نظرة في ألغاء الدعم

**ALYSALIM** · 08-07-2014 12:47 AM

مصر بلد فيها عدد سكان كبير مع موارد ضعيفة نسبيا وفساد سياسي واقتصادي واجتماعي وصل للاعناق
مصر فيها جهاز اداري الاضخم في المنطقة
مصر فيها اكثر من 10 مليون مصري مسافرين او مهاجرين بصورة شبه دائمة
مصر فيها احتكار لجميع مقدرات الحياة من اراضي او فرص استثمارية او مواد خام او سلع او خدمات سواء من الحكومة واتباعها او من خلال افراد وشركات
مصر هي اكبر بلد بالواسطة 80% من موظفيها في الخاص او العام تدخلت معاهم الواسطة من خلال التدخل المباشر او غير مباشر زي عمليات النقل والترقية وتوزيع الحوافز
مصر بلد هرم تعليمها مقلوب بتخرج من الجامعات والمعاهد العليا مئات الالاف من الشباب الغير قابلين للعمل في اي سوق داخلي او خارجي - عبء علي التعليم وعبء علي الاسر
مصر اكثر بلد بتخرج مؤهلين للعمل بالقطاعات الخدمية زي التعليم والصحة والمحاسبه والمحاماه اكثر من المؤهلين للقطاعات الانتاجية مثل المهندسيين والفنيين والزراعيين
مصر بلد قضت علي التعليم الفني واكتفت بالتعليم الجامعي الضعيف وقضت علي فرص التدرج المجتمعي والمعيشي الطبيعي
مصر بلد اتنهبت لدرجة ان الناس عايشه في المقابر وبل بيورثوها وبيبعوها
مصر فيها ملايين الاسر عايشه في اوضة واحدة ملهاش حمام
مصر البلد اللي اكثر من نص اهلها طعامهم خبز فطور وغدا وسحور مع حبتين طعميه وشربة مايه
مصر البلد اللي فيها المروق شويه بيفطر بيضه مع كباية شاي
مصر اللي اتباعت برخص التراب وجاييين يعوضو من اهلها
مصر اللي بترولها وغازها اتسلم تسليم مفتاح للاجانب سواء تحت الارض او فوق الارض
------------------------------
جايين تحاسبو المصرييين علي ايه - هما اصلا كانو خدو من مصر ايه
----------------------------
المصريين مش هيلاقو ياكلو بمعني الكلمة وهيتم تعرييف خط الفقر من جديد بفضل المصريين
---------------------------------------
الدعم كان الحاجة الوحيدة اللي بيستفيدها الغلابة والمهمشين من الدولة سواء بريق مباشر او غير مباشر
-----------------------------------------
عشان يقضو علي ماتبقي من ورقة التوت

**rotanamasoud** · 08-07-2014 01:33 AM

السر فى العدل اللى عكسه الظلم

**Ahmed abdkarim** · 08-07-2014 11:09 AM

المشاركة الأصلية كتبت بواسطة ahmed_eng2001

حضرتك ذكرت بعض التفاصيل المهمة .... انا عشت فترة بسيطة فى ابردين ... شمال انجلترا .. و كلام حضرتك انا موافق عليه جملة و تفصيلا ... بدون الدخول فى تفاصيل

و احب اضيف ان متوسط المرتبات اعلى مما ذكره الاستاذ توت بكتير

متشكر لرد حضرتك انا بس حبيت اوضح الحقائق للناس اللى متعرفش ظروف الوضع بره عاملة ازاى و مصدقه كلام الحكومة والاعلام اللى بيروج ليه الاستاذ توت

واكتر حاجه بكرها ان حد يغير فى الحقائق المعلومة علشان يقنع حد ميعرفش حاجه ومشافش الحاجه اللى الشخص بيتكلم عنها .

**mohamed_hamdi** · 08-07-2014 11:43 AM

يا رجالة ماينفعش طريقة الحوار كده. الأستاذ توت عضو فاضل من أعضاء المنتدى و مواضيعه و مداخلاته دايما مميزة و مش معنى ان له وجهة نظر مخالفة انه بيأيد وجهة نظر الحكومة و حتى لو دي الحقيقة فبرضه من حق كل واحد يعرض وجهة نظره دون المساس بالآخرين و الا نبقى فعلا زي ما السيسي قال على المصريين ان الديمقراطية امامها 25 سنة حتى تتحقق في مصر و معاه حق طبعا.

**Ahmed abdkarim** · 08-07-2014 12:44 PM

المشاركة الأصلية كتبت بواسطة mohamed_hamdi

يا رجالة ماينفعش طريقة الحوار كده. الأستاذ توت عضو فاضل من أعضاء المنتدى و مواضيعه و مداخلاته دايما مميزة و مش معنى ان له وجهة نظر مخالفة انه بيأيد وجهة نظر الحكومة و حتى لو دي الحقيقة فبرضه من حق كل واحد يعرض وجهة نظره دون المساس بالآخرين و الا نبقى فعلا زي ما السيسي قال على المصريين ان الديمقراطية امامها 25 سنة حتى تتحقق في مصر و معاه حق طبعا.

مفيش عندى مشكلة خالص فى الرأى الاخر كل واحد له رأيه هو حر فيه يقول اللى هو عاوزه

انا لم اتجاوز فى الحوار مطلقا .

بس اللى ضايقنى ان الاستاذ توت بيقول انه عاش فى انجلترا ونفس الوقت بيقول معلومات مغلوطة جدا

و الاستاذ اللى فى الرد اللى فات اللى كان عايش برضه هناك اتفق معايا ان المعلومات مغلوطة

مش عيب انك تقتنع بحاجه بس مينفعش تقنع الناس بحاجه عن طريق معلومات انت عارف انها غلط بس هما ميعرفوش و مصدقينك ده كل الموضوع .

**ahmed_eng2001** · 08-07-2014 02:01 PM

التمس لأخاك 70 عذرا ... مع تحفظى على صحة الحديث ...

احتمال كبير الاستاذ توت فعلا عاش فى هذه الظروف فى انجلترا ... نحن لا نشكك فى مصداقيته و لا فى رأيه ....
نحن نحترم اراى بعضنا البعض ..... و الاستاذ توت محل احترام و تقدير .... بغض النظر موافقنى الرأى او يخلفنى

و بالفعل ..... لا يصلح ان تقارن على العموم بين القدرة و الكفاءة بين محرك 4 سلندر و 8 سلندر

موضوع الدعم ده ( فى وجهة نظرى ) عامل زى نظام تغذية البنزين لمحرك السيارة ..... لما حضرتك تشيل او تقلل تغذية البنزين .... ال ار بى ام ينزل .... و بالتالى قدرة كل الاجهزة .... دينامو كباس التكييف و هكذا

الغاء الدعم .... زيادة فى الاسعار ... تقليل فى القدرة الشرائية للفرد ... تقليل للقدرة الشرائية للجنيه ... انخفاض قيمة الجنيه

ادى حضرتك مثال بسيط على نفسى ......

عربيتى فيها شوية شغل .. و كنت ناوى اوديها للسمكرى علشان يظبطها و كنت محددلها ميزانية معينة ..... الان .... مش حوديها .... علشان انا متأكد ان السمكرى حيزود مصنعيته ... و بتاع قطع الغيار حيزود اسعار قطع الغيار

و اعتقد ان فيه بعض الاشخاص حالهم زى حالى بالظبط .....
بالنسبة لبتاع قطع الغيار .. مبيعاته حتقل ... و بالنسبة للسمكرى ... شغله حيقل .... انا مش بتكلم ان الرزق بأيد ربنا ....
انا بتكلم بصفة عامة

و تقبل مرورى

**maghnom** · 08-07-2014 02:18 PM

الاختلاف في الرأي لا يفسد للود قضية

مع رفع الدعم أو ضد رفع الدعم

كلنا نتمنى لمصر تتقدم بشكل عام وأحوالنا المعيشية كأفراد تنصلح فيها

الجميع متفق على ذلك وان تباينت الأراء في الآليات المناسبة للوصول للهدف ده

ربنا يقدرنا جميعا على تخطي المرحلة دي وبكرة يبقى احسن

وربنا يدبرها و هو من يحسن التدبير

**shiko85** · 08-07-2014 02:41 PM

المشاركة الأصلية كتبت بواسطة ahmed_eng2001

بالنسبة لبتاع قطع الغيار .. مبيعاته حتقل ... و بالنسبة للسمكرى ... شغله حيقل .... انا مش بتكلم ان الرزق بأيد ربنا ....
انا بتكلم بصفة عامة

للأسف من خلال تجارب قديمه لا بتاع قطع الغيار مبيعاته هتقل و لا السمكرى شغله هيقل ولا اى حرفى فأى مجال شغله هيقل بالعكس هتلاقى الحاجه اللى كان بيعملها بجنيه هيطلب فيه 2 و كالعاده كل واحد منهم هيتحجج ان الحاجه غليت سواء بنزين او سولار هيقولك اصل الحاجه ولعت و اللى كنا بنشتريه زمان بكذا بقى بكذا و يقولك ما انت يا باشا اكيد عارف و لو مش لاقى حاجه مقنعه هيقول دا حتى السجائر غليت و الواحد مش عارف هيلاحق على ايه ولا ايه, صح مش ده اللى اتقال زمان و لسه بيتقال ؟
اللى بيتحمل العبء هو الموظف مش اى حد تانى لانه مصدر دخله ثابت مش هيقدر يحصل على دخل اضافى يعوض به فرق الأسعار
اصحاب المهن الحره و الحرفيين مش بيتأثروا او على الأقل بيعرفوا يعوضوا الفرق