفس الكلام و الديره كمان متوسخه كمان روحت رجعت صقرقريش و قولت للراجل حرام عليك الوقت ال انت ضيعتهولي و ال٢٢٠٠ ال اترمو علي الأرض المفجاءه الراجل بيقولي ٢٢٠٠ بتوع ايه انا اخذت ١٣٠٠ بس ٥٠٠ كمبروسر و ٦٠٠ سربنتينه و ٢٠٠ مصنعيه حسبي الله و نعم الوكيل تاني،فضل كل يوم يقولي بكره بكره لمدة ١٠ ايام روحت الورشه قولتلو شكراً انا مش عايز حاجه و عوضي علي الله سعتين زمن و جبلي كمبروسر مشاءالله عليه شكله جديد و ركب فيلتر في السربنتينه جديد بعد زن مني و شحنا بنشغل المسوره سقعا و الهواء من جوه سخن غير حاجه ورا المتور كدا فيها فتحتين و انا كنت جايب بلف من عند طناني باشا ركبنا بدل الصيني الكان راكب و الحمدلله و مشاءالله التكيف بشغله علي ٢ و بليل علي ١..اسف للأطاله بس بجد محدش بيتعلم ببلاش..حسبي الله و نعم الوكيل في الراجل العنده محل في المعادي مش في صاحب الورشه
رقم العضوية : 75293
تاريخ التسجيل : 13Jul2010
المشاركات : 26
النوع : ذكر
الاقامة : Cairo
السيارة: 2005 Opel Corsa
السيارة[2]: Pejo
الحالة :
الحمد لله وربنا يعوض عليك يا بيبو
البلف اللى ورا الموتور ده اللى هو داخل على الكويل ؟
رقم العضوية : 75293
تاريخ التسجيل : 13Jul2010
المشاركات : 26
النوع : ذكر
الاقامة : Cairo
السيارة: 2005 Opel Corsa
السيارة[2]: Pejo
الحالة :
محدش عنده حل لمشكلتى :(
رقم العضوية : 102331
تاريخ التسجيل : 06Jun2011
المشاركات : 21
النوع : ذكر
الاقامة : cairo
السيارة: nothing
السيارة[2]: opel corsa 2004
دراجة بخارية: no
الحالة :
انا قصدي البلف ال في الكمبروسر لكن الورا المتور ليه أسم تاني و ده اللي بيركب قبل الثلاجة تقريبا لظبط ضغط الغاز الداخل للثلاجة
وهتلاقيه راكب في صدر العربية قدام المبخر او الثلاجة وخارج منه .
رقم العضوية : 75293
تاريخ التسجيل : 13Jul2010
المشاركات : 26
النوع : ذكر
الاقامة : Cairo
السيارة: 2005 Opel Corsa
السيارة[2]: Pejo
الحالة :
يا جماعه ارجوكم ساعدونى التكييف عندى هيجننى كورسا 2005
روحت لاتنين فنيين مختلفين يكبسوا مفيش حاجه وبعملوا شفط وبعدين يشحنه يشتغل كويس و بعدين يضعف
لحد امبارح عملت نفس القصه و انا ماشى انهارده على الدائرى مشوار طويل فى نص الطريق التكيف ضعف والهواء ضعف بعد ما نزلت من عليه قولت اجرب افصل التكييف واشغله الهواء رجع كويس تانى وبدا يبرد حاسس انه هيعمل نفس القصه انا هتجنن
حد يقلى اعمل ايه
على العموم دى بيناتى
الاسم: تامر أمين
تليفون:01065528002
السيارة: كورسا سيدان 2005
العنوان : الحرفيين
رقم العضوية : 11186
تاريخ التسجيل : 21May2008
المشاركات : 98
النوع : ذكر
الاقامة : Egypt - Cairo
السيارة: لا يوجد
السيارة[2]: لانوس 2005
دراجة بخارية: لا يوجد
الحالة :
مبروك علي التثبيت كنت عايز خدمة من الشباب
نا عايز اشتري عربية يكون فيها كماليات معقوله و تكون 1600 لقيت اللا نوس ولقيت الاوبل كورسا ببصراحة الكورسا عربية شكلها حلو و سعرها قريب من 2002 لغاية 2005 بس عايز نصحية اشتريها و لا مشاكلها كتير يعني انا مشواري 35 كيلو رايح وزيهم راجع كل يوم فبرجاء النصيحة و شوية معلومات كده عن:
1- ثبات العربية علي الطريق لغاية سرعة كام مثلا
2- قطع الغيار اسعارها ايه ( مساعدين - كبالن - علبة دركسيون - كده يعني)
3- اعادة البيع ( يعني العربية مرغوبة و لا لا)
4- ايه حكاية انها مصري مش مستوردة
5- سعر متورها استيراد كام
6- و الي حابب يزود حاجة يقول و شكرا للجميع
رقم العضوية : 97846
تاريخ التسجيل : 06May2011
المشاركات : 11
النوع : ذكر
الاقامة : Egypt
السيارة: kia
السيارة[2]: Pradoua
دراجة بخارية: Honda 600CC
الحالة :
انا كمان من مالكي الساحرة كورسا ٢٠١٤ عربية مش سهلة، وسريعة واحساس القيادة رائع، علي فكرة كان معايا قبلها نيسان التيما ٢٠١٠ وفورد منديو ٢٠٠٧ وهي بتعطي نفس الاحساس والامكانيات مع اختلاف الفئة.
المفضلات