الموضوع: هيا زيوت مواتير شل عمرها اطول من موبيل و لا ان بيتهيألي؟

المشاركة الأصلية كتبت بواسطة Ahmed Hassan

حد يعرف زيت التعاون اللي الناس شايفه انه احسن من موبيل ده مصدره ايه؟؟

زيت التعاون 1 مكتوب عليه صنع في made in EU
زيت موبيل 1 مكتوب عليه made in egypt

المشاركة الأصلية كتبت بواسطة Ahmed Hassan

الناس كاتبين ان زيت ديلفاك(خاص بالديزل) يفي بالاشتراطات الخاصه بمحركات البنزين... بس اداء موبيل1 احسن منه اذا كان المحرك بنزين. يعني باختصار موبيل1 احسن لمحركات البنزين

they said ' if you use your gasoline vehicle in "heavy-duty" service, Mobil Delvac 1 ESP will provide many benefits compared to conventional oils '

يعني لو استخدامك شاق جدا عليك بزيوت الديزل

انا نفسي أجرب كاسترول .. محدش يعرف إذا كان في أي حد في مصر بيستورده ولا لأ ؟

المشاركة الأصلية كتبت بواسطة nobody

they said ' if you use your gasoline vehicle in "heavy-duty" service, Mobil Delvac 1 ESP will provide many benefits compared to conventional oils '

يعني لو استخدامك شاق جدا عليك بزيوت الديزل

يا فندم بيقول ان دلفاك ليه فوائد كتير مقارنه بالزيوت التقليديه. موبيل1 مش زيت تقليدي... موبيل1 زيت (تخليقي) علشان كده الجمله اللي بعد اقتباسك على طول بتقول "When compared to Mobil 1 performance, those benefits may not be as obvious, and in fact, Mobil 1 would be expected to outperform Mobil Delvac 1 in many gasoline applications" و الكلام ده معناه ان عند مقارنه دلفاك بموبيل1 لن تكون فوائد دلفاك ظاهره.. و في الواقع فأنه من المفترض ان يتفوق اداء موبيل1 على دلفاك في اكثير من محركات البنزين

عندك حق فعلا انا لسه واخد بالي من الكلام ده
بس عموما لو التعاون 1 ب 200 جنيه
و زيه بالزبط التعاون 1 ديزل ب 180 جنيه اكيد حجيب الأرخص لانه هو هو نفس المكونات بس بيضيفوا عليه بعض المواد اللي بتقاوم الكبريت اللي بيتكون في محركات الديزل

المشاركة الأصلية كتبت بواسطة nobody

عندك حق فعلا انا لسه واخد بالي من الكلام ده
بس عموما لو التعاون 1 ب 200 جنيه
و زيه بالزبط التعاون 1 ديزل ب 180 جنيه اكيد حجيب الأرخص لانه هو هو نفس المكونات بس بيضيفوا عليه بعض المواد اللي بتقاوم الكبريت اللي بيتكون في محركات الديزل

ممكن....ده اختيار يرجعلك

والله كنت نازل النهاردة الصبح اغير زيت وعلطول انا بحط موبيل 3000 وبالصدفة فتحت الموضوع ده
ونزلت قولت اجرب شيل زى ما بتقولو عليه
المهم جبت شيل الاصفر 3000 ب 98 جنيه وغيرت فلتر الزيت بالمرة ب 25 جنيه
وفعلا والله اول لما دورت العربية حسيت ان صوت الموتور هادى جدا وناعم عن الاول
الف شكر يارجالة
ولقيت شباب بيغيرو هما كمان وسألتهم قبل ما اغير قالولى شيل احسن وبيعيش عن زيت موبيل
بيقولولى ال 3000 بنمشى عليه فى الشتا لحد 4500 و 5000 وبينزل كويس

انا باستخدم موبيل سوبر من زمان وإن شاء الله اغير لشل عشان كتير بيشكرو فيه بس قبل ما اغير لازم استخدم زيت فلاش ولا مجرد اني اغير الفلتر والزيت وخلاص