الموضوع: مشكله عاطفية

عايز افكرك ان الحلال صعب جدا
اسأل اى حد هتلاقى كل واحد حصل معاه مواقف او معوقات اول ما فكر فالحلال
مشاكل ماديه مشاكل مع الأهل مشاكل ..... مشاكل.....
اللى عايز الحلال لازم يحارب علشان يوصله
هقولك تانى اوعى تفرط فيها لو هى بتحبك بجد و اوعى تفرط فيها لو انت بتحبها بجد
انا بتكلم عن الحب اللى الهدف منه الجواز

المشاركة الأصلية كتبت بواسطة shiko85

يا سيدى الفاضل هى مش عايزه تقعد فالشقه, نفسيا مش مستعده تسكن فالمكان ده و كان نفسها انك تحس بيها وتطمنها و تقولها مش هنقعد فيها علشان خاطرك و الكلام اللى انت عارفه ده
طبعا الأعضاء هنا بتقول الردود على حسب وصفك و كلامك بس صدقنى كل واحد بينقل الصوره من وجهة نظره هو بمعنى ان لو هى اللى بتتكلم اكيد كان هيبقى فيه وجهة نظر مختلفه و بعد تانى للموضوع و قصه غير اللى انت قلتها و هتلاقى اعضاء هنا مؤيدين لوجهة نظهرها
و فالأخر انت بس اللى تقدر تحكم و تقرر
اسهل حاجه اقولك سيبك منها بس صدقنى ده مش الحل كل حاجه فالدنيا فيها جزء جيد و جزء سئ مفيش حاجه جيده فالمطلق و لا سيئه فالمطلق و الأختلاف بين الأشخاص فتعامل كل شخص مع الجزء الجيد و الجزء السئ بمعنى انك هتلاقى نفس الموقف لأشخاص مختلفين و كل واحد ليه رأى او فكر مختلف
لو انا مكانك اجرب و اقولها انك مش هتسكن فالشقه و فالسنتين دول هحاول اجيب شقه فمكان تانى او ممكن تقولها انك هتشوف شقه ايجار فأى مكان هى عايزاه و شوف هتقولك ايه
والله قالت موافقه يبقى فعلا هى مش عايزه تسكن فالشقه للسبب اللى هى قالت عليه و لو قالت انا مش هسكن فشقه ايجار تعرف انها هتتعبك فحياتك كلها و يبقى سيبك منها احسن

كلام حضرتك علي راسي من فوق بس انا حاسس اني لو اتنازلت في دي وبعدت عن اهلي بعد ما شرحت انا مختار المكان ده ليه هتنازل في حاجات كتير اوي بعد كده تاني حاجه ايه فمره انها تقول ده قرار انا خدته خلاص ايه الفمره في اني اضحي انا بكل ده وهي لا وتقولي اصل اصحابي مش هيرضوا يجوا يباركولي لما نتجوز علشان المكان الي احنا فيه اقسم بالله تعالي في كلام لو اتقال هيغير وجه نظر حضرتك انا بحبها فعلا علشان متقولش اني بكرهها بس الي بيحب بيعمل اي حاجه والمفروض تقولي انا معاك لاني صاحب الحق في اني اقعد باسبابي المقنعه مش اللهجه الفلاحي واصحابي الي مش هيجولي

المشاركة الأصلية كتبت بواسطة friendship7897

من وجهة نظري كأنثى :-
1) البنت لسة في الجامعة وبتحبك ( زي ما بتقول ) .
2) السن دا أكيد مش بالخبرة الكافية اللي تضحي بحبها علشان شكليات أو طموحات .
3) الكلام المنقول لك دا نصائح من أحد معارفها أو والدتها .
4) الكلام اللي دايماً كان بيتقال لنا في فترة الخطوبة ( لازم يشتريكي ، لازم يضحي ، لازم تعرفيه أنك أعلى منه علشان يقدرك أكتر ويفضل خايف على حبك ، لازم يعرف أنك مطلوبة من دكاترة ومهندسين وأنتي هتضحي علشانه ، أبعدي عن بيت العيلة كله مشاكل ) .
5) بعد كل النصائح دي من الأصحاب أو الأهل أو المعارف ( لو البنت بتحب بجد بتضحي بكل دا) .
6) يعني هي في الآخر مش بتحبك حب حقيقي ، هي بتحب فيك أنك بتحبها ، وبتحب فيك إمكانياتك الأعلى منها ( كما قولت ) ولكن لا ولن ولم تعترف بدا أبداً .
7) لو أتنازلت وضحيت علشانها أول مرة هتفضل تتنازل وتضحي طول العمر ومش هيعجب برضوا.
8) ولو هي أتنازلت بقيمة كليتك ياعيني ( الحقوق ) ، هتفضل تزلك طول عمرها بالتنازل .
9) وفي الآخر : ممكن كل الكلام دا ما يأثرش في قرارك ( اللي الله أعلم به ) لأنك مغمور بحبها ، فحاول تصلي صلاة إستخارة ، وربنا يدلك على الصالح .

اللهم أرزق أولادنا وبناتنا بالزيجات الصالحة
اللهم آمين

انتي يعتبر اتكلمتي في النقطه ال 7 و٨ عن مخاوفي لو الموضوع كمل ومش هسمح بكده ابدا

المشاركة الأصلية كتبت بواسطة alavokatooo_o

كلام حضرتك علي راسي من فوق بس انا حاسس اني لو اتنازلت في دي وبعدت عن اهلي بعد ما شرحت انا مختار المكان ده ليه هتنازل في حاجات كتير اوي بعد كده
هو الحب كده, انا مش عايزك تخسرها ولا عايزك تتنازل
هقولك على حاجه احنا كلنا كنا قاعدين فبيت, اخويا الكبير لما اتقدم لمراته اهلها لما عرفوا انه ساكن فبيت العائله كانوا مترددين شويه (بالرغم من ان البيت كبير و مكانه ممتاز و قريب من شارع فيصل) بس البنت و اهلها بيفكروا ان بنتهم هتسكن مع حماتها و اهل جوزها و هم مش عارفين هيعملوها ازاى بس بعد لما عرفونا وافقوا و رحبوا جدا و دلوقتى لظروف شغله سكن فشقه بعيد عنا و الدنيا ماشيه عادى جدا
تاني حاجه ايه فكره انها تقول ده قرار انا خدته خلاص ايه الفكره في اني اضحي انا بكل ده وهي لا
وتقولي اصل اصحابي مش هيرضوا يجوا يباركولي لما نتجوز علشان المكان الي احنا فيه
متزعلش منها, البنات بيبصوا لبعض خصوصا و هم فالكليات و كل واحده نفسها تكون احسن واحده فصحباتها و فالعيله و هكذا
اقسم بالله تعالي في كلام لو اتقال هيغير وجه نظر حضرتك
طيب بدون تدخل و بدون تفاصيل اكتر نصيحه منى فكر كويس فالكلام اللى هى بتقوله و بتقوله امتى و احكم و قرر و لو لاقيت ان فكرها واحد و كلامها واحد فكل الأوقات يبقى كفايه و بلاش تكمل لكن لو بتقوله و هى متعصبه مثلا يبقى اديلها فرصه و اصبر عليها شويه فيه ناس عصبيه بس طيبه
انا بحبها فعلا علشان متقولش اني بكرهها بس الي بيحب بيعمل اي حاجه والمفروض تقولي انا معاك
معاك حق طبعا و انا متفق معاك تماما و عارف احساس انك تحس انك انت بس اللى بتحاول تنجح الموضوع و انك انت بس اللى بتضحى و انك انت بس اللى بستحمل و ان اللى قدامك مش بيعمل اى مجهود و مش بيضحى ولا بياخد اى خطوه
لاني صاحب الحق في اني اقعد باسبابي المقنعه مش اللهجه الفلاحي واصحابي الي مش هيجولي
كبر مخك شويه بس مش معناه انك تيجى على كرامتك بس خليك انت الكبير
مش الأمتحانات خلصت او قربت تخلص ؟؟
شوف تصرفتها ايه ففتره الأجازه

المشاركة الأصلية كتبت بواسطة sas5

اخى شيكو تقبل تحياتى سبحان الله كل كلمه كتبتها فى مشاركاتك كنت بافكر فيها
فموضوع ان الاعضاء سوف يردون على المشاركه بطريقه مختلفه لو كانت الاخت هى التى كتبت المشكله
وموضوع ان الانسان الكامل غير موجود فكل شخص به صفات جيده وصفات غير جيده ويجب ان نتقبل من نحب

الواحد شاف من الدنيا كتير بجد و اكتر حاجه بتزعلنى ان حد يخسر انسان بيحبه او يضيع منه حد بيحبه
اللى اعرفه ان اللى بيحب حد بيعمل المستحيل علشان يكون معاه و يكون مستعد ان يحارب الدنيا كلها فسبيل انه يوصل للى هو عايزه
البنت بتختلف عن الولد فالجزء ده على حسب نشأتها و طبع اهلها فيه بنات بتقدر تستحمل و تقاوم و تحارب و تضحى بأى حاجه علشان تكون مع الشخص اللى بتحبه و فيه بنات تانيه عايزه كل حاجه و مش عايزه تضحى بأى حاجه و كأنها هى بدون اى عيوب و فيه بنات بتستسلم و تسيب اهلها يرسمولها حياتها و فالأخر اللى بيفرط فاللى بيحبه مهما كانت الأسباب هو اللى خسران