الموضوع: هيا زيوت مواتير شل عمرها اطول من موبيل و لا ان بيتهيألي؟

المشاركة الأصلية كتبت بواسطة khpopo

شل عن تجربة وهو والله اعلم لسة بيستورد لغاية دلوقتى وهو افضل من ناحية التبخير انا بطلت موبيل من اكتر من عشر سنين حتى السوبر منة هيلكس(المعدنى) افضل من موبيل اكس اتش بى ............حتى اللون ياراجل موبيل هوا بيتغير الى اسود :k39:
ربنا يوفق

بمناسبة تغيير اللون دية ظاهره صحية معناها ان الزيت بيلم رواسب الكربون الي في الموتور
المشكلة بتكون في انواع الزيت المجهولة زي الي منتشره في الخليج
يقعد معاك اكتر من 5 الاف كيلو و تلاقي اللون زي ما هوا طيب رواسب الكربون بتروح فين ؟
و تبقي النتيجة انها بتترسب في الموتور و تبوظة و تقصف عمره

السلام عليكم
ذهبت اليوم إلى محطة كارجاز لأسال على زيت فيسكو كما نصح المهندس محمد ممدوح في موضوع منفصل عن هذا الزيت
و أيضا بعد كلام الأستاذ أحمد صيام عنه

دار حوار بيني و بين عامل محطة الغاز
أنا / عايز زيت فيسكو 5000
هو / أشمعنى ؟؟؟؟ ( خنقني )
أنا / أصلي هاقلي فيه بطاطس !!!!
هو / على فكرة ده بيقعد 30 ألف كم
أنا / يا راجل ؟؟؟؟
هو / " قام بالحلفان "
أنا / طيب بكام ده ؟
هو / ب 285 ج م
أنا / ياه و غالي كدا ليه ؟؟؟
هو / ما أنا قلتلك قبل كدا بيقعد 30 ألف كم
أنا / طيب و أيه أنواع الزيت التانية ؟؟
هو / فيه فيسكو 3000 و بيقعد 10 الف أو 15 الف كم ....... مش فاكر قال كم بالظبط !!!!!
أنا / و بكام ده ؟؟؟
هو / تقريبا قال ب 180 ج م
أنا / طيب و أيه أخبار فيسكو 2000 ؟؟
هو / بيقعد من 7 إلى 10 الاف !!!!!!
أنا / بكام ؟؟
هو / ب 75 جم تقريبا

و قمت بشكره طبعا و سبته و مشيت
و مش عارف الكلاك اللي قاله ده حقيقي و لا تأليف و فتي

لذلك أطالب الأخوة المهندسين أمثال المهندس سبعاوي أو المهندس محمد ممدوح بالرد على هذه المداخلة بعد اذنهم طبعا

شكرا


و من ناحية الموضوع المفتوح من جانب الأخ ميدو
و الله يا أخ ميدو أنا كنت بحط موبيل 1 و أسيبه في العربية 10 الاف كم و كان زي الفل و على فكرة صناعة مصري

مجربتش الشل نهائي
و لكن جربت توتال 5000
و أعتقد أنه أفضل من موبيل اكس اتش دي اللي بيقعد 5000

و أنا حاسس ان مفيش فروق كبيرة بين أنواع الزيوت دي
لسة بقى لما أشوف موضوع فيسكو ده أيه

شل احس من موبيل1

يا جماعهة انا كنت فى بنزينه شل امبارح بصراحة ناس محترمة جدا جدا
و هناك غيرت الزيت شل الاصفر 3000 كم
لكن الاسعر نفس اسعر موبيل بالظبط
الاصفر 98ج موبيل اكس اتش بى 100ج
الترا 235 ج موبيل 1 235ج
بس لما سألتهم قالوا موبيل افضل طبعا !!!!!!!!!!!!

موبيل افضل ؟
انا خلاص حطيت شيل الترا
اولا غير ان العلبة شكلها انضف من بره و تقفيل احسن و مستوردة مش زي الموبيل المصري
حاسس انالعربية موتورها احسن و صوتة اوطي بس حاجة بسيطة لاني كنت باستخدم موبيل1 و بالمناسبة الموتور انعم يعني مثلا لو الموتور كان بيزمجر ( يعني يبدأء صوتة يعلي و كدا ) و انا علي الثالث علي 60 دلوقتي بعد ما غيرت شيل بقي يكمل لحد الل 70
بس انا اتكلم عن شيل الترا

المشاركة الأصلية كتبت بواسطة medo80

ولاهي زيوت التعاون دية مش واخدة حقها
يعني مثلا التعاون1 التخليقي( الي بيعادل موبيل1 ) دا واحد صحبي بيحطة في عربية بيجو 405 في التوكيل ماشي دلوقتي عامل اكتر من 200 الف و الموتور بتاعة زي الفل جديد لانج رغم ان استخدامة و سواقتة زي الزفت الموتور بيصعب عليا
و الزيت بتاعهم الي هوا بيعادل الاكس اتش بي (نفس الخواص ) بيقعد حوالي 5000الاف زي التوتال ال 5000 بالرغم من ان الاكس اتش بي بيقعد 3 الاف بس و يمكن اقل رغم انة سعره اغلي بكتير

على فكرة أنا باستخدم التعاون 1 زي الفل ممكن يعد لحد 15 ألف كيلو و لسه لزوجته زي ما هي
و سعره 200 جنيه
أرخص من موبيل 1 بحوالي 40 جنيه
على فكرة زيت التعاون 1 مش مصري مكتوب عليه صنع في الاتحاد الأوربي
و حاليا منزلين زيت اسمه كوب فاكت 1 ب 180 جنيه أرخص من موبيل 1 ب 60 جنيه
مكتوب عليه للديزل نفس مواصفات التعاون 1 بالزبط (الراجل اللي هناك قللي هو نفس الزيت بس في جركن مختلف و انا قريت الكلام اللي على العلبة لقيته هوه هو نفس الكلام اللي على التعاون 1
منزلينه فترة بسيطة عشان ميكروباصات تويتا الجديدة كانت بتطلبه)
وانا دلوقتي حاطط الزيت ده في العربية و لزوجته ممتازة

بس خلي بالك يكون مكتوب علية api و للمحركات البنزين