الموضوع: تقرير ماروتي 2014

نفس اللي انا فكرت فيه بالظبط انا برضو كنت جبت اخري من المواصلات وبهدلتها وندرتها وتحكم السواقين في الركاب فكان لازم اضحي باي حاجه واشتري عربية تريحني انا واهلي كلهم فاستخرت ربنا واشتريت والحمد لله ربنا كرمني والدنيا بقت كويسة جدا ومنتهي الرفاهيه والراحه وبروح اي حته انا عايزها في اي وقت الحمد لله
بخصوص الزجاج هتلاقي وانت قافله تحت خالص كده مكتوب شوية كلام وتحتهم رقم غالبا الرقم ده هتلاقيه13 طالما الكاوتش13 وكمان الزجاج الخلفي غالبا هتلاقي الرقم12 ده اللي لقيتة علي عربيتي وكمان اول ماشتريتها العداد كان عامل 90 كيلو وكان مفصول يعني كنت تمشي مؤشر عداد السرعه مكنشي بيتحرك وسألت قالولي العربية بتتجرب قبل ماتيجي وبتاع ولما عملتلهم مشكله كلمني مسئول من القاهره وقعد يقولي اكيد جت من ابو رواش لمصر الجديدة حد سايقها او جت من مصر الجديدة للزقازيق متساقة وان ده عادي وطالما مش معديه150كيلو يبقي حاجه عاديه المهم انا استبركت وقولت اللي ربنا كاتبهولنا هنشوفة والترخيص برضو قرفوني ييجي 20يوم من الزن عبال ما ورقها جه والترخيص عندي تقريبا اتكلف1100 بالشاي بتاع الناس كلها اي حد كنت اشوفه كان بيشرب الشاي المرور ده مكان خطير كل موظفينة بيحبوا الشاي اوي

المشاركة الأصلية كتبت بواسطة mo7a_mo7a

الف الف مبروك ربنا يبارك لك فيها ويديك خيرها ويكفيك شرها

آمين
متشكر جدا، كلك زوق

مبروك يا باشا

إيه يا جماعة؟ مفيش حدّ رد ليه على النقاط التالية(فين عمرو إكسل، ودكتور حازم)؟
.....
1-بعد تجاربكم، افضل زيت لصيانة الألف، شل الأصفر، ولا فيسكو 3000، واجيبه منين بالضبط (ارخص سعر)
2-اجيب منين فلتر الزيت الكوري (ارخص سعر)
3-موضوع نور العربية، هل هو فعلا عالي عايز يتوطى؟ انا مش عايز كهربائية يلعبوا في العربي، هيخربوها، ولو آه، يتعمل فين (أفضل أداء)
4-هل فعلا فيه ضبط للعربية يقلل استهلاك البنزين، ويتعمل فين بالضبط (افضل أداء)؟

المشاركة الأصلية كتبت بواسطة lidosasa

يعنى مينفعش إحنا نجاوب يعنى ... إدونا فرصتنا بقى ههههههههه
بص يا سيدى أنا شخصياً أفضل إنك تعمل صيانة الألف فى التوكيل وبعد كده تصين بره .. لكن لو حبيت تصين إنت يبقى قدامك خيارات كتير ....
العربية زيرو يبقى تجيب ليها زيت تخليقى زى شيل هيكلس إلترا مثلاً لكن فى نفس ذات الوقت ناس كتير بتقول إن ده مش مجدى مع الماروتى ومكلف على الفاضى وخليك فى المعدنى اللى هو شيل الأصفر 15w50 ( وأنا شخصياً أحترت من كتر القراءة فى الخلاف ده ومش حقدر أفيدك فيه ) المهم إنك لما تحط زيت يبقى تحط 2.75 لتر مع تغير الفلتر و 2.5 لتر لو مش حتغير الفلتر وأوعى تزود عن كده عشان حيبقى خطر على الموتور
بالنسبة للفلتر فحدث ولا حرج معاك من أول الفلتر الأصلى للعربية بيكون تمنه 65 تقريباً على ما أتذكر لحد الفلاتر بتاعت العربيات التانية اللى متوافقة مع الماروتى زى التويوتا كورولا وغيره وفيه التيوانى والكورى واليابانى ومعاك من أول 20 جنيه للفلتر لحد 60 ..
موضوع نور العربية ممكن تكون الفوانيس محتاجة رجلاشة عشان تركز وتظبط نور العربية على الرغم إنى مستغرب من موضوع النور لآن الماروتى اصلاً نورها ضعيف وده من ضمن عيوبها فبعد صيانة الألف أبقى روح لكهربائى ركب كتاوت كهربة وغير لمبات الكشاف للمبات 200 بدل اللمبات 100 اللى فيها ويرجلش ليك الكشافات بالمرة
ممكن كمان تروح لميكانيكى يظبط ليك كهربة العربية حسب البنزين اللى حستخدمه 80 أو 92 وإن كنت شخصياً أفضل ال 92 لنضافة الموتور والعربية ....
حاجة أخيرة ياريت ترصص الكاوتش وتظبط الزوايا حتحس بفرق كبير فى العربية
وإحنا مع بعض لو حبيت تسأل عن أى حاجة تانية

طبعا ينفع تجاوب مفيش كلام، دا انا لما لقيتك جاوبت على موضوع تاني (مروحة الماروتي)، قولت يريته يخش يبص بصه، الراجل ده ليه تاتش مفيد، انا متابع من زمان المنتدى وعارف رجالة الماروتي كويس
.....
شوف يا صاحبي، انا بصراحة لما شوفت دكتور حازم وآخرون يمدحون في فيسكو، مع سعره المنخفض نسبيا مقارنة بعمره الطويل، بالإضافة للإعلانات الفظيعة، والدعايا، لموبيل وشل (هرونا يعني)، وطبعا انت عارف ان المنتج الي اعلاناته قليلة بيبقى سايب خامته وقوته تتكلم عنه (زي شويبس كده)، والمعهود إن الإعلانات دي بيدفع تمنها المستهلك مفيش كلام، وبعدين لما سألت عن فيسكو لقيته بريطاني تعبئة إماراتي (تخيّل)، فمش عارف ليه بقيت مقتنع بيه، خاصة الـ(3000)، فإيه رأيك في الموضوع ده؟
....
ثانيا، مقولتليش اجيب الفلتر منين، هو التوفيقية قريبة مني، ممكن اعدّي عليها في سكتي وانا مروّح، انزل من المترو خطف صد رد واكمل في المترو، فهل فيه حد غير سوزوكي سنتر (فوق اسماك ابو غالي) في التوفيقية؟ وايه رأيك في موضوع الفلتر الكوري ده؟ شايف سعره متوسط، وايه هي محطة المترو القريبة من اسماك ابو غالي؟ جمال عبد الناصر، ولا عرابي؟