الموضوع: مشكله عاطفية

يجماعة بلاش نتكلم بسطحية ونقول لوبتحبك ههتنازل الخخخخخ
وليه الى بيتكلم ميفكروش بطريقة تفكيره هية
يعنى من الى باين من كلامها انها بتفكر بالطريق التى تم تصويره ليه عن البلد وبيت العيلة والكبيرة الخ
وياريت قبل متحكم على اى حد حط نفسك مكانه

صديقى المواطن
فى سبيل الحب يموت كل شىء.. ولكن إذا كان الحب مقابل الكرامة.. فليموت الحب وتحيا الكرامة... وبس

من وجهة نظري كأنثى :-
1) البنت لسة في الجامعة وبتحبك ( زي ما بتقول ) .
2) السن دا أكيد مش بالخبرة الكافية اللي تضحي بحبها علشان شكليات أو طموحات .
3) الكلام المنقول لك دا نصائح من أحد معارفها أو والدتها .
4) الكلام اللي دايماً كان بيتقال لنا في فترة الخطوبة ( لازم يشتريكي ، لازم يضحي ، لازم تعرفيه أنك أعلى منه علشان يقدرك أكتر ويفضل خايف على حبك ، لازم يعرف أنك مطلوبة من دكاترة ومهندسين وأنتي هتضحي علشانه ، أبعدي عن بيت العيلة كله مشاكل ) .
5) بعد كل النصائح دي من الأصحاب أو الأهل أو المعارف ( لو البنت بتحب بجد بتضحي بكل دا) .
6) يعني هي في الآخر مش بتحبك حب حقيقي ، هي بتحب فيك أنك بتحبها ، وبتحب فيك إمكانياتك الأعلى منها ( كما قولت ) ولكن لا ولن ولم تعترف بدا أبداً .
7) لو أتنازلت وضحيت علشانها أول مرة هتفضل تتنازل وتضحي طول العمر ومش هيعجب برضوا.
8) ولو هي أتنازلت بقيمة كليتك ياعيني ( الحقوق ) ، هتفضل تزلك طول عمرها بالتنازل .
9) وفي الآخر : ممكن كل الكلام دا ما يأثرش في قرارك ( اللي الله أعلم به ) لأنك مغمور بحبها ، فحاول تصلي صلاة إستخارة ، وربنا يدلك على الصالح .

اللهم أرزق أولادنا وبناتنا بالزيجات الصالحة
اللهم آمين

المشاركة الأصلية كتبت بواسطة shiko85

وعليكم السلام ورحمة الله وبركاته
هى لسه صغيره فالسن لسه مش عارف او مش فاهمه الدنيا صح
هى نفسها تكون احسن
هى مش عارفه تعبر عن اللى هى عايزاه بأسلوب ناضج شويه
كانت تقصد لما اتكلمت على الكليه انها كانت بتحلم مثلا تتجوز مهندس او طبيب و انها حتى لما اتقدم لها دول رفضتهم علشان بتحبك و عايزاك (اعتبرت انها تخلت عن جزء من حلمها علشانك فا عايزاك تعوضها عن ده بأنك تعيشها فالمكان اللى هى عايزاه مش تخليها تتخلى عن باقى حلمها)

مفيش حد اتقدم ليها وهي بتقول ان في ناس عايزين يتقدموا بس باباها مش موافق الا لما تخلص كليه

انتوا بتحبوا بعض و عايزين الحلال يبقى حرام تضيعوا الحب ده علشان قلة خبره او قله وعى
خلى بالك غلطان اللى يلاقى حد يحبه بجد و يضيعه منه او يضيع الحب ده لأى سبب لانه بكره هيندم لان الحب فالزمن ده زى ما بيقولوا بقى عزيز جدا
استحملها و اعمل المستحيل علشان تكون معاها و خليك انت العاقل و فهمها انك شاريها و انك هتعمل كل اللى تقدر عليه علشان تكونوا لبعض و علشان تخليها اسعد واحده فالدنيا (بس مش مجرد كلام لازم تكون صادق فده)
و بعدين لسه فاضل سنتين ان شاء الله

ماهي مش راضيه خالص يعني تقولي هعمل كل حاجه الا ان اقعد فيها اقول اصبري محدش عارف النصيب فين تقولي اوك بس مش في البلد برضه والله زي ما بقولك كده

المشاركة الأصلية كتبت بواسطة ahmedteam

بص يا باشا مش عايزك تحس ان كل الناس اجمعت انك تسيبها احنا بس بنفتح عنيك و دماغك على الكلام اللى بيتقال و ممكن يكون ليه معانى انت لسه مش عارفها لقله الخبره

افرض انك بعدت عنها اكيد هتلاقى حد تانى بحوارات تانيه و هكذا علشان مفيش حاجه كامله ولا حد كامل

كل الحكايه ان الحاجات اللى هتتغاضا عنها متأثرش فى صميم الحياه اليوميه لانك مستحيل تلاقى حد كامل

فكر بعقلك بعقلك بعقلك بعقلك مليون مره و شوف المميزات و العيوب و شاور اهلك ليهم نظره برضه اصل الجواز بيكون بين اسرتين مش انت و هيا بس

فى النهايه لازم تؤمن ان نصيبك بس اللى هتاخده و ربنا كاتبهولك

معلش بس المفاجاءه بقي ان اهلي بالذات اخويا جوز خالتها شايفهم متكبرين اصلا ولو فتحت معاه الموضوع اصلا هيقولي وانت عملت ليه كده اصلا بس لو كانت معايا ومع راي كان هيقتنع وهقوله انها مش زي الفكره الي في دماغك

المشاركة الأصلية كتبت بواسطة shiko85

سؤال صغير
انت نيتك ايه ؟؟ عايز تتجزوها فعلا ؟؟
لو ده هدفك و دى نيتك يبقى عندك حل سهل و مضومن
صلى صلاة استخاره

اكيد والله وباذن الله هيحصل