الموضوع: تسعير الجيب رانجلر

المشاركة الأصلية كتبت بواسطة ahmed_eng2001

انا مش فاهم موضوع قطع الغيار ده كمان .... و نفس الحال فى السعودية

عشان كدا العربية تمنها رخيص مقارنة بباقى العربيات اللى فى الفئة بتاعتها.

مينا ... ربنا يرجعوا بالسلامة .... باع الرانجلر و اللاند كروزر قبل ما يسافر
خسارة بصراحة كانت عربيات ملهاش حل بجد، ربنا يرجعوا بالسلامة
ان شاء الله حرفع صور للشغل فى العربية .. لما النت يرجع تانى ان شاء الله
ان شاء الله دا مستنى اشوفها على فارغ من الصبر ، انا يتهياللى لو انا ماشى جنب حضرتك مش هتشوفنى :c_laugh[1]::copy of new::c_laugh[1]:

الى فى الصورة دى اخر الرجال المحترمين .... شيفروليه يوكن ... الموديلات الى بعد كدة اخف وزنا ... و شاسيه اخف
الغريب ان العربية دى تمنا 150 الف جنيه !!!!!! قريبة من تمن اللاند كروزر

انا شفتها راكنة اتخضيت من شكلها عربية مشاء الله كبيرة اووووى و ضخمة و اكبر من اللاند كروزر بكتير بس مش منتشرة للاسف و يتهياللى قطع غيارها مش متوفرة زى اللاند كروزر.

المشاركة الأصلية كتبت بواسطة ahmed_eng2001

انا معرفش حاجة عن قطع غيار اليوكن ... بس اعتقد انها ممكن تكون موجودة ... علشان الموديلات الاحدث منها موجودة ... و الاقدم موجودة ... بس انا معنديش معلومات مؤكدة

ان شاء الله اصور الشغل الى فى العربية و ارفعه

ياباشا ان شاء الله هأستنى من حضرتك الصور بسرعة و ياريت من الداخل و الخارج

المشاركة الأصلية كتبت بواسطة ahmed_eng2001

دى صور للسقف و البارومة الى لقيتها بعد ما كسرت قشرة سميكة من المعجون
يأخى العزيز دى كبيرة اووى كويس ان حضرتك لحقتها عند السمكرى ، النهاردة كنت فى شارع شامبليون و فعلا فيها تجار قطع غيار كتير اووى للشروكى و العربيات الامريكنى عامة و الغريب ان شوفت هناك فورد اكسبيديشين موديل حديث اووى و جيب شبه العربيات الفورد ونجن النوع القديم اووى و امتشفت كمان ورشة لتصليح العربيات المرسديس و الفولفو ، مكنتش متوقع ان المنطقة حيوية اووى كدا و فيها جميع الاكصدمات للجيب و التريوس و الكيا ، ياريت لو حضرتك نزلت هناك كلمنى و انا هاجيللك.

المشاركة الأصلية كتبت بواسطة ahmed_eng2001

شارع شمبليون معروف انه معقل الامريكانى .... قطع غيار و اكسسوارات و ميكانيكية كمان

و لو نخورت حوالين شارع شمبليون حتلاقى ناس برضو بتشتغل فى الامريكانى
فيه كمان قريب من شارع شمبليون .. الشارع الى بيطلعك على شارع طلعت حرب ... ناس بتبيع الاويل سيلات .... انا اتزنقت فى اويل سيلات للاكس الامامى .. و جبته من هناك

فعلاً انا لاقيت ناس كتير فى الشارع اووى فى الشارع ده بتبيع رومان البلى و الاويل سلايت ، و يتهياللى ان الواحد لو اتزنق انه يصلح عربيته ممكن يروح بيها هناك و هيلاقى ميكانيكيا و ورش يصلح له بدل مايروح بها صقر قريش او شارع الجسر فى شبرا.