الموضوع: سيارة رينو تتسبب في حروق من الدرجة الاولي !

المشاركة الأصلية كتبت بواسطة Mohamed.Hany

لكل اصدقائي الذين تابعو قصة سيارتي )‫#‏رينو‬.‪#‎Renault‬‫#‏كلي و‬( التي تسببت في حرق قدمي حروق من الدرجة الأولي وتقريباً كنت هاموت انا وعيالي ومراتي (لولا حماية الله لنا) دعوني اكمل لكم القصة، هي طويلة شوية بس ممكن تنقذ حياة ناس كتير.: القصة بدأت بأني اثناء سواقتي عربيتي ماركة رينو كليو موديل 2003 في اول نوفمبر الماضي فوجئت بصدمة قوية جداً في قدمي، وقعدت اصرخ من كتر الألم، طبعاً مراتي وعيالي اترعبوا وقعدو يصرخوا معاي وهما مش فاهمين انا بصرخ هزار ولا جد بس تضامنو معي. وبعد عدة مناورات وانا رجلي محروقة ومن قوة الصدمة مكنتش عارف ان كانت صدمة كهربائية ام ميه مغلية انفجرت في قدمي، بعد لحظات من الصدمة سيطرت علي العربية ووقفت وعرفت انها مياه مغلية انفجرت في رجلي جوا العربية، متستغربش ايوه جوا العربية. اتصلت بطبيب صديق وشرحت له الوضع فوصف لي الادوية المطلوبة. المهم تاني يوم وانا قاعد في البيت ومش قادر اتحرك طبعاً اتصلت بالأهل والأصدقاء احكيلهم عن اللي حصل فكانت ردود افعالهم زي حضراتكم كده بالظبط؟؟ يالا الهول، ميه وبتغلي جوا العربية؟ طب ازاي. واحد من أصدقائي المدئرمين اللي كل حياتهم عربيات، قاللي معلش يا برنس هي جات فيك، هي كل العربيات الرينو بتعمل كده. اتاري السر في ان الشركة العبقرية اللي بتصنع الرينو عامله السربنتينا (المشع) بتاع التكييف السخن جوه صالون العربية وبالظبط جنب دواسة البنزين لزوم التدفئة بالشتاء!!! المهم ان ده حصل وبدون اي مقدمات وانا مواظب علي الصيانة. وحتي ولو مش مواظب علي الصيانة الجزء ده من العربية مش موجود كجزء من الأجزاء اللي لازم تتغير اثناء الصيانة الدورية. طبعاً انا ورجلي بالحروق اللي شفتوها مقدرتش اتحرك من البيت لعدة ايام. قلت لنفسي انا مش هاسكت لان ده عيب تصنيع (او عيب تصميم) رهيب ممكن يتسبب في قتل اي حد. رحت دخلت علي موقع شركة رينو الدولي وكتبت شكوي. بعدها بأربع خمس ايام اتصلو بي بتوع شركة رينو هنا في مصر (‫#‏المصرية‬.‫#‏العالمية� ��.‫#‏للسيارات‬‪#‎EIM‬)) وطلبو رقم الشاسيه بتاع العربية، قلت في نفسي دا باين عليها شركة محترمة وشكلها هتعمل حاجة. اديتلهم الرقم وبعدها بيومين اتصل بي مدير الصيانة بالشركة (مهندس يحي خليفة) ، المهم المهندس يحي سألني ايه اللي حصل، حكتله،. اوم ايه يقولي وايه يعني اللي حصل؟؟ ماهي ديه مشكلة معروفة في العربيات الرينو وبتحصل كتير؟؟؟ قلتله بس دا ممكن يتسبب في موت ناس؟؟ قالي لا مش بيحصل لأن الناس بتلغي التكييف السخن في العربية و يا دار مادخلك شر؟؟ بالسهولة ديه؟ وقالي احنا ممكن نصلحها لك ونعمل خصم بس انا منصحكش تعمل كده لأن الموضوع دا ممكن يحصل تاني؟؟ يانهار أسود ومطين بطين؟ الراجل بيعترف انه الموضوع معروف وبيحصل وهما مش فارق معاهم؟؟ قلت له دا كلام خطير و غير مقبول وانا هاصعد الأمر، قالي براحتك؟ كتبت للشركة في فرنسا تاني وحكيت لهم اللي حصل، تاني يوم جاي تليفون من شخص مختلف المره ديه، الأستاذ.‫#‏حسام_شهاب‬.مدي� � خدمة ما بعد البيع في الشركة العالمية للسيارات #EIM ، والحق يتقال الراجل بتاع مبيعات بجد، بيتكلم بمنتهي الذوق والأدب. المهم علشان مطولش عليكم الراجل قاللي انت عاوز ايه واحنا تحت أمرك؟ قلتله ان الشركة تعترف ان دا عيب تصنيع وتعمل استعادة لكل سيارات الكليو وتصلح العيب. قالي دا مش ممكن يحصل وان دا مش عيب تصنيع واحنا ممكن نعوضك؟؟ قلتله ازاي، قاللي تختار عربية جديدة؟؟ تعالى اختار عربية جديدة بدل القديمة واحنا هنعمل الازم؟؟ رحت فعلاً الشركة في ابو رواش واستقبلوني استقبال الملوك وبعد ما اتفرجت علي العربيات اخترت واحدة. بعده بأسبوع اتصلو بي وقلولي العربية جاهزة وهنعملك خصم 4000 جنيه؟؟ طبعا انا مبعرفش اشتم فسكت وقلت له شكراً. كلمت الشركة مرة تاني في فرنسا وهي ديه الحاجة اللي بتخليهم يتصلو بي فوراً. تاني يوم فعلاً جالي اتصال من حسام شهاب مرة تانية وقالي: ياأستاذ عماد اصل انت اخترت عربية غالية وأحنا منقدرش نعمل تخفيض اكتر من كده؟؟ اختار عربية تانية؟ قلتله ماشي وأخترت عربية ارخص، بعد اسبوع انتظار اتصل بي النهاردة وقالي معلش الخصم انخفض ل 3000 جنيه، طبعاً انا افتكرته بيهرج بس قالي معلش هو دا كل اللي نقدر نعمله؟؟ طبعاً بين كل مكالمة والتانية اسبوع وايملات بيني وبين الشركة في فرنسا وتسويف ووجع قلب وقرف. وهكذا انتهت القصة ايها الأصدقاء. شهرين من وجع الدماغ والأيملات والتليفونات والزيارات وفي الأخر 3000 جنية خصم علي العربية؟ انا ومن خلال هذا البوست وهو اطول بوست اكتبه في حياتي بحاول احذر الناس من العربية الرينو وماقد يحدث لمن يمتلكونها. احذرو فالرينو بها سم قاتل لك ولمن معك. ولاعزاء لحسني النية مثلي من صدقوا ان من الممكن ان شركة سيارات محترمة قد تعترف وتتحمل مسؤليتها. ولكن هيهات. انشرها بقدر كرهك لتوكيلات السيارات وخوفك علي عيالك.


الكلام منقول من صفحة صاحب العربية علي الفيس بوك

سؤال صغير جه في بالي لما كتب ان التوكيل بيقول ان ده موضوع عادي و معروف في عربيات الرينو كلها بتاع ااتكييف السخن ، مش هي دي المواسير اللي كان بعض الاعضاء ملاك الفلوانس مصورنها عند دواسة البنزين و بيشتكو انها بتجيب سخونية و صهد ، حد عنده معلومة ؟؟؟

بشمهندس محمد هانى
طبعاً بغض النظر عن القصة نفسها و ان احنا بنسمعها من ناحية واحدة فقط (ناحية صاحب المشكلة)....طبعاً لا أعتقد و بفرض ان الكلام ده بيحصل فعلاً فى كل العربيات الرينو و انا مالك ليهم من 2001 و لكن بفرض حدوثه....لا أعتقد ان شخص مسؤول من توكيل المفروض الشركة الأم مفوضاه يحل المشكلة يعنى نتوسم فيه اللباقة فى الرد انه يرد رد ساذج كده ميردوش صبى بليه فى ورشه " اه دى مشكلة معروفة و بتحصل فى كل الرينو و احنا عارفين و مش مشكلة الناس تتحرق!!!!!"
يعنى انا شخصياً شايف ان الرد من السذاجة انه يكون طالع من توكيل
و طبعاً هدى حضرتك مثال على كده: كلنا عارفين ان فيه مشكلة نقص زيت الفلوانس و لك ان تتخيل مدى علاقتى بالتوكيل و معرفتى بيهم واحد واحد و انا معدنيش المشكلة دى الحمد لله و مع ذلك لما باجى افتح معاهم السيرة بلاقيهم بيقفلوا الموضوع و ينكروه على طول...نفس الموقف ده برده حصل مع زميل فاضل هنا و قالوله ان الموضوع نادر الحدوث

النقطة التانية ان ديزاين المواسير السخنة اللى بتعدى تحت الرجل ده ديزاين مش حصرى لرينو.....ده موجود فى كل العربيات و لو حضرتك بصيت بصة فى قسم كيا و هى المدرسة الأسيوى من السيارات هتلاقى اكتر من عضو معلق برده على موضوع السخونية اللى جاية من تحت و التى تقل بتشغيل التكييف

الحمد لله انا شخصياً معنديش هذه المشكلة و لكن اقصد ان الفكرة نفسها مش اختراع حصرى برينو و لكنه موجود فى اغلب السيارات

النقطة التالتة اللى انا عملتها علشان اكون ايجابى و هنفرض ان كلام مهندس التوكيل بالرغم من سذاجة الرد سليم.....فأنا عملت بحث فى الانترنت عن هذه المشكلة او اى. Recall خاص بهذه المشكلة ( لاحظ ان الكليو موجودة من قبل سنة 2000 و انا شخصياً املك موديل 2001) يعنى بنتكلم فى فوق ال15 سنة و لم اجد اى اثر لهذه المشكلة فى اى حتة فى العالم ناهيك عن عدم ذكرها و لو مرة واحدة فى هذا المنتدى من كل ملاك الكليو و ما أكثرهم و العربية دى اتباعت لاكتر من ايد و اتعمل فيها شغل ورش زى ما انت عايز و مع ذلك لم يذكر عضو واحد فقط اى شىء بخصوص هذا الشىء

انا برده هسأل التوكيل ان شاء الله فى اقرب زيارة و اقول لحضرتك على المشكلة من جهتهم هما علشان يكون الحكم محايد

طبعاً انا لا انفى حدوث المشكلة و لكن لم اجدها فى اى حتة فى العالم سواء للكليو الهاتش باك اللى مغرقة اوروبا او الكليو السيدان و مفيش اى recall خاص بهذه المشكلة طوال اكتر من 15 سنة مما يؤكد انها مشكلة فردية بحتة

تحياتى