الموضوع: أسعار وكماليات اوكتافيا a7 1600 cc 2015

اوكتافيا الجديده 1600 انا متأكد هتكسر الدنيا بكل فئتها

المشاركة الأصلية كتبت بواسطة CosmicOne

نظام التعليق مظنش هيحس بيه حد غير فى الظروف القصوى من القياده الى بتبان فيها حركة العربيه على الأرض لكن احساس السرعه مثلاً منعدم فى الاكتافيا

الحسساسات اكتر سيكا فى الأسترا ماشى

العجل فى tpms فى الأكتافيا

الخامات اجود بفرق ملحوظ اوى فى الأسكودا

يعنى مثلاً كل التابلوه لحد تحت جوه عند ركبك سوفت

كل الأدراج فى الابواب موكيت من جوه مش بلاستيك حتى ورا

فتحات تكييف خلفيه بكروم ديتاليز شيك و قويه جداً للتكييف

غير الوسع الفظيع و الشنطه

الاسترا البيز لاين بتنزل بعجل ٢٠٥/٦٠ ١٦ دي البيز لاين يعني اكبر من العجل الي بينزل في الاوكتافيا الهاي لاين الي هوا ٢٠٥/٥٥ ١٦ رغم انكوا بتقولوا ان الاوكتافيا فئة اكبر من الاسترا !!!!!!!!!! الخامات ممكن تكون في صالح الاوكتافيا بس فرق بسيط إنما لو قارنا الاوكتافيا ام ١٩٠ الف بالاسترا البيز لاين او الهاي لاين فاكيد خسرانة كفاية انها مبتنزلش بمسند ذراع امامي!!!!!! نظام التعليق الخلفي و الثبات تفوق ملحوظ للاسترا . طبعا صاج الاسترا اقوي من الاوكتافيا و ده بان اما واحد صاحبي معاه فانتزيا ركب معايا استغرب و قالي الباب تقيل عندك آوي عن عنده . الدليل علي كده وزن الاسترا اتقل بفوق ١٠٠ كيلو عن الاوكتافيا فاكيد صاجها اتقل. طبعا وسائل الأمان متفوقة في الاسترا عن الاوكتافيا الاسترا ستاندرد ٤ ايرباجز و esp الاوكتافيا ٢ بس. الاسترا فرامل يد كهربا من اول فئة. عايزين نقارن صح يبقي كنا نقارن الاوكتافيا التربو بالاسترا التربو و ساعتها حتلاقي ان الاسترا فعلا أغلي من الاوكتافيا بس منصور وقفها عشان سوق الانسيجنيا
ناهيك عن ان الاسترا الماني تقفيل بولندي او اتحاد أوروبي . الاوكتافيا تشيكي تقفيل تشيكي انما بلد المنشأ مش المانيا و سكودا كماركة مش ألماني عكس اوبل . انا شايف تفوق واضح للاسترا طبعا كموتور و كعزم و كامان و صاج و تعليق خلفي و شكل خارجي . يعيبها فقط التوكيل و ضيق الكنبة الخلفية. الأبعاد الخارجية واحدة في الطول. الاسترا اعرض من قدام و من ورا و اعلي كارتفاع.

الشاشة في الاوكتافيا بتنزل بس في ام ٢١٥ . فيه شاشة في الاسترا برده بس منصور لو نزلها حي رفع سعر الاسترا قوي و حتنافس في فئة سعرية اعلي و هو مش عايز كده . علي فكرة الاسترا في الإمارات أغلي من الاوكتافيا هنا في مصر بس الاوكتافيا أغلي عشان منصور منزل في سعر الاسترا عشان يبيع اكتر و أرتوك مزود في سعر الاوكتافيا عشان عارف إقبال الناس عليها الدليل علي كده ان التربو دلوقتي باتباع ب ٢١٦ و ال١٦٠٠ الموتور التعبان و الفتيس القديم بنفس التمن طب ازاي!!!! لأ و الأغرب من كده الناس بتروح تشتري الموتور التعبان و الفتيس القديم!!! شعب غريب!!! مهو يبقي أكيد هو مبالغ آوي في سعر ال ١٦٠٠ ازاي العادية بنفس تمن التربو!!! أكيد هو حرامي

بالنسبه لسكودا a7 التربو سحبها اكثر من رائع ..وعزم شديد .. بس للاسف التوكيل خوف الناس منها يوم مانزل الموتور التانى والناس ساعدته على كدا للاسف .. وبدل ما يثبت للناس انها كويسه بالتدريج ..ويروج ليها ويطمن الناس ..وحتى يعرف الناس طريقة المحافظه على الفتيس والاستخدام السليم ليه خصوصا انه فتيس عبقرى ويستاهل المحافظه والعنايه مدام بيحسسك بالقوه والمتعه فى القياده مع الموتورالتربو .. ولان فى كلام كتير بيقول ان اضرار الفتيس السابقه راجعه لسوء الاستخدام بدليل ان فى عربيات انواع تانيه فيها الفتيس كويس بعد استعمال كتير وطويل ومنها اللى حصله اضرار ..دا غير ان الفتيس كل مدى ما بيتطور وفتيس العربيه دى زى ما عرفت غير اللى قبل كدا وتم تطويره خصوصا مع الموتور الجديد التربو وده الجيل الجديد.. والتربو والفتيس dsg دا اللى نازل فى العربيه على المستوى الدولى والتوزيع الدولى هوه للموتور والفتيس دا لانه الاحدث والاكثر تطورونازل مع شكل جديد للعربيه لان الطبيعى ان الدنيا بتتطور مش نرجع لورا على قديمه طب ازاى بنركب الشكل الجديد على الحاجه القديمه اللى هيه الموتور والفتيس واللى هما المفروض الاساس والاهم مش الشكل بس .. و للاسف التوكيل عاوز يبيع بسرعه ويحقق مبيعات عاليه .. بدل مايركب الناس كل ماهو حديث وجديد بيرجع بيهم ورا على قديمه والناس للاسف عاوزه كدا وفى الاخر بتدفع بالغالى بردو فى حاجه معروف انها اضعف بالتجربه ....

المشاركة الأصلية كتبت بواسطة superdry90

الشاشة في الاوكتافيا بتنزل بس في ام ٢١٥ . فيه شاشة في الاسترا برده بس منصور لو نزلها حي رفع سعر الاسترا قوي و حتنافس في فئة سعرية اعلي و هو مش عايز كده . علي فكرة الاسترا في الإمارات أغلي من الاوكتافيا هنا في مصر بس الاوكتافيا أغلي عشان منصور منزل في سعر الاسترا عشان يبيع اكتر و أرتوك مزود في سعر الاوكتافيا عشان عارف إقبال الناس عليها الدليل علي كده ان التربو دلوقتي باتباع ب ٢١٦ و ال١٦٠٠ الموتور التعبان و الفتيس القديم بنفس التمن طب ازاي!!!! لأ و الأغرب من كده الناس بتروح تشتري الموتور التعبان و الفتيس القديم!!! شعب غريب!!! مهو يبقي أكيد هو مبالغ آوي في سعر ال ١٦٠٠ ازاي العادية بنفس تمن التربو!!! أكيد هو حرامي

كلام حضرتك سليم جدا ..