رقم العضوية : 201206
تاريخ التسجيل : 28Sep2017
المشاركات : 3
النوع : ذكر
الاقامة : مصر
السيارة: دايو نوبيرا 2
السيارة[2]: دايو نوبيرا 2
الحالة :
فعلا والله انا استفدت جدا من الشرح الجميل ده لكن مفهمهتش نقطه واحده بشكل وافي
هو ليه تسرب الغازات بيزيد من السلندرات لما يكون الموتور بارد او موصلش لحراره التشغيل الطبيعيه بتاعته وتقل لما يوصلها ؟
انا لاحظت ده فعلا في عربيتي ومحتاج افهم ارجوك
انا عربيتي نوبيرا 2 مصري ماشيه 150 الف بحطلها زيت تعاون sj الجركن الازرق بغيره كل 3000 كم ولاحظت في الايام البرد حاليا ان الزيت بينقص بمقدار نص كيلو ( نص لتر علي المقياس بتاعه ) كل 2000كم ومش عارف هل ده معدل طبيعي ولا لا خصوصا اني لاحظت فعلا ان مشواري لشغلي 20 كم بقطعهم الصبح و الحراره ما بتلحقش ترفع للطبيعي بتاعها الا في الكيلو العاشر مثلا ( في ايام الشتاء فقط)
لما سالت اهل النوبيرا قالولي مفيش pcv في النوبيرا وانا مش حاسس ان ده كلام منطقي فحابب اتاكد من مدي صحته ؟
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
هو الحقيقة واضح إن عندك أكتر من مشكلة بتخلي نقص الزيت يبقى واضح كده...
وواضح جدا إن ثرموستات الكوعة متشال من عند حضرتك
على العموم علشان نفهم تأثير الحرارة على نقص الزيت لازم نفهم إن الموتور مكون من أجزاء معدنية.. والمعادن بتتمدد بالحرارة وتنكمش بالبرودة...
اللي صمم الموتور عمل حساب إن الموتور دايما حيكون شغال في درجة حرارة معينة (٨٥ - ٩٥ في أغلب المواتير).. وبالتالي ضبط المقاسات والخلوصات بتاعت الموتور على أساس الدرجة دي وواخد في اعتباره إن المعدن حيتمدد...
لما الموتور بيبقى بارد بتبقى المعادن دي منكمشة...والمشكلة إن الموتور من جوه مش من معدن واحد...
البساتم غالبا بتبقى ألومنيوم.. والسلندرات حديد.. والشنابر من سبيكة غيرهم..
كل معدن درجة انكماشه غير التاني
ثرموستات الكوعة الغرض منه هو الحفاظ على درجة حرارة الموتور ثابتة باستمرار ومساوية لدرجة الحرارة التصميمية بتاعت الموتور.. وعدم وجوده حيخلي مقاسات الموتور مش مضبوطة وبطريقة غير محسوبة..
يعني باختصار.. السلندرات مش حتحكم الكبس صح..
ولما الكبس ما يتحكمش العادم هيحل أكتر من حاجة...
1- الزيت القريب من السلندرات هيتشفط جوه السلندر خصوصا في شوط السحب (رقم 1)
ليه بيحصل كده؟؟؟؟
السلندر عامل بالضبط زي السرنجة دي:
لو قفلت الفتحة العلوية بتاعت الإبرة بصبعك وحاولت تسحب البستم حتلاقي البستم مش راضي يتحرك.. علشان مفيش هوا دخل يملا المكان.. إلا إذا شلت الحتة الكاوتش اللي في راس البستم.
الفتحة العلوية دي في السلندر هي الصبابات ... وطبعا دخول الهوا منها صعب لإن مقاسها صغير... ومع حركة البستم (الإجبارية).. بيحصل شفط للهوا لما الصبابات تفتح... ولو فيه مصدر تاني لدخول الهوا هيساعد إن البستم يتحرك طبعا...
والمصدر التاني ده هيكون أي خلوص موجود من أي حتة.. اللي هي الخلوصات عند الشنابر.. أو حتى من صبابات العادم (لو مش قافلة كويس).
2- العادم هيتسرب بمعدل أكبر للبلوك ويلوث الزيت...
والعادم بيبقى فيه رطوبة (ناتج أي حريق = ثاني أكيد الكربون + ماء).. ووجود المية في العادم بتقصف عمره وكمان بتعمل طحينة في الزيت (بنسبة بسيطة)
لازم تمشي مسافات طويلة علشان الزيت يسخن والرطوبة دي تطلع منه.
ده غير إن عدم وجود الثرموستات بيخلي السلندر أبرد من اللازم ويخلي جودة الحريق سيئة...
وبالتالي كمية رواسب الكربون ختعلى في الزيت جدا والزيت يسود بسرعة قوي..
ده نفس اللي بيحصل بالضبط لما نشغل فرن البوتاجاز في البيت ونفتح باب الفرن نص فتحة...... الحرارة حتهرب والفرن حيهبب.
وده كمان بيأثر جدا على عمر الزيت..
بردو .. الموتور البارد بيتآكل ... بالذات عند السلندرات.. وغالبا بتبقى السلندرات "معتّبة" .. يعني عاملة عتب داخلي نتيجة حركة البستم داخل السلندر وهو منكمش..
ولما السلندر بيوسع نتيجة الحرارة بيبقى التسريب مستمر.. وساعتها بنختاج نص عمرة على الأقل.
مشكلتك الأساسية فعلا هي عدم وجود ثرموستات الكوعة.. وفي وجود الثرموستات موتورك هيوصل لدرجة حرارته التشغيلية الصحيحة خلال 3 دقائق.. أو 2 كيلومتر بالكتير..
وكمان مش هتحتاج تسخن الموتور.. 15 ثانية واتحرك..
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
المفضلات