أسعار وكماليات اوكتافيا a7 1600 cc 2015

**superdry90** · 02-06-2014 05:25 PM

للتصحيح الاوكتافيا a7 الفئة الاولي مفيهاش ليد خلفي انا كنت فاكر فيها . و طبعا من غير جنوط ولا سينسورز ولامالتي فانكشن ولا مرايات ضم ولا وحدات رفع زجاج خالص ولا بلوتوث ولا شاشة ولا فتحات تكييف خلفية ولا مسند ذراع أمامي حتي يعني مسند ذراع السواق الي بيتفتح و يتحط فيه السيديهات الي موجود في اي عربية حتي الفيرنا مثلا مش موجود خالص منك للموكيت علي طول زي عربيات ال١٢٨ زمان !!!!!!!! الدركسيون و الفتيس من خامات اقل ما يقال عليها رديئة العجل طاسات ١٥ طبعا زي ما قلت مفيش نواكل نهائي في العربية لا جوة ولا برة. انا مستغرب ان اسم اوكتافيا ينزل علي سيارة بالمنظر ده! ده حتي المرايات و الأكر لونها اسود و شكلها مهين لعربية في الفئة دي ناهيك عن الموتور القديم !!!

**mo7a_mo7a** · 02-06-2014 07:21 PM

شئ محزن جداً ... لك الله يا مصر

**etsh1986** · 02-06-2014 10:12 PM

انا كنت نازل اشتري الاسترا الكوزمو بصراحة هي عربية محترمة جدا المهم عرفت ان الاوكتافيا 1600 الاتوماتيك نزلت روحت بصت عليها طارة مالتي، مثبت سرعة، مرايات ضم اشارات، كاسيت تتش بيظهر اعطال العربية الي يعبها بس انها 2 ايرباج و جنوط 16 بس طبعا اوسع من الاسترا مستريح و الاسترا طبعا في التوكيل الكوزمو عاملة 200 الف و الاوكتافيا 214 الف بصراحة هنا الواحد يراجع حسباته و يبتدي يفكر في السكودا و برضوا نحتاج رايكوا...

**CosmicOne** · 03-06-2014 01:35 PM

رأى الشخصى ان لو الأسترا وصلت 200 الف و مع ضيق العربيه و قطع الغيار النار و سمعه التوكيل يبقى الأسكودا

مع العلم انى اظن و لم اجرب ان الأسترا اثبت على الطريق من الأكتافيا

بس كمان البوليرو التاتش بتاع الاكتافيا و الخامات احسن من الأسترا بفارق ملحوظ و تكييف الأكتافيا تبارك الله قوى جداً - اقوى من السيفيك 2007 الى كانت معايا قبل كده

**Sherif Lotfy** · 03-06-2014 07:18 PM

ممكن حد يتفضل و يقول كماليات A7 الفئة التانيه اللى ب 214 الف جنيه .. انا شفتها في معرض بس ماقدرتش اعرف كل الكماليات زي مثلاً عوامل الامان و عدد ال Airbags و السماعات و كده .. و هل ممكن الموديل الجديد بما انه معمول لروسيا يكون تكييفه ضعيف ؟ شكراً جزيلاً لحضراتكم

**Moratoz** · 04-06-2014 08:04 AM

المشاركة الأصلية كتبت بواسطة sherif lotfy

ممكن حد يتفضل و يقول كماليات a7 الفئة التانيه اللى ب 214 الف جنيه .. انا شفتها في معرض بس ماقدرتش اعرف كل الكماليات زي مثلاً عوامل الامان و عدد ال airbags و السماعات و كده .. و هل ممكن الموديل الجديد بما انه معمول لروسيا يكون تكييفه ضعيف ؟ شكراً جزيلاً لحضراتكم :e_braces[1]:

الكماليات مذكورة في اول الموضوع

**JapRuleZ** · 04-06-2014 11:48 AM

معلش بس انا شايف ان الناس ناسيه ان سبب تغيير الفتيس و الموتور كان ضعف الاداء فى الاساس ... و الله يا جماعه بلاش مغامره الا لما تتأكد مل الاداء
و لو الاداء مش فارق معاكو خالص كده ... يبقى سيبك من الa7 و روح هات 316 استعمال خفيف ... ضحى بشويه كماليات بس دفع خلفى و الخ ...
او شوف ال mazda 3 2015
بعض الreviews بتقول انها ركوبه اكتر من الاكتافيا و الجيتا كمان
مجرد رأئ
هى الa7 ال 1.6 من
0-100 فى كام ثانيه ؟

**K.Ossama** · 04-06-2014 01:54 PM

المشاركة الأصلية كتبت بواسطة welsherif

انا جربت العربيتين و اقولك ان الاوكتفيا الفئة التانية تعدى الاسترا فى كل شىء كفاية المساحة و الخامات و الشاشة و الصاج و الدهان و كل كماليات العربية انت فعلا محتاجها يعنى كل جنية بتدفعه فى مكانه لايميز الاسترا غير ان شكلها شبابى اكتر

مش للدرجة دى
المقارنة مش محسومة بالشكل ده
مساحة وشاشة ماشى انما الباقى مافيش فرق تقريباً
وما تنساش الأسترا تتفوق فى أجزاء اخرى زى نظام التعليق وحساسات النور والمطر ومراية التعتيم ومقاس العجل

-

الموضوع: أسعار وكماليات اوكتافيا a7 1600 cc 2015

LinkBack

أدوات الموضوع

عرض

-

-

-

المواضيع المتشابهه

كيا سول 2015 سيارات كيا سول الجديده Kia Soul 2015

تويوتا كامري 2015 السيارات Toyota Camry 2015

سكودا اوكتافيا موديل 98 ( 1600 sr)

هيونداي سوناتا 2015 بمحرك 1600 تيربو

أسعار سكودا اوكتافيا بعد تنزيل الجمارك

الكلمات الدلالية لهذا الموضوع

المفضلات

المفضلات

ضوابط المشاركة