رابطة مالكي أوبل كورسا

**محمد فريد** · 17-10-2014 09:31 PM

ايه نوع البوجيهات المستخدمة في الكورسا 1600 وسعرها

**mamdouh.raft** · 18-10-2014 08:37 AM

انا لسه مغير بلية شداد كتينه من كم يوم اصليه سعرها 160 ج واسم الماركه TIMKEN
وبلية شداد دينمو ملقيتش اللمانى جبت التركى سعرها 100 ج ومكتوب على البلية رقم 6005DWA poland NSK والالمانى لو موجوده سعرها 150 ج
وغيرت سير الكاتينه جبت الألمانى ماركه اسمها continental contitech ورقمه ct874 111z تقريبا كان سعره 90 ج

ومصنعيات 100 ج
بالتوفيق

**Shido** · 22-10-2014 11:25 PM

المشاركة الأصلية كتبت بواسطة meko0o

شكرا علي الرد بس انا عندي فرامل العربيه مش عجباني بتزحف غيرت تيل ولسه بتزحف ففكرت اغير طنابير هل لو غيرتها حتفرق في الافرمله ولا ده عموما في كل العربيات

قريب في الحرفيين كان 375 باين وكانت اعلي حاجه بس مش فاكر صناعه ايه. الزحف ممكن تتاكد من الكاوتش كمان ممكن يكون السبب

**Shido** · 22-10-2014 11:29 PM

المشاركة الأصلية كتبت بواسطة محمد فريد

ايه نوع البوجيهات المستخدمة في الكورسا 1600 وسعرها

هات الاصلي بتاعها gm ب 120 جنيه وعليها ستيكر منصور

**Shido** · 22-10-2014 11:35 PM

المشاركة الأصلية كتبت بواسطة محمد فريد

يا جماعه الساعه بتاعه الحرارة الخارجية مش بتقرا خالص ولما غسلت العربية من تحت قرت بالسالب وبعدين فصلت تاني
محدش يعرف هي بكام جديده

جبته من سنه من منصور رابعه كان ب 110 جنيه وكنت بسأل في الحرفيين و بسمع اساطير زي هنستوردهولك و تاخده كمان 3 اسابيع و واحد تاني قاللي مش موجود و متدورش و واحد قاللي 350 و اجيبهولك بعد بكره.....

**محمد فريد** · 23-10-2014 12:20 AM

الف شكر يا استاذ shido

**Shido** · 23-10-2014 11:15 AM

المشاركة الأصلية كتبت بواسطة محمد فريد

الف شكر يا استاذ shido

علي ايه يا باشا لا شكر عل واجب. انا كمان هنزل الحرفيين عند الشيخ هيثم عندي شويه شغل عايز اخلصه عفشه وموتور لو حد عايز اسعار اي حاجه

**Shido** · 25-10-2014 07:46 PM

لسه راجع من الحرفيين وجايبلكم شويه اخبار وارقام. انا غيرت:
اويل سيل الكاتينه ب 60 جنيه
او رينج 10
بليه شداد كاتينه 220
سير كاتينه الماني 80
مصنعيه 200 جنيه للاسف. و دي اخره اللي يروح للمشاهير ( الشيخ هيثم)
نفس الحاجات دي عند بتوع قطع الغيار في شارع المرسيدس كالتالي بالترتيب
30/ 5/ 150/ 55 وطبعا المصنعيه من 100-120 بالكتير
الخلاصه. ماتخليش ابدا الميكانيكي يجبلك حاجتك واسال علي المصنعيه قبل مايرفع العربيه
والاهم لو تقدر تلاقي حد بيفهم ومش مشهور يبقي احسن او نروح التوكيل بقي
للعلم برده انا رحت لصابر برده وكان سبب ان عربيتي تجيب جوان وش سلندر وبرده مصنعياته ناااارررررر

**محمد فريد** · 26-10-2014 12:12 AM

انا التكييف عندي فصل بقا يخرج هواء سخن
لما بشغل الكمبريسور بيلف والمراوح بتشتغل بس مش بيسقع نهائي
بسمع صوت كده هسس من فتحات الهواء

تفتكروا كده ايه السبب?

**falcon44** · 27-10-2014 09:25 PM

بالله عليكم عايز رد منكم
انا معروض عليا كورسا سيدان موديل 2004 لونها ابيض فابريكا بالكامل ماعدا الاكصدامين والفيبر اللى فوق ال4 كوتشات بس هما اللى مرشوشين عامله 147 الف كيلو فيها رخصه 8 شهور فيها توكيل واحد بس وفيها عدة صوت وتسجيل متكلفين 2000 جنيه زى ماصاحبها بيقول بس هو قالى للامانه فيها 3 حاجات محتاجه شغل وهيا الزجاج الامامى مشروخ والتكييف مش شغال وعلى كلامه بيقول محتاج شحن بس وبيقول برضه الاوتوماتيك بتاع المارش ساعات بيعلق
العربيه شكلها العام محترم وصاحبها قالى يشيل تمن الاصلاحات دى من تمن العربيه وهو طالب 53 الف قبل مكشف عليها ونقدر الحاجات دى
ياريت تقولولى اعمل ايه وابص على ايه واسعار قطع الغيار ايه واستهلاك البنزين والثبات واخد بالى من ايه اوى وياربت تردو عليا ضروري عشان ان شاء الله بكره رايح اتفرج عليها