الموضوع: تسعير الجيب رانجلر

انا مع حضرتك ان معظم اللى معاهم دفع رباعى هايبيعوا الفترة الجاية .... و فيه ناس مشغولة علشات رمضان
خصوصاً بعد زيادة البنزين المتكررة لاو كمان يبقى فى احتمال تحديد كمية البنزين مع الكارت المدعم ، الحكومة بتفكر ازاى تمص الشعب المصرى و ظروف البلد بتحكم علينا حاجات فلازم تنازل عن غير الضروريات.

من الواضح برغم ان عربيت حضرتك كانت موديل قديم الاانها كانت بتصرف كتير يعنى 1700ج فى طقم الدبرياج بالتركيب كتير جداً ، دا انا مغيره فى 128 ب 300 ج و كنت ساعتها مستكترهم لانى كنت قاطر العربية ب 150ج
فالواضح من كلام ساعدتك ان قطع الغيار هتبقى غالية و المصنعية غالية.

أما وجهة نظرك الشخصية فهى تحترم طبعاً خصوصاً ان حضرتك كان معاك شيفروليه و هى من العربيات الامريكنى الضخمة.
الكرايسلرا فعلا غالية اووى و مبالغ فيها و فى قطع غيارها لا و كمان واطية ..تحس انها بتاعت الصفوة.
الدودج مش عارف انتشرت له الايام دى اووى الدبل كابينة و انا شايف انها غول بنزين على الفاضى لا و عربية تقيلة اووى فى الراملة مش بحبها زى حضرتك.
الفورد انا مع حضرتك بس هى حسب الاستعمال انا معايا عربية استعمال طبيبة و حالتها كويسة و الحمد لله و طول ماالواحد بيصرف على العربية و بيركب قطع غيار غالية اصلية فيها هاتتحمل و عمرها هايطول انا معيا موديل 2001 يعنى بقاللها اكتر من 13 سنة مش 10 بس زى ماحضرتك قولت( الفورد فى منه التقفيل الالمانى و فيه منه الاسبانى ) لا و كمان الفورد تكنولوجيا امريكى مش صينى ، طب التيجو الى ناس بتشكر فيها دى عمرها اد ايه ؟؟؟

اما الجى أم فلا غبار عليه دى مش عربية بنى أدمين أصلا دى دبابة و انت ماشى بيها الكل لازم يوسع لك و يرفع القبعة .
يتهياللى دى زى عربية حضرتك ؟
https://egypt.dubizzle.com/ar/cairo/...NlJnBhZ2U9MQ==

مكنتش أتخيل ان الرام معقدة كدا و كمان غالية اوووى و أكيد طبعاً مش أى ميكانيكى يشتغل فيها و لو لاقيت الميكانيكى بتاعها اكيد هيبقى باشا ،
الفورد (الاكسبلورر و الاكسبيدشن الايدج ) فعلا قطع غيارهم ممكن متكنش معمرة بسبب الحساسات اللى فيهم عاملين كدا زى الجيب شروكى و يتهيالى مش بتوع صحراء ممكن يغرزو تحس انهم ترفيه اوووى ، اما المونديو و التروس مش فور باى فور و مواتيرهم عالية مش عارف له و يتهايللى عشان هما مصميين للسفر اكتر .

اذا ربنا اراد هأركبها انا معرفش بكرة فى أيه بصراحة ، بس يتهيألى انك كنت بتوقف للناس دى عشان حضرتك محترم ، معظم الناس هنا واخدة السواقة عافية و عضلات و اللى معاه دبابة زى دى مفتكرش حد من بتوع الميكروباص هايكسر عليه و لا حد يستخف دمه و يعدى من على يمينه لانه ساعتها هايزعل اووووى.

طبعاً السعر مبالغ فيه جداً جداً هو فاكر نفسه راكب هامر دى موديل 1981 يعنى مستهلكة اوووى حتى لو حالتها نضيفة ، دا بالتمن ده أشترى جيب شيروكى 99 اتومتيك و فول أوبشن.

المشاركة الأصلية كتبت بواسطة ahmed_eng2001

الرام مش غالية و لا حاجة ... سعرها قرابة ال 350 الف علشان بتترخص نقل ... و فيه كلام كتير انها حتترخص ملاكى ... و كدة سعرها حيزيد جدا لأنها حتدخل فى فئة تانية فى الجمارك

انا اتعاملت مع ميكانيكية مش بتفرق معاهم نوع العربية الى بيشتغل فيها .... رام ... بورش ... لمبورجينى حته .. مش فارق .. و ميكانيكية محترفين فعلا

و الحساسات الكتير دى حاجة مش بتعجبنى ... انا بعتبرها نقطة ضعف فى السيارة اكتر منها نقطة قوة


الوضع مختلف لما تكون راكب عربية كبيرة ... عن و انت ماشى جنب عربية كبيرة ....

الناس بتاخد غرز و بتعدى من يمينى عادى جدا ... و انا مش بتضايق فى اغلب الاحوال

و لا اذكر انى اتعصبت غير مرة واحدة فقط .... و كانت من عربية لاند كروزر ..... رمى عليا جامد و لما اديته كلاكس .. مكانش عاجبه و فضل يشوح بايده من الشباك ...... و نظرا لحساسيتى من اللاند كروزر ..... انا رميت عليه و كنت فعلا ناوى اخبطلوا عربيته و الى يحصل يحصل

الى حضرتك ذكرته مظبوط الى حد ما ..... بمعنى ....

انا بحاول اخد بالى جدا و انا ماشى ... و لا اقترب كثيرا من العربيات المارة بجانبى ... و لو مش متأكد من المسافة .. اقف و انتظر لما العربية تمشى .... مش مشكلة ...

سواقين الميكروباص محترمين جدا معايا ... الى بيضايقنى فعلا و انا ماشى .... سواقين التاكسى ... قمة اللامبالاة
انما ...اخطاء الغير ... حتى الان ... انا بعيد منها بعض الشيئ ...

مثلا .... ميكروباص 24 الكبير ... كان امامى ... و واقفين على الدائرى .. و عربيته اتحركت بالراحة عليا .. و انا واقف وراه ... اديته نور و كلاكسات .. و هو مش دارى طبعا ... لغاية لما خبط فيا ... انا فى منتهى هدوء الاعصاب و طلعنا من الموقف ده حبايب

حصل نفس الموقف و انا راكب عربية سيدان ... كنت بتنطط فى العربية و مش لاقى صرفة كلاكسات و نور ... لغاية ما ربنا كرمنى و السواق حس بالكلاكسات و لحق عربيته

انا بحكى لحضرتك الكلام ده علشان انت كمان حتعمل كدة لما ان شاء الله تركب عربية عالية
علشان فيه ربنا ... و هو مطلع علينا


سعر البليزر دى مبالغ فيه علشان هو مش حاطط حاجة مميزة .... يعنى انا شفت بليزر زى دى بتتباع ب 300 الف جنيه

صاحبها كان مركب موتور و الات جر التاهو موديل السنة ... واخد من البليزر بس الشاسيه و البودى

و السعر ده فعلا ممكن يجيب شيروكى موديل قريب من ال 2000 .... على فكرة ... نقلا من بعض الميكانيكية و نقلا من صديقى .... و بأقل من السعر ده كمان

ابعد فى الشيروكى عن موديل 2001 ( تقريبا الى مفتاحها مشفر ) .... موديلات التسعينات كويسة

لا بصراحة الرام غالية https://egypt.dubizzle.com/ar/cairo/...NlJnBhZ2U9MQ==
بس فعلا لو تأرخصت ملاكى هتقلب الموازين بس انا مش بحبها و شايف الاند كروز برقبتها و التكنولوجيا العالية اللى جوا مش بتكون كويسة فى الصحرا و على مأعتقد محدش بيحب يوجع دماغه فى الحاجات المعقدة لان مش شرط ان اللى بيسواقها يكون متعلم و مهندس ميكانيكا عشان لما تقف يعرف يتعامل معها ،مفيش أحسن من البساطة ، حتى أستاذ مينا كان بيقول ان العربيات الكربيرتير افضل من الانجكشن فى الصحراء.

،بالنسب للحساسات الكتير فى العربية انا مع حضرتك دى مشكلة كبيرة يعنى مثلا حساس الكرنك فى الشيروكى لو ضرب يوقف العربية و تغنى ظلموا.

الواضح ان حضرتك محترم أووى فى سواقتك و هادى لاعصاب و الظاهر كمان انك بتسوق كويس سواقة محترفين ، ان سواق راكب توك توك او عربية فور بى فور بالالتزام بحارتى المرورية و مش بستعفى على الناس و لو حصل انى كسرت على حد بيبقى مش قصدى ممكن عشان افادى حد بس مش اكتر

بس البليزر موديل 1997 عاملة كام 68000 الف بس
و موديل 2005 عاملة كام 185000ج و شوية تضبيطات عليها قول 35000ج قول الاجمالى 22000ج و تركب عربية ملهاش حل دبابة تحارب بيها فعلا......ههههههههههه.

انا مستبعد الشيروكى من حساباتى انا افضل الرانجلر فى الجيب أكتر منها و افضل التويوتا كروز عنهم الاتنين بس للاسف التويوتا غالية اوى مش قدر عليها .
هو حضرتك له بعت عربيتك الفور باى فور و ركبت سيدين و ايه شعورك دولاقتى و حضرتك و انت كنت عالى على الارض و بتبص للعربيات من فوق هل حاليا متقبل الوضع ده عادى و لا ايه ؟؟

المشاركة الأصلية كتبت بواسطة ahmed_eng2001

دى صورة الرام الى طلعت عنينا فى الصحراء .... عام 2010


مشاء الله ليها حق تطلع عنيكوا :d
و مع ذلك ...

دى صورة لعربية سييرا ... موديل 2010 ... كانت عاملة نصف مليون كم ... و العربية كانت بتجيب 160 كم/ساعة ... و باظت مرتين ... الكومبيوتر بتاع الفتيس باظ .. و احتاج انه يعاد برمجته
و العربية حالتها جيدة جدا



فعلاً لاغبار على جى ام و خاصة السيرا بس الى مستغرب له عربية عاملة نص مليون كيلوا و حالتها جيدة جداً دى وحش على الطريق على كدا مع أنها مش منتشرة فى مصر زى الرام.
يتهياللى لو عربية صينى مكنش الكوميوتر بتاع الفتيس بس اللى باظ بعد نص مليون كيلو كنت أكيد هترمى العربية و تجيب عربية تانية.

انا شايف حضرتك متحيز للجى أم عشان عربيتك ولا ايه مع أن العربيتن أمريكى و مواتير عالية و استهلاك بنزين عالى برضوا. :d

كل ما التكنولوجيا قلت فى العربية .... بتكون اكثر اعتمادية ... بس كل ما زادت بتدى العربية استقلالية فى الاداء ...
انا اتكلمت مع مينا قبل كدة فى موضوع الكاربراتير ده .... و هو رايه ان لو نظام الانجكشن باظ فى الصحراء .... او حساس باظ لأى سبب .. العربية وقفت منك ..... انما الكاربراتير ممكن نلاقيله صرفة ان شاء الله
انا قريت الموضوع ده فعلاُ و التحليل كان هايل .


الشيروكى فيها حساسات كتير ... و بالمناسبة ... موتورها زى موتور الرانجلر التسعينات ... نفس الموتور ال 4000 سى سى
فعلا الحساسات دى فيها مشكلة كبيرة فى الفور باى فور ،،انا مش هافكر اركب رانجلر الا إذا لاقيت حاجة كويسة اوووى و سعرها حلو غير كدا مش هاقدر انا فعلا اقتنعت بأراء حضرتك جداً

البلبزرات اسعارها بتختلف حسب امكاناتها .... فيه ناس مركبة غاز ... و ناس مركبة مواتير ديزل .... و ناس مسقطة مواتير احدث و هكذا ...


دى طلعت زى الرانجلر بيتغير مواتيرها عشان كدا أسعارها مش ثابتة بس يتهياللى الموديلات القديمة لازم ترخض شوية.
من مجرب .... الحجم الكبير فى العربية عيب مش ميزة ... امكانية الاصدام اكبر بكتير .... و بعدين فيه شوارع مش حينفع تدخل فيها خالص


مكنتش أعرف انها مش ميزة بس على مأعتقد حلوة فى السفر؟؟

مشكلة اللاندكروزر الازلية ..... غالية اوى ... ربنا يوعدنا
اللهم أمين عربية فعلاُ محترمة اوووى و محدش عمره سب فيها صاحب الشركة اللى انا شغال فيها عنده واحدة ربنا يبارك له فيها و يوعدنا بواحدة زايها جايبها كسر الزيزرو 18000 كيلو بس مشاء الله و لا الجديدة

انا لسة معايا البليزر ... مبعتهاش و مش بفكر ابيعها ....
كويس و الله تمسكك بيها ده فى حد ذاته مهم جداُ،،ربنا يبارك لك فيها و يحرسها لك ، ياريت لو تكلمنا حضرتك عن العربية شوية كام سى سى بنزين و لا ديزيل أيه اغلى حاجة فى قطع غيارها ، قطع الغيار متوفرة لجى ام عامة و لا لا ، الميكانيكيا اللى بيشتغلوا فيها فى شارع شامبليون بس و لا فى حد تانى ، و ياريت لو فى صور لحضرتك بيها فى الصحراء ، بس حضرتك اشتريت العربية دى عن أقتناع و لا حد من قرايب حضرتك كانت معه و خدتها منه ؟؟.

الى بيركب عربيات عالية مش بيحب يركب عربيات سيدان تانى .... العربية السيدان دى بتاعة والدى ... و بالطبع هو مش بيحب يركب البليزر ... و لا مراتى ... و لا اخواتى ... محدش بيحب يركبها غيرى انا .... و اولاد اختى الصغيرين :)

أكيد طبعاً عشان كدا أنا استغربت اوووى ان حضرتك تانى عربية لك سيدان بس حضرتك وضحت لى الصورة دولاقتى،، فعلا كل عربية و لها المعجبين بيها و اللى بيحب يركبها، بس يتهياللى بعد ركوب عربية عالية عن الارض و خاصة الفور باى فور صعب ان يركب سيدان بعد كدا.