جايلى عقد عمل مهندس مدنى بدبى

**أحمد كمال** · 11-05-2014 03:28 PM

انا قلتها و باقولها ...... السفر لو مفيش فايدة عظمى من وراه (زي ان يكون لدولة بتمنح الجنسية بعد فترة مثلا) .... يبقى يتحسب بالالة الحاسبة

مهندس في اوراسكوم بمرتب كويس + عايش في بيت اهله مش متبهدل في السكن + بياخد خبرة بترفع تمنه

ما يرميش نفسه الرمية الضياع دي...... و اللي مش عارف يعني ايه سكن في كامب عمال يا ريت يبطل فتي يا جدغان ........ كامب الغمال ده فيه عمال - مش مهندسين - بتنتحر - فعليا - من سوء الاحوال فيه ......

**Ayoob** · 11-05-2014 03:54 PM

اوعى تقبل هذا العرض. الراتب ضعيف ومؤسسة صغيرة
انت حاليا في شركة محترمة اصبر ٣ الى ٥ سنوات حاول خلالها الحصول على دراسات عليا او دراسات تخصصية في مجال ادارة المشاريع مثلا او كورسات في ال gis واضغط على نفسك لتكون هذه الكورسات في الجامعة الامريكية بالقاهرة
طبعا الرزق والمستقبل بيد الله وان شاء الله سوف تكون فرص العمل امامك احسن بكثير و لما تتغرب يبقى الموضوع مستاهل
بالمناسبة انا استاذ هندسة مدنية و اعمل بالخليج ونصحتي هذه بعد ان شاهدت حالات كثيرة لشباب المهندسين المصريين الي بيسافروا بخبرة قليلة وبالتالي يقبلوا مرتبات قليلة ويعشوا حياه لاتناسب تعبهم في الدراسة لمدة خمس سنوات في كلية شاقة مثل الهندسة

**A_H_M_A_D** · 11-05-2014 04:15 PM

لسه زميل ليا سافر الامارات في دبي تحديدا , مأجر ستوديو هناك على اطراف دبي يعني مش في الاماكن الحيويه هناك

بيقولي الستوديو اوضه واحده بحمام بمطبخ بصالة بيكلفه شهريا 3500 درهم , والفرش عليه كمان

احسبها كويس و خلي بالك

**abdulkhaleq** · 11-05-2014 04:35 PM

طيب تاني مره
عشان انا كنت عايش في الخليج
يعني مش بفتي

ده مرتب سواق عند عيله من اهل البلد

وانا مش خسران حاجه وماعرفش صاحب الموضوع

بالنسبه لأنك تشد الحزام دي لو ابوك في مصر مديون وانت مش لاقي شغل ومسافر تسدد دينه (مثلا وبعد الشر)

غير كده العيشه لوحدك اصلا مقرفه واسأل اللي جربها
وكمان في ظروف زي دي
هتبقى شبه الناس اللي بتغسل هدومها مره في الشهر وبتاكل مره في اليوم عشان تحوش
هتضيع 5 سنين من عمرك عايش معفن

لأخر مره وانت حر, احمد ربنا عاللي انت فيه وماتسيبش نفسك, زود معرفتك بشهادات وفكر من دلوقتي عايز تتخصص ايه
يمكن لو المرتب كان 30 الف مثلا (وكل حاجه عليهم من سكن وكده) كنت قلتلك روح

مهندس ب 5 الاف, حلوه دي !!

**أحمد كمال** · 11-05-2014 04:38 PM

المشاركة الأصلية كتبت بواسطة minicooper20

ليه ياباشا هبربط الحزام
٥ الف درهم يصرفهم كلهم و هو لوحدو يبقا رابط الحزام
اما معدل الصرف يكون كام شان يكون مرتاح

السكن غالي مووووت

**aif** · 11-05-2014 10:57 PM

بص يا بشمهندس
لو كنت مش بتشتغل في مصر او بتشتغل شغل تعبان
كنت ح اقولك سافر وأهو ع الاقل تكسب خبرة في المجال وخبرة في البلد اللي انت فيها ويبقي قدامك مجالات للانتقال لعمل افضل خلال السنوات القادمة
لكن انت شغال في مصر في شركة كبيرة
يبقي المنطق انك ما تضحيش بوظيفتك في مصر عشان شغل في شركة صغيرة بمرتب متواضع
اصبر علي نفسك كام سنة في اوراسكوم ممكن ما تحتاجش تسافر للخارج اساسا لان فرص الترقي فيها كويسة وممكن بردو تسافر برة معاهم لان لهم مشاريع كتير خارج مصر
بعد 3 او 4 سنوات خبرة في اوراسكوم ممكن تلاقي فرص افضل 100 مرة من كدة

**Secret-Man** · 12-05-2014 03:26 AM

انا شايف ان خبرتك عاديه على حد كلامك واظن هما خدوك علشان اسم الشركه الى انت فيها وليس الخبره لان خبره المهندسين تتطلب تكون كبيره هنا فى الامارات علشان يحطلك مرتب فوق 10 الاف وسكن وسياره كمان وده هنا انا بشوف ناس بتاخد 20 و25 الف وفى فوق عن كده كمان حسب وضعه وخبرته وليه عربيه خاصه ليه وسكن استديو محترم

لكن موضوع الاوفر بتاعك ال5 الاف درهم هو بصراحه كرقم ميكفيش عيشه لو انت عايش براحتك فى مصر فهتيجى هنا هتتعب بيهم
تانى حاجه من رايى لو يقدرو يحلو معاك موضوع السكن والمرتب هو هو انا شايف انك تسافر والمرتبات هنا بتزيد بسرعه لان ممكن فى نفس السنه تزيد مره او مرتين كمان حسب تسليم المشاريع وتقييم الشركه فى السوق وشويه امور كده بتزبط موظفينها وتقدر بدل دخلت البلد تنقل على شركه تانيه وديه حصلت مع ناس كتير اوى وزبطت امورها وعايشين ملوك

طبعا مش هكلمك بقا عن البلد وكل شيىء فيها لان الامارات دلوقتى رقم 1 فى الخليج

ربنا يوفقك ومتنساش تستخير ربنا برضه وتسال قرايبك او اى حد قريب منك وبيخاف عليك ينصحك برضه لانه ادرى بظروفك مننا لاننا مهما كان منعرفكش شخصيا علشان يكون حكمنا كامل على الموقف

وربنا يرزقك الى فى الخير ان شاء الله ولو احتجتت اى حاجه فى الامارات انا تحت امرك

-

الموضوع: جايلى عقد عمل مهندس مدنى بدبى

LinkBack

أدوات الموضوع

عرض

-

-

-

-

-

المواضيع المتشابهه

مطلوب مهندس مدنى مكتب فنى

مهندس مدنى يجيد بريمافيرا

مهندس مدنى يبحث عن عمل او تدريب

مطلوب مهندس مدنى للسعودية

مطلوب مشاركه من كل مهندس مدنى او اى عضو عنده خبره فى الكورسات

الكلمات الدلالية لهذا الموضوع

المفضلات

المفضلات

ضوابط المشاركة