رابطة مالكي أوبل كورسا

**eng wael** · 27-10-2014 09:39 PM

المشاركة الأصلية كتبت بواسطة falcon44

بالله عليكم عايز رد منكم
انا معروض عليا كورسا سيدان موديل 2004 لونها ابيض فابريكا بالكامل ماعدا الاكصدامين والفيبر اللى فوق ال4 كوتشات بس هما اللى مرشوشين عامله 147 الف كيلو فيها رخصه 8 شهور فيها توكيل واحد بس وفيها عدة صوت وتسجيل متكلفين 2000 جنيه زى ماصاحبها بيقول بس هو قالى للامانه فيها 3 حاجات محتاجه شغل وهيا الزجاج الامامى مشروخ والتكييف مش شغال وعلى كلامه بيقول محتاج شحن بس وبيقول برضه الاوتوماتيك بتاع المارش ساعات بيعلق
العربيه شكلها العام محترم وصاحبها قالى يشيل تمن الاصلاحات دى من تمن العربيه وهو طالب 53 الف قبل مكشف عليها ونقدر الحاجات دى
ياريت تقولولى اعمل ايه وابص على ايه واسعار قطع الغيار ايه واستهلاك البنزين والثبات واخد بالى من ايه اوى وياربت تردو عليا ضروري عشان ان شاء الله بكره رايح اتفرج عليها

متصدقش كل الكلام اللى يتقالك
لو الحاجات دى بسيطه كان عملها هوا بنفسه انما واضح انه عايز يخلص من العربيه
ماتستعجلش فى قرار الشراء العربيه معروض منها كتير على مواقع كتيرة وبسعر افضل من كده
روح شوف العربيه برضه وخد فكرة عن حالتها وربنا يوفقك للصالح

**dr walaa allam** · 27-10-2014 11:17 PM

السلام عليكم
اخوكم ولاء علام من سوهاج
معايا كورسا 2005 من سنتين ولاحظ أنها مش مضبوطة من فترة صوتها بيعلا والدبرياج بيعلق وساعات تسخن فكنت عاوز اعرف مكان محترم فى الصعيد يكشف عليها كشف شامل ويصلحها بدل عك الميكانيكية علشان انا عارف ان فيها حاجات كتير فهما هيلففونى من غير نتيجة فى الآخر ولكم جزيل الشكر

**SPY123** · 09-11-2014 03:07 AM

عربيه اوبل كورسا موديل 1997 فابريكه دواخل بالكامل 1200 سى سى فتحه سقف 4 جنوط رشه خارجى نضافه حاله شاذه عفشه زيرو فرش زيرو الفابريكه موتور وفتيس حاله ممتازه مطلوب 43000
ت:01001028386

**AHMED DIAB 350** · 10-11-2014 08:41 AM

ارجو الافادة فى موضوع جلب مقصات كورسا 2003 سعرها وأنواعها ومكان بيعها

**wagih dot waga** · 09-12-2014 04:35 PM

ممكن حد يفيديني انا محتار بين كورسا 2015 هاتشباك 5باب اتوماتيك و ريو هاي لاين هاتشباك
طبعا الالماني لا يعلى عليه
لكن ما هي مميزات الكورسا غير انها الماني

**mahmoud abdala** · 26-12-2014 07:05 AM

سلام عليكم
انا معايا كورسا 2004 لسه شاريها من 6 شهوور عندي عضه فالفتيس وانا بغير للغيار التاني مع العلم اني محتاج طقم دبرياج (أسطوانه و ديسك) (عايز اعرف عضه الفتيس هتروح لو غيرت طقم الدبرياج و لو لا يبقي حلها ايه ؟
و العربيه بتتأخر عللبال متدوور الميكنيكي قالي ده ممكن يكون مارش كامل (عاز اعرف السبب)
و عندي مشكله فالإزاز الشباك الخلفي شمال في فبرايه متحمل عليها الإزاز كل شويه تكسر و اغيرها من تكسر تاني فاشوروا عليا ؟

**Bassem316** · 27-12-2014 04:03 PM

باسم جورج
كورسا 1600 - 2006 - رمادى

بقالها 3 سنين معايا - تانى يد - فابريكه معادا اكصدامات (نظافة)

عندى مشكله - ظهر الكنبه مش عايز يقفل

**محمد فريد** · 29-12-2014 07:30 PM

المشاركة الأصلية كتبت بواسطة bassem316

باسم جورج
كورسا 1600 - 2006 - رمادى

بقالها 3 سنين معايا - تانى يد - فابريكه معادا اكصدامات (نظافة)

عندى مشكله - ظهر الكنبه مش عايز يقفل

عامة هو الظهر بيتقفل لما بتدوس علي الاكرة وترجع الظهر للاخر (عكس الفك)

**محمد فريد** · 29-12-2014 07:35 PM

المشاركة الأصلية كتبت بواسطة ahmed diab 350

ارجو الافادة فى موضوع جلب مقصات كورسا 2003 سعرها وأنواعها ومكان بيعها

لماجيّت اغيرها العفشجي قال هات بتاعة الافيو وكانت ب 55 ج الواحده وشغالة تمام
الجلبة الكبيرة اقصد

**محمد عفيفي** · 02-01-2015 10:03 PM

الاسم محمد عفيفي
اوبيل كوسا 2005 سيدان
الحاله العامه ممتازه
لسه شاريها من يومين
الاعطال ضبط المرايات الكهرباء لا يعمل الي اشتريتها منه قلي الزرار سليم والمشكله في الفيوز والله اعلم وزجاج الابواب الخلفيه لا يعمل من زراير الابوبا الخلفيه وبيعمل من عند باب السواق فقط ومحدش يقولي اللوك بتاع البيبان مديني اخضر واخر حاجه سامع حد بيقول الساعه بتاعة درجة الحراره الخارجيه هو في مقياس لدرجه الحراره الخارجيه في العربية دية وفين بالتحديد سواء الحساس او الشاشه الي مكتوب عليها درجة الحراره يا ريت لو بالصوره وشكرا