الموضوع: انتشار الكورى !!

المشاركة الأصلية كتبت بواسطة borio1704

أنا شايف الموضوع فيه ناحية تسويقية بالإضافة للوضع الاقتصادي المتردي في مصر


بالنسبالي.. أنا حاليا عايش في السعودية بقالي سنة.. وطبعا مش متابع الأسعار في مصر زي الأول.

بس أنا فاكر لما الهيونداي إيلانترا أول ما نزلت شكلها الحالي في 2012 .. كان فرق سعر الموديل القديم من الجديد وصل حوالي 30 ألف جنيه ويمكن أكتر

أنا فاكر إن الإيلانترا الشكل القديم كانت بتتباع بحوالي 99 ألف جنيه (عليها تخفيض طبعا علشان يبيعو الاستوك).. والشكل الجديد كان بيبدأ من 140 ألف ويوصل لحد 180 ألف على ما أذكر.. ويا ريت تصححلي لو أنا غلطان.


نفس الكلام حصل في السيراتو.. طيب إيه اللي حصل؟؟


خلينا نبص للموضوع من وجهة نظر تسويقية شوية..

أولا... عربيات كيا وهيونداي بدأت تاخد سمعة كويسة بقالها كذا سنة.. بالذات من ناحية الاعتمادية وحسن الأداء وطول الخدمة..

الموضوع ده بيزيد والسمعة الكويسة فيه ناس كتير بدأت تقتنع بيها...

ثانيا... العربيات الكوري كانت بتقدم عربياتها بطريقة تحقق معادلة صعبة من ناحية "القيمة مقابل السعر".. بمعنى إنك بتدفع فلوس وتاخد قصادها حاجات أكتر من ما كنت متوقع

ده كمان حاجة بتخلي الناس تروح عليها أكتر..


على فكرة... الكلام ده مش ميزة في الكوري بس... لإن دايما أي شركة في العالم لما بتبقى عايزة تكسب زباين بتعمل كل اللي تقدر عليه علشان تحقق المعادلة دي.. قيمة عالية مقابل السعر

بعد شوية المسألة بتتحول من مجرد تقديم منتج عادي له قيمة عالية بالنسبة للعميل إلى منتج متميز العميل بيدور عليه.. ومستعد يدفع فيه أكتر علشان هو وثق فيه وبيديله كل اللي هو عايزه.


ده اللي هيونداي وكيا دلوقتي بيعملوه... وبالتالي بدأوا يرفعوا السعر لإن عربياتهم بقت مميزة وتقدر تنافس عربيات تانية لها اسم في السوق... والعميل لسه بردوا عايزهم


الكلام ده هو نفسه حصل مع السيارات اليابانية قبل كده

والكلام ده هو نفسه أتوقع يحصل مع بعض العربيات الصينية خلال 10 سنين بالكتير.


بس مش ده موضوعنا... المهم إن رفع السعر بالطريقة دي له أسباب تسويقية ، وغالبا بيحصل مع نزول الموديلات الجديدة.

كون إن الفرق كبير... فده زي ما قلت لحضرتك... له عوامل مساعدة اقتصادية.. خصوصا في ظل التضخم اللي حاصل في مصر.



أما بالنسبة للسيارات الأوروبية... فمسألة تخفيض الجمارك عليها له دخل بدون شك في إن أسعارها تكون أحسن شوية...

ده غير إن السيارات الأوروبية بشكل عام عندها مشاكل في الاعتمادية أكتر من الياباني والكوري... وده مخلي الأوروبيين بيحاولوا ينزلوا السعر علشان الناس تشتريهم..

ده معناه إن معظم العربيات الأوروبية عندها مشكلة في معادلة القيمة مقابل السعر.

طبعا مش كل الأوروبي... يعني السيارات الألمانية عموما تقدر تعتبرها استثناء... إنما باقي الأوروبي... ما أظنش...

بردوا ده مش موضوعنا...

المشكلة إنهم علشان ينزلوا السعر بيروحوا يصنعوا في الصين والبرازيل وأفريقيا وغيرهم.. على أساس إن تكلفة العمالة هناك أرخص... بس ده بيرجع على المنتج بمشاكل أكبر لو ما قدروش يحطوا نظام إدارة وجودة محترم.


ملخص الموضوع... الكوري بياخد وضعه في السوق في العالم... واحنا بندفع



...

تصحيح اسعار السيراتو 2010 لحد 2012 كانت 136 الهاى لاين

الاعتمادية عند الاوربى اقل من اليابانى ده اسمعه انما اقل من الكورى فيه تجديد

بس اقول حضرتك على حاجة انا معاك فى اللى قولته بخصوص ان المنتج بقى فى السوق وهما عايزين يرفعوه ويخلوه حاجة مميزة محدش قال حاجة طول مانت بتحسن ليك حق

بس ملكش حق وغباء تسويقى انك تزود السعر ده 60 الف جنية دى تمن عربية غير ان فين الفرق الخرافى للفرق السعر ده شوية كماليات مع شكل لو فيه حاجة بمعنى اية الاختلاف بين السيراتو 2010 الهاى لاين وموديل 2014 غير شوية كماليات وشكل هجومى تقبل ردى الموضوع للافادة

المشاركة الأصلية كتبت بواسطة maio_do

يا باشا مش مقصود بالموضوع الشهادة بنوع معين وفين المشاكل اللى فى الاوروبى وازاى لسه تحت التجربة ده الكورى الجديد فى السوق مش الاوروبى مع الاحترام لوجهه نظرك بس لما ندخل نقول فيه مشاكل بتظهر نحدد العربية مع المشكلة لاجل المعرفة للجميع علشان لما حد يسالنى اقوله خلى بالك دى فيها مشكلة وهكذا الموضوع للافادة فقط

أنا صعب أتكلم عن العربيات الأوربى كلها ولاكن علي سبيل المثال وليس الحصر
البيجو 301 .
1- ضعف الموتور أثناء تشغيل التكييف
2- ناس كثير أشتكو من ضعف التكييف نفسه
3- صوت الموتور العالي والرعشه
3- تيل الفرامل والبيجوهات والفلاتر
4- الأكصدام الأمامى ناس كثير أشتكت من ضعفه
وطبعا غير الخامات الردئيه إلى ملهاش دعوه بالصناعه الفرنساوى خالص

ده غير فى أنواع أخري أوروبى الموتور بياكل زيت والموضوع مفتوح فى المنتدى ولسه متحلش وممكن يغيرو موتور كامل
ونظام الأتزان الألكترونى إلى مبيفصلش

وأنواع ألمانى مشهوره بمشاكل الفتيس

يا صديقى الكلام ده كله من المنتدي
وعمتا العربيات كلها إضربت دلوقتى

المشاركة الأصلية كتبت بواسطة abdulkhaleq

هو ايه علاقة الانتشار بالكفاءه؟ ما البلد منتشر فيها موتوسيكلات صيني بالهبل :)
اما لو قصدك ان الناس بدأت تفكر بره الصندوق فاحب اقوللك لأ لسه مش بالنسبه اللي انت شايفها خالص
في مصر مافيش حاجه بتتغير

طبيعي جدا أى حاجه عمليه تنتشر
عربيات
موبيلات
أجهزه كهربائيه
ملابس

الكورى قرب كتير من اليابانى ولسة معاه فرق سعر

احسن عربيه يعنى ممكن نتكلم فى حدود 140 الف جنيه فى السعوديه . المشكله بقت الجمارك ..يعنى لو كان هناك ذكاء سياسى يطلع قرار من يمتلك سيارة قديمه ( ملاكى او ميكروباص او نقل او اتوبيس ) منذ خمس سنوات موديلها تعدى 20 سنه ممكن يستورد سيارة بدون اضافه الجمارك فقط ضريبه المبيعات وخلصنا . الكلام دة يشجع ازاله المركبات القديمه من شوارع مصر فى خلال سنه ..الكلام دة سيوقف تماما استيراد المقطع والمستعمل والتشليح ال قاعد يستنزف الدولار لشراء زباله العالم ودة تهريج . بالاضافه ارتفاع الامان فى الطرق ومظهر الدوله .؟ ومنع استيراد التوك توك نهائيا وحصر تحركه داخل القرى وتحدد اماكن تحركه كفايه تهريج البلد ضاعت

الاسعار غالية صحيح
بس الكوري مازال مستمر فالانتشار

المشاركة الأصلية كتبت بواسطة alnadi

أنا صعب أتكلم عن العربيات الأوربى كلها ولاكن علي سبيل المثال وليس الحصر
البيجو 301 .
1- ضعف الموتور أثناء تشغيل التكييف
2- ناس كثير أشتكو من ضعف التكييف نفسه
3- صوت الموتور العالي والرعشه
3- تيل الفرامل والبيجوهات والفلاتر
4- الأكصدام الأمامى ناس كثير أشتكت من ضعفه
وطبعا غير الخامات الردئيه إلى ملهاش دعوه بالصناعه الفرنساوى خالص

ده غير فى أنواع أخري أوروبى الموتور بياكل زيت والموضوع مفتوح فى المنتدى ولسه متحلش وممكن يغيرو موتور كامل
ونظام الأتزان الألكترونى إلى مبيفصلش

وأنواع ألمانى مشهوره بمشاكل الفتيس

يا صديقى الكلام ده كله من المنتدي
وعمتا العربيات كلها إضربت دلوقتى

يا باشا خلينى اخد الكلام الخاص اللى انت قايله بالنسبة لل 301 والكلام العام عن الاوربى ومشاكل الماتور دى مش هرد عليه لانى مش عارف حضرتك بتقصد اية

ضعف الماتور كلام مش صحيح انا ممكن اقولك التسارع من 0 ل100 مش حلو لانى مش بجرى غير على الطريق ولا جربت مانيول ولا جربت كيك دوان ولا حتى الوضع الرياضى بس العربية مرضية جدا وهجرب اقرص عليها وهعمل تقرير يكون فيه العيوب والمميزات علشان نفيد الناس اللى هتشترى

صوت الماتور عالى ده متقال من البداية وانا عارفه قبل ماجيب العربية بس بالنسبة ليا كشاب الموضوع مش فارق علشان لو مشغل الصوت على 15 نص الصوت مببأش سامع صوت الماتور ولو طافى الصوت وسامع الماتور بيحفزنى اجرى زى موتسيكلات الريس بالظبط مش بيمثلى عيب غير موضوع العزل اللى تقدر تعمله

الرعشة او النتشه فعلا موجودة ودى لازم تتعود عليها بدوسه البنزين وبالنسبة ليا عامله مشكلة بس مش قادر احدد بالظبط دى من سواقتى لانى لما اتكلمت فى التوكيل قالى بتكبس بنزين مرة واحده ودى فى كل العربيات وقعد يتكلم فى كلام ميكانيكا كده مفهمتش منه حاجة لو جربت الكورى هبقى اقول

التيل فعلا فيه مشكلة وده مبيقيمش العربية الناس بتغيره فى الضمان وانا عندى المشكلة دى وهغيره باذن الله وهقول اللى حصل فى التقرير

بيوجهات وفلاتر مفهاش مشكلة البيوجهات بتتغير على 20 الف زيها زى اى عربية زيرو


الاكصدام الامامى مفهوش اى مشكلة ولا سمعت حد قال عليه حاجة وبالنسبة ليا مفهوش مشاكل وصناعه كويسة

الخامات الرديئة كلامك عام انا مشوفتش حاجة فى العربية غير اللى قولته ومفيش حاجة رديئة عن تجربة


اخر مشكلة التكييف هشغله على الماكس واجربة وبرده هنزله فى تقرير العربية

تقبل ردى بسعه صدر انا قلت العيوب اللى حضرتك ذاكرتها ووافقتك عليها وفيه حاجات ملهاش اى اساس من الصحه ورديت عليك بالنفى عليها تقبل الموضوع بسعه صدر بالله عليك