حصر لأسباب تعطل ميجان ii

**goudzy** · 12-08-2014 06:26 PM

الفيوز العمومى اللى فوق البطارية
فلتر البنزين طلع من الخرطوم
كويل ضرب

**aymandy20** · 14-08-2014 10:49 AM

المشاركة الأصلية كتبت بواسطة fancy_man22

معايا ميجان 2008 عامله 115000كم كنت قادم الى القاهرة من الاسماعيليه الطريق كله واخدة على 160:180 وبعد م عديت العاشر لاحظت ان نور abs غمال ينور و يطفى مع لمبه السيرفس ف مهتمتش المهم كنت رايح مستشفى المقاولون العرب ( الجبل الاخضر ) وانا معدى من قدام مسجد رابعه لاحظت ان لمبه abs بتنور وتطفى كتير جدا و بعدين الدريكسون بدأ يتقل اوى ف ايدى و الفرامل تحجر المهم و صلت لغايه اللفه الى عند الجبل الاخضر و يدوبك لسه هقول حمد لله على السلامه هوب لاقيت فرح ف العربيه انوار كتير عماله تنور وتطفى المساحات عماله تشتغل لوحدها و الاشارات و النور الوسط و جميع الانوار الى ف التابلوه نورت و طفت و هوب العربيه سكتت خالص يهديكى يرضيكى مفيش وصلت بطاريه تلقط كهربا بس مش قادرة تدور المهم عرفت انها بطاريا وعلشان انا شغال فى شركه تأمين محترمه ف الحمد لله انهم عملين وسيله قطر السيارة فى حاله العطل مجانا وطبعا اتصلت بطارق الى ف الهرم و حكتله نص الحكايه راح هو مكملهالى و قالى هاتى العربيه انا عرفت الى فيها راحت جت شركه القطر خدت العربيه لغايه طارق مجانا ( عجبانى اوى حكايه مجانا دى ) و قالى بص ياباشا دا ديناموا بطاريه باظ الدينمو مالوش حل غير انك تركبلو كتاوت جديدة ودى كمان مش موجوده من هنا لهنا اتصل بواحد و جاب كتاوت فاليو فرنساوى و ركبها و مخدش منى مصنعيه تركيب كمان علشان كانت الكتاوت غاليه جدا و انا يعتبر من صحاب الورشه :]
وبس دى كانت المرة الوحيدة الى العربيه عملتها معايا
وشكرا

اسمها ايه شركة التأمين دي لعلنا نستفيد كلنا

**Ahmed H Megane** · 14-08-2014 01:48 PM

بص يا جماعه انتو فاضيين شويه :D
مره طرمبه بنزين
ومره وصله البنزين من تحت اتقطعت
ومره حساس كرنك
ومره فيشه طرمبه بنزين
وكذا مره بقا Chek GearBox :D
ده بقا قعد معياا كتير صلحته كذا مره واغير زيت واظبط الدنيا ويمين ويجبها تاني
حساس ضغط selonide
مش فاكر ايه تاني .. بس هي حظي معاها كان وحش اوي
بس ناوي تاني اجيب غيرها يعني بعد ما اتباعت .. هو انا مكشفتش كويس وانا بجبها
واصلا بقا كانت نصين وطلعت ملحومه 3 قطع :D وده الي فاجأني الصراحه بس الحمد لله

**Ahmed H Megane** · 14-08-2014 01:51 PM

واه .. :d
موديل 2005 a/t
هاتش باك .. وكنت عاملها استيكر نيكل الميجان الوحيده في مصر .. عشان لو حد من المعادي .. اكيد هيعرفني :d
اه .. الي كت من برا هالله هالله ومن جوا يعلم الله دي بتاعتي :d
وكنت بصلح برا مش توككيل في صقر قريش

**تامر.محمد** · 14-08-2014 02:06 PM

اشد مشاركة شفتها من ساعة ما دخلت القسم ده

:d :d :d :d

**باسم فاضل** · 15-08-2014 03:52 PM

عندى سياره ميجان 2008 اتوماتيك ...ممكن اسأل لماذا سعر بيعها متدنى جدا...وايه احسن نصيحه لبيعها...ممكن افادتى

**Ahmed H Megane** · 15-08-2014 10:17 PM

المشاركة الأصلية كتبت بواسطة باسم فاضل

عندى سياره ميجان 2008 اتوماتيك ...ممكن اسأل لماذا سعر بيعها متدنى جدا...وايه احسن نصيحه لبيعها...ممكن افادتى

بص حضرتك هو سعرها ميقلش عن 75 ده كمان لو مش بانوراما ومثب سرعه وجنوط
لو في الرينج ده او اقل من كده .. لأ خليها احسن :) .. بس برده لو بدأت تخش فمصاريف كتير فجأه وسوري في الكلمه فتحت بؤها .. لأ في الميجان الموضوع ده لو جابت اقل من 75 بيع عشان هي قرصتها وحشه .. اسمع كلام اخوك :d مدوباهم 2 :d وبالنسه لموضوع ازاي تبيعها .. احسن طريقه عن طريق التوكيل .. خيجيلك ناس كويسه تشتريها مش واحد غريب جاي يموتلك فسعرها وخلاص وكمان عشان التوكيل بيكون عامل ريبورب للعربيات الي عنده فكل بيطمن لموضع السيلز ده من هناك .. واظن ان في سيلز في فرع المقطم علي ما اذكر بس الافضل كلمهم امتأكد

**أسامه الحسيني** · 17-08-2014 09:14 AM

المشاركة الأصلية كتبت بواسطة باسم فاضل

عندى سياره ميجان 2008 اتوماتيك ...ممكن اسأل لماذا سعر بيعها متدنى جدا...وايه احسن نصيحه لبيعها...ممكن افادتى

على الفيس بك فى واحد باع 2005 على 70 الف وكانت عامله 150 الف كم بس كل صيانتها فى التوكيل ومحافظ عليها وحاطط فيها شاشه وسنسور بارك وحركات
الخلاصه العربيه الى متحافظ عليها بتجيب سعر كويس
وفى عربيات من بره هلا هلا ومن جوه يعلم الله هى دى الى سعرها متدنى

**باسم فاضل** · 23-08-2014 08:06 PM

سيظل هذا السعر استثناء عدا هذا فلا يمكننا الا ان نعترف ان سعر اعاده البيع للميجان متدنى حتى فى احسن الاحوال مقارنه بالماركات الاخرى...الف شكر للرد والاهتمام