رابطة مالكي أوبل كورسا

**ahmedanwar** · 03-07-2014 05:38 PM

انا معايا كوسا 2005 و ياريت فعلا نتبادل الخبرات

**ahmedanwar** · 03-07-2014 05:46 PM

يا جماعه عايز خرطوم ضغط بتاع باور الدريكسيون .. كورسا 2005
انا من اسيوط لو حد يعرف مكان و ياريت تليفون عشان اشتريه يبقى كتر الف خيره

احمد احمد انور
01200641111

**mrgadmail** · 22-08-2014 09:13 PM

أنا معايا كورسا ٢٠١٤ وهي عربية ممتازة
ياريت نعمل ربطه للكورسا وأول سؤال ماهر الزيت المناسب وكام لتر الكورسا بتاخد؟

**mkb1312** · 31-08-2014 12:13 AM

السلام عليكم
احب اعرف نفسي
محمد
كورسا 2005
الهرم

**mkb1312** · 31-08-2014 12:27 AM

المشاركة الأصلية كتبت بواسطة bibo141

تجربت كل صيف مع التكيف..شغلت التكيف من شهرين اشتغل زي الفل بس مكنش ساقع قوي قولت مش مهم مع العلم ان الكمبروسور غيرته الصيف اللفات بعد اربع ايام مشغل التكيف و كله تمام هب راحت العربية بطلت و طلعت صوت غريب دورت العربية و جيت اشغل التكيف راحت مبطله تاني و قولت بلاش اشغله تاني و روحت عند كذا حد والكل بيقول الكمبروسور قفش و لازم يتغير المهم قولت هجيب جديد ب ٢٤٠٠ و ضمان سنة من غير التركيب المهم كنت بجيب قطعة غيار للعربية من محل في المعادي فقولت اسأل الراجل راح قال لي انا اعرف واحد مية مية في صقر قريش و أنا اضمنهولك بكام يا عم ب ١٠٠٠ و٢٠٠ مصنعية قولت أوفر علشان عايز اظبط حجات تاني في العفشه المهم و احنا هناك الراجل قال لي سربنتينة التكيف بيظه و لازم تتغير و حظك عندي واحده استيراد ب ٩٥٠ قولتلو ماشي المهم كل حاجه اتفكت و تركبت وشحنت في ساعه وجت ساعة الحساب الراجل العنده محل في المعادي قالي أنا هحسبه علشان اظبطلك السعر شويه و حسب الله و نعم الوكيل اخذ مني ٢٢٠٠ ومشينا و التكيف زي الفل اسبوعين اثنين فقط و التكيف مطلع هواء سخن روحت للراجل في صقر قريش لوحدي غير البلف ال في الكمبروسور و اشتغل يومين و هواء سخن روحت لحد تاني قالي الكمبروسور بيسرب روحت لواحد تاني قالي نفس الكلام و الديره كمان متوسخه كمان روحت رجعت صقرقريش و قولت للراجل حرام عليك الوقت ال انت ضيعتهولي و ال٢٢٠٠ ال اترمو علي الأرض المفجاءه الراجل بيقولي ٢٢٠٠ بتوع ايه انا اخذت ١٣٠٠ بس ٥٠٠ كمبروسر و ٦٠٠ سربنتينه و ٢٠٠ مصنعيه حسبي الله و نعم الوكيل تاني،فضل كل يوم يقولي بكره بكره لمدة ١٠ ايام روحت الورشه قولتلو شكراً انا مش عايز حاجه و عوضي علي الله سعتين زمن و جبلي كمبروسر مشاءالله عليه شكله جديد و ركب فيلتر في السربنتينه جديد بعد زن مني و شحنا بنشغل المسوره سقعا و الهواء من جوه سخن غير حاجه ورا المتور كدا فيها فتحتين و انا كنت جايب بلف من عند طناني باشا ركبنا بدل الصيني الكان راكب و الحمدلله و مشاءالله التكيف بشغله علي ٢ و بليل علي ١..اسف للأطاله بس بجد محدش بيتعلم ببلاش..حسبي الله و نعم الوكيل في الراجل العنده محل في المعادي مش في صاحب الورشه

طيب الورشه دي كويسه و الكومبروسر شغال كويس و لما غيره اللي جابه بكام و اجمالي التكلفه كام
معلش طولت عليك بس بجد التكييف زهقني

**bibo141** · 03-09-2014 02:08 AM

هو قال لي انا هتحمل معاك التكلفه فدفعت حوالي ٦٠٠ بس انا مش عايز اتعامل معاه تاني في التكيف..بيقولو في واحد في المعادي في شارع ٧٧..و من رأي لو العربيه هتقعد معاك شوية فكك من الاستيراد و هات جديد و ركب عند حد محترم

**ahmedoasis** · 13-09-2014 09:27 PM

السلام عليكم

يا جماعة حد يعرف اركب مرايات اية قابلة للطى بدل الثابتة بتاعت اوبل كورسا 98 هاتشباك 1000 سى سى

بدون مبالغة كل شهرين مرايا دة غير ان اليمين مبقتش اغيرها..رجاء المساعدة

**meko0o** · 15-09-2014 11:27 PM

حد يعرف سعر الطنابير للكورسا2004

**bibo141** · 16-09-2014 02:26 AM

كنت جايبهم من شهر ب ٦٠٠ بارزيلي

**meko0o** · 17-09-2014 06:42 PM

المشاركة الأصلية كتبت بواسطة bibo141

كنت جايبهم من شهر ب ٦٠٠ بارزيلي

شكرا علي الرد بس انا عندي فرامل العربيه مش عجباني بتزحف غيرت تيل ولسه بتزحف ففكرت اغير طنابير هل لو غيرتها حتفرق في الافرمله ولا ده عموما في كل العربيات