الموضوع: حصر للملاك اللي اتعرضوا لمشكلة نقص الزيت - فلوينس فيس ليفت

المشاركة الأصلية كتبت بواسطة yasser100

حمد الله على السلامه يا دكتور مصطفى :) , اهم حاجه تطمنا دايما انك مبسوط و مزاجك رايق

الله يسلمك يا ياسر باشا .. و يشرفني دايما وجودي معاكم .. و الحمد لله مبسوط جدا و مزاجي رايق ع الأخر

المشاركة الأصلية كتبت بواسطة mrashadnt

أنا حصلت عندي مشكلة الزيت لما العربية كملت 3000 كيلو لقيت كورة نقصت من المقاس الديجيتال فتخيلت ان ده ممكن يكون طبيعي لكن كنت متابع الموضوع باهتمام وخصوصا من بعد مشكلة الدكتور مصطفى مجدي ... وبعدين العربية لما كملت 3800 كيلو تقريبا لقيت كورة كمان نقصت من المقاس الديجيتال والمقاس المانيوال كان الزيت فيه في المنطقة بين العلامتين l - h فكلمت التوكيل حجزت ميعاد صيانة - استلموا العربية ( كانت عاملة 4000 كيلو ) وقعدوها في الصيانة في حدود 4 ساعات بحجة ان في قياسات معينة الشركة الأم بفرنسا طالباها وبعدين زودوا العربية 0.2 لتر زيت ( على حسب كلامهم ) وقالوا لي هتابع معانا بعد 1000 كيلو وادوني تقرير بكده - العربية دلوقتي عاملة 4500 كيلو وبتابع الزيت كل يوم والحمد لله الموضوع ماشي كويس لحد دلوقتي - وهروح بقى في صيانة الـ 5000 كم يشوفوا الموضوع تاني ... وربنا يستر

اناتقريبا حصل معايا نفس الكلام لكن نقص عندي كوره واحده بس عند 4000 كيلو... ومرحتش التوكيل الا في صيانه ال 5000 وكان الوضع زي ماهوه (كوره واحده ناقصه ) وزودولي الزيت وطلبوا مني اتابع بعد 1000 كيلو فات منهم500 ولسه الوضع تمام الحمد لله .. وربنا يستر
بس بتهيألي المعدل كد مش مقلق ولا ايه؟؟؟

المشاركة الأصلية كتبت بواسطة hany saad

استاذ حسام
للتوضيح....حضرتك كنت بتشيك على مستوى الزيت من ساعة استلامك للعربية و عند ال 4000 كم وجدته نزل كورة واحدة عن ذى قبل و لا انت شيكت عند ال 4000 فقط و لقيت الكور 5 مش 6؟

لو العربية متسلمة لحضرتك الزيت ناقص كورة فده طبيعى جداً ....انا استلمت العربية الزيت فوق منتصف العلامة ما بين ال l و ال h و على الديجيتال كان 4 كور من 6 و كان دايماً ثابت و لما روحت صيانة ال 5000 لقتهم زودوه و ملوه للأخر

اما لو حضرتك كنت متابع منذ الشراء و لقيت ان فيه كوره نزلت بعد 4000 كم فده مش شىء مقلق لأن الكمية بسيطة و لكن برده وجب المتابعة الجيدة للموضوع بعد ما عملت صيانة ال5000 الاف و لحد ما توصل لل 10000 مش المفروض يحصل اى نقص....لو لا قدر الله حصل اى نقص و لو كوره واحدة يبقى عليك و على التوكيل على طول

تحياتى

انافعلا كنت متابع مقاس الزيت الديجتال من يوم ما اشتريتها وكان 6 كور لحد 4000 كيلو نقص كوره

صراحةً الفكرة جميلة جدا، جزا الله خيرا صاحبها وكل المتفاعلين معها.

انا العداد بتاعى عامل 18000 كيلو و انا شارى العربيه 17000 ولسه شايف عداد الزيت الديجيتال لاقيته ناقص كوره فا ده عادى ولا ايه. و مكتوب فى الشاشه اغير زيت بعد 2600 كيلو