حصر لأسباب تعطل ميجان ii

**تامر.محمد** · 29-06-2014 11:00 AM

المشاركة الأصلية كتبت بواسطة gym1974

موضوع جميل جدا استاذ تامر لى سؤال لحضرتك والاخوة الافاضل العربية صوتها عالى شوية وبالاخص بعد ما بكون راجع من مشوار بقفل الازاز وبطفى التكييف واستنى شوية اسمع صوت عالى كده زى صوت شخلله حاجة خشنة زى كده يعنى وعلى فكرة مغير كل السيور فى التوكيل وطرمبة الميه كمان العربية ميجان 2010 عداد 75 الف كيلو

متشكر :)
اللي فهمته انها شخلله على الواقف و العربية سخنة , ما حاولتش تقدر الصوت جاي منين بالظبط ؟
يا ريت لو تفتح موضوع جديد بالمشكلة

المشاركة الأصلية كتبت بواسطة ah-gawad

هو مش عطل بس الحرارة عدت النصف و انا واقف علي السلانسيه لمدة 20 دقيقية و التكييف شغال الساعة 3 ظهرا علما بان المروحة تعمل علي السرعة الثانية عادي و دائرة التبريد و منسوب المياه كله تمام . فهل ده عيب في العربية و لا الميجان عموما بتعمل كده ارجو الافادة و شكرا

لا مش عادي العربية مفروض ما تعملش كده , يا ريت تفتح موضوع جديد بمشكلتك دي و نفكر معاك ان شاء الله

المشاركة الأصلية كتبت بواسطة أسامه الحسيني

موضوع جميل
انا لسه جديد فى موضوع الميجان وشاري ميجان 2006 عداد 90000 كم (شاكك فى القرايه دي ) منذ 3 شهور تقريبا ومش رضيت تدور مرتين
1- يوم ما اشتريتها كان العربيه مش راضيه تسحب خالص ركنت على جنب وبطلت العربيه وجيت ادورها تانى ابدا مش راضيه تدور وخت بالي ان فى التابلوه كتباله 1 بجوار الغيارات فجيت اخط الفتيس على الـ p مش راضيه اتصلت بالى اشتريتها منه قالى خد الفتيس سنه علي اليمين واطلع بيه على الـ p (كان منظري فلنه ) ودارت معايا زي الفل
2- الموقف التاني انى ودتها مغسله وبعد الغسيل قعدت تطلع فى رسايل (check gear box + check injection ) وقعدت تقطع لغايه لما وصلت البيت . تانى يوم مكانتش عاوز تدور وسبتها اسبوع كل يوم اقعد افك فى الفيش وانظف فيها واركبها تانى لغايه لما ظبتت وبقت تمام

الاولانية بتاعتك طبعا , عارف انا الخضات دي خصوصا مع سمعة العربية ههههههههه
التانية من الحاجات السخيفة موووت , كان الله في عونك

المشاركة الأصلية كتبت بواسطة moratoz

http://www.nilemotors.net/nile/12198-a.html

ياااااااااااااه , انا الموضوع ده قريته من 3 سنين مثلا
اضافة رائعة بجد

**تامر.محمد** · 09-07-2014 02:40 PM

المشاركة الأصلية كتبت بواسطة airfox

و الله فيه مشكله مش فاهم ايه سببها التكييف بيبقي شغال كويس علي سرعه 3 لما بحاول اجيب البكره علي سرعه 4 التكييف يفصل فا ريت حد يفيدني ايه نوع المشكله ديه

على حد علمي السرعة الرابعة لها مكون خاص بيها بس مش عارف بالظبط , ارجو تفتح موضوع جديد بمشكلتك

**airfox** · 10-07-2014 11:28 AM

المشاركة الأصلية كتبت بواسطة mohammedaladel

مشكلة كهربائية بدائرة المروحة وليس التكييف وموجودة عندى

طب ايه الحل بتاعها و يتكلف كام ؟ و هل هتأثر في حاجه لو ما اتعاملتش

**MohammedAladel** · 10-07-2014 05:34 PM

ممكن تغيير مقاومة ...وممكن تكون المروحة قربت تبوظ

**MohammedAladel** · 10-07-2014 05:35 PM

ومش هيأثر على حاجة لا تقلق

**أسامه الحسيني** · 30-07-2014 02:50 PM

http://www.nilemotors.net/Nile/432722-a.html

**ehab gamal** · 30-07-2014 04:38 PM

بالنسبة للميجان 2014 في اعطال ظهرت فيها ولا لسة الحمدلله

**Fancy_man22** · 30-07-2014 05:09 PM

معايا ميجان 2008 عامله 115000كم كنت قادم الى القاهرة من الاسماعيليه الطريق كله واخدة على 160:180 وبعد م عديت العاشر لاحظت ان نور abs غمال ينور و يطفى مع لمبه السيرفس ف مهتمتش المهم كنت رايح مستشفى المقاولون العرب ( الجبل الاخضر ) وانا معدى من قدام مسجد رابعه لاحظت ان لمبه abs بتنور وتطفى كتير جدا و بعدين الدريكسون بدأ يتقل اوى ف ايدى و الفرامل تحجر المهم و صلت لغايه اللفه الى عند الجبل الاخضر و يدوبك لسه هقول حمد لله على السلامه هوب لاقيت فرح ف العربيه انوار كتير عماله تنور وتطفى المساحات عماله تشتغل لوحدها و الاشارات و النور الوسط و جميع الانوار الى ف التابلوه نورت و طفت و هوب العربيه سكتت خالص يهديكى يرضيكى مفيش وصلت بطاريه تلقط كهربا بس مش قادرة تدور المهم عرفت انها بطاريا وعلشان انا شغال فى شركه تأمين محترمه ف الحمد لله انهم عملين وسيله قطر السيارة فى حاله العطل مجانا وطبعا اتصلت بطارق الى ف الهرم و حكتله نص الحكايه راح هو مكملهالى و قالى هاتى العربيه انا عرفت الى فيها راحت جت شركه القطر خدت العربيه لغايه طارق مجانا ( عجبانى اوى حكايه مجانا دى ) و قالى بص ياباشا دا ديناموا بطاريه باظ الدينمو مالوش حل غير انك تركبلو كتاوت جديدة ودى كمان مش موجوده من هنا لهنا اتصل بواحد و جاب كتاوت فاليو فرنساوى و ركبها و مخدش منى مصنعيه تركيب كمان علشان كانت الكتاوت غاليه جدا و انا يعتبر من صحاب الورشه :]
وبس دى كانت المرة الوحيدة الى العربيه عملتها معايا
وشكرا

-

-

مشاهدة نتائج الإستطلاع: هل تعطلت ميجان2 الخاصة بك او رفضت ان تدور ؟

الموضوع: حصر لأسباب تعطل ميجان ii

LinkBack

أدوات الموضوع

عرض

-

-

-

-

-

المواضيع المتشابهه

الكلاكس تعطل

هام جدا عند تعطل في دائرة الشحن.

الكلمات الدلالية لهذا الموضوع

المفضلات

المفضلات

ضوابط المشاركة