أسعار وكماليات اوكتافيا a7 1600 cc 2015

**Hesham256** · 29-05-2014 11:58 AM

المشاركة الأصلية كتبت بواسطة A.Adel

طقم سيور بـ 4500 جنيه ؟؟!!!!

وتيل فرامل امامي بـ 750 ويتغير كل 15 ألف !!!!!!!!
والخلفي بـ 980 !!!!!

الأسعار دي عليَّ جدا ود حاجات كلها استهلاكية كمان

أُمال باقي الحاجة بكم بقى

هو ال4500 جول إسهبال رسمي مش هعرف ابرره.
بس تيل الفرامل ده مينفعش يبقي بمعاد أصلاً.......المفروض بحالته.....يعني أنا مثلاً هلاقي التيل لسه مليان واروح اغيره عشان ال15 ألف عادو ؟؟؟؟ اكيد لأ.....لو لقيت التيل لسه مليان إن شالله اقعده 60 ألف مش هغيره لحد ميتاكل.
باقي الحاجات الحاجة اللي سئلت عليها في التوكيل كان التيرموستات (مش عارف ليه سئلت عليه بس هي جت كده) وقالي أنه ب1800

وده قبل مايغلي كمان......فهي عربية غالية كقطع غيار.
منصور بيلعبها صح يا كبير.....بيبعلك العربية مش غالية اوي زيرو......وياخد أضعاف تمنها قطع غيار وصيانات.

**Hesham256** · 29-05-2014 12:01 PM

المشاركة الأصلية كتبت بواسطة k.ossama

ايوا طبعاً
سيبك منهم وبالذات فى موضوع الزيت الxhp النصف صناعى ده. دى عالم بتهرج والله

ده اساسي يا باشا....المشكلة ان في ناس مش بتفهم في العربيات خالص وممكن يمشوا ورا كلام التوكيل علي اساس انهم يبقوا في المضمون يعني....وساعتها هيدمروا الموتور بإيديهم. فعلاً توكيل حرامي ونصاب.

**superdry90** · 29-05-2014 04:06 PM

سؤال لمالكي الفانتزيا هي العربية عندكو فيها نور الباركينج الي ممكن تنوره بعد ما تخرج من العربية بحيث نص العربية اليمين او الشمال يبقي منور ؟ هي في ال a7 بس ملقيتهاش عند واحد صاحبي معاه فأنتزيا

**Dr.medo** · 29-05-2014 06:33 PM

موجود طبعاااااااااااا

**Welsherif** · 30-05-2014 10:00 PM

المشاركة الأصلية كتبت بواسطة Dr.medo

موجود طبعاااااااااااا

معلش ازاى يشتغل

**Dr.medo** · 31-05-2014 12:43 AM

لما تشيل المفتاح و قبل ما تنزل من السياره دراع الاشاره هاته يا يمين يا شمال زى ما انت عايز

**etsh1986** · 02-06-2014 04:13 AM

يا جماعة انا كنت نازل اخلص في اوبل استرا كوزمو 2014 و سمعت ان الاوكتافيا 2015 حتنزل 1.6 اتوماتيك بدل اتربو و فتيس dsg اتوكل على الله في الاسترا و لا استنى الاوكتافيا مع العلم بالشئ ان في الاسترا حاشتري الكوزمو فيها كل حاجة لو الاكتافيا ممكن ثاني فئة الي هي حتكون 215 ايهما افضل في الثبات، التحمل، الموتور، العفش، التكيف و ايهما افضل كشكل سبور شبابي و شكرا..

**zangry** · 02-06-2014 04:51 AM

المشاركة الأصلية كتبت بواسطة etsh1986

يا جماعة انا كنت نازل اخلص في اوبل استرا كوزمو 2014 و سمعت ان الاوكتافيا 2015 حتنزل 1.6 اتوماتيك بدل اتربو و فتيس dsg اتوكل على الله في الاسترا و لا استنى الاوكتافيا مع العلم بالشئ ان في الاسترا حاشتري الكوزمو فيها كل حاجة لو الاكتافيا ممكن ثاني فئة الي هي حتكون 215 ايهما افضل في الثبات، التحمل، الموتور، العفش، التكيف و ايهما افضل كشكل سبور شبابي و شكرا..

رأيي الكوزمو تكسب افضل منها في الثبات والعفشة + شبابي اكتر + هتوفر ٢٠ الف فرق

ميزة الاوكتافيا الوسع بس

**mostafa3000** · 02-06-2014 10:21 AM

رايي الاوكتافيا تكسب الاسترا
من حيث الفخامة والاتساع والانتشار واكيد التوكيل افضل من منصور

**Dr.medo** · 02-06-2014 10:57 AM

طبعا اوكتافيا احسن توكيل افضل سعر اعاده بيع افضل و من وجهه نظرى انها اجمل و موديل مش هيغير شكله قبل اربع سنين و و كمان طبعا اسكودا اعلى من و ربنا يباركلك مهما كان اختيارك