جايلى عقد عمل مهندس مدنى بدبى

**walidzakzok** · 13-05-2014 07:32 PM

انا اخر واحد اعرفه طلع دبي مع شركة كفتة كمان............ السكن عليهم وبياخد 7000 ودفعة 2012

**dede_dodo88** · 13-05-2014 07:36 PM

المرتب ده ضعيف جداً في دبي زي ما الناس تكرمت و قالتلك.
الحياة في دبي مش رخيصة أبداً و خصوصاً مصاريف السكن..
أعتقد في رأيي كبداية للحياة في دبي نبتدي نتكلم في مرتب 10 الأف درهم لكن أقل من كده هتعيش نفسك في مستوى قليل مش هتسمتع بقعدتك هناك و مش هتعرف تحوش حاجة..

**Ahmed.Ali** · 13-05-2014 08:05 PM

بصراحه المرتب دا في شركتي هو مرتب السواق مش مهندس ابدا و لو تعرف تعيش عيشه الهنود في الخليج يبقي هتحوش غير كدا انت بترتكب في حق نفسك جريمه

**just4fun** · 13-05-2014 09:28 PM

المشاركة الأصلية كتبت بواسطة أحمد كمال

و الله العظيم ما هيفضل منه حاجة

و السكن هتتصرف ازاي؟ هتغرق نفسك و الله

و محدش بيفتي على فكرة عليك واسلوبك مش ظريف في التعليق ده ........

عالعموم ....... انصح صاحبك من الضهر للعصر و بعدها ضلله ....... سافر يا باشمهندس و الاوفر حلو و هتعرف نحوش كمان ...... انا غلطان اني اتكلمت اساسا ........

بالمناسبة : المصري ممنوع يستقدم زوجته في الامارات الا لو عنده سكن خاص و راتبه 10 الاف عالاقل....... (عارف انك مش متجوز بس كده تنسى انك تتجوز و تجيب زوجتك)

المشاركة الأصلية كتبت بواسطة m7amd_7amdy

يعنى الناس هنا ردت عليك وتعبت نفسها وضيعوا وقتهم ونقلوا خبرتهم وتجاربهم وفى اجماع على انك هتتبهدل وو ... الخ

وبتقاوح برده ؟؟!! وردك يكون بالشكل ده ؟؟!

طب على الاقل أشكرهم ولا عبرهم بكلمة !

طب انا احب اشكر الاستاذ أحمد كمال على معلوماته وخبرته اللى انا شخصيا استفدت بيها

على الرغم انى عمرى ما هسافر ولا اشتغل بره :)

اولا انا متشكر جدا كمان لكل الردود والافادة ....و مقولتش ان فى حد بيفتى ولا قاصد انى اكلم حد باسلوب مش تمام ... بس فعلا انا فى حيرة كبيرة و تعبان وكنت بتناقش معاكوا زى اخواتى و اتضايقت لما لقيت بعض الردود المحبطة من غير اى تفاصيل زى مش هتلاقى حتة تشرب مية ساقعة و هتشحت و مش هتلاقى تاكل وانا بعتذر لو حد اتضايق من كلامى ... على فكرة انا مش متثبت فى اوراسكوم والمشروع اللى انا فية فضلوا شهر و نصف ويخلص ... بالنسبة للعقد فى حاجات اتعدلت فيه هيبقى فيه بدل سكن و عربية ببنزين و موبايل بخط شركة وهيبقى فى مكافات نسبة من الارباح غير الزيادة السنوية يعنى مش هصرف غير على الاكل ومصاريفى الشخصية اللى اعتقد انها صعب تعدى 3000 درهم وانا بعتبر الشغل ده مجرد بداية تفتح معايا سكك احسن ان شاء الله ... ولا ايه رأى حضرتكوا

**أحمد كمال** · 13-05-2014 09:48 PM

المشاركة الأصلية كتبت بواسطة just4fun

اولا انا متشكر جدا كمان لكل الردود والافادة ....و مقولتش ان فى حد بيفتى ولا قاصد انى اكلم حد باسلوب مش تمام ... بس فعلا انا فى حيرة كبيرة و تعبان وكنت بتناقش معاكوا زى اخواتى و اتضايقت لما لقيت بعض الردود المحبطة من غير اى تفاصيل زى مش هتلاقى حتة تشرب مية ساقعة و هتشحت و مش هتلاقى تاكل وانا بعتذر لو حد اتضايق من كلامى ... على فكرة انا مش متثبت فى اوراسكوم والمشروع اللى انا فية فضلوا شهر و نصف ويخلص ... بالنسبة للعقد فى حاجات اتعدلت فيه هيبقى فيه بدل سكن و عربية ببنزين و موبايل بخط شركة وهيبقى فى مكافات نسبة من الارباح غير الزيادة السنوية يعنى مش هصرف غير على الاكل ومصاريفى الشخصية اللى اعتقد انها صعب تعدى 3000 درهم وانا بعتبر الشغل ده مجرد بداية تفتح معايا سكك احسن ان شاء الله ... ولا ايه رأى حضرتكوا

بدل السكن هيكون كام؟ دي تفرق ........ لازم يتحدد في العقد

**أحمد كمال** · 13-05-2014 10:16 PM

مش هتعرف تنقل لمدة سنتتين الا لو الراتب في المكان الجديد اكتر من 12 الف ..... دي قوانين وزارة العمل

و عالعموم ....... انت حر ....... اللي ياكل على ضرسه ينفع نفسه

**أحمد كمال** · 14-05-2014 07:51 AM

المشاركة الأصلية كتبت بواسطة just4fun

متشكر ليك جدا يا استاذ احمد على حرصك و افادتك ليا .... بس فعلا مرتبات حديث التخرج هناك كدة و اعرف ناس راحت على عروض اقل من كدة وانا معاك ان العرض ده ممكن يكون قليل ومرمتة سنتين بس هكون خدت خبرة سنتين غير خبرة البلد و رخصة القيادة و ممكن بعد كدة انقل على شركة اكبر و حاجة احسن على الاقل بيبقى فى فرصة ان الواحد يكبر مش زى مصر محلك سر و كلة بالكوسة وانا لسة صغير لو متبهدلتش دلوقتى هتبهدل امتى

يا سيدي الفاضل انت هتصرف مرتب شهر و نص عالرخصه

متخيل؟

انا باشوف مصريين برواتب زي دي طلعان عينهم

اعرف واحد لسه متاخد مخالفه ب ٣٥٠٠ درهم تخيل؟؟

انا مش كسبان حاجة انك تروح او ماتروحش بس و الله هتكره عيشتك

-

الموضوع: جايلى عقد عمل مهندس مدنى بدبى

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب مهندس مدنى مكتب فنى

مهندس مدنى يجيد بريمافيرا

مهندس مدنى يبحث عن عمل او تدريب

مطلوب مهندس مدنى للسعودية

مطلوب مشاركه من كل مهندس مدنى او اى عضو عنده خبره فى الكورسات

الكلمات الدلالية لهذا الموضوع

المفضلات

المفضلات

ضوابط المشاركة