الموضوع: نظرة في ألغاء الدعم

المشاركة الأصلية كتبت بواسطة tutankhamoun

الدعم
تعريف الدعم مبدئيا
الدعم هو تكلف الحكومة لجزء من ثمن السلعةالأساسي و بيعها للجمهور بسعر أرخص من سعرها الحقيقي


تاريخ الدعم في مصر
تقريبا الدعم بدء مع الحقبة الناصرية … بمبدء توزيع ثورات البلد على الشعب التقليل عن كاهل المواطنين


ظهرت الكثير من المشاكل الأقتصادية لمصر و المصريين بسبب الحروب و قلة الأنتاج العام و زيادة السكان و تآكل مساحة الأرضي الزراعية
في بداية التسعينيات تبنى مبارك مشروع الأصلاح الأقتصادي و كان من المفترض ألغاء دعم الطاقة الذي يستحوذ على الكثير من ميزانية الدولة و لكن تم ألغاء الفكرة خوفا من غضب الناس عند أرتفاع الأسعار المصاحب لألغاء الدعم على موارد الطاقة
ولكن وقتها مصر لم يكن بها الكم الهائل من المسببات و المستهلكات للطاقة مثل السيارات و التكييفات المنزلية
و أيضا لم نكن نستورد مواد بترولية من الخارج و كان الناتج المحلي يكفي للأستهلاك المحلي


و لكن نصل لنقطة في بداية الألفينات و أصبحت مصر من الدولة المستوردة للمواد البترولية حيث أن الناتج المحلي من النفط لا يكفي أستهلاك البلاد الذي يزيد بأستمرار (لزيادة السكان و زيادة الأجهزة التي تستهلك طاقة بشراهة مثل السيارات و التكييفات المنزلية ) و هذا كان نبذه للتاريخ القريب لمشكلة الدعم
فكر في الغاء الدعم عدة حكومات قبل يناير 2011 و بعدها ولكن الجميع كان يخشى على حكمه من غضب الشعب و كان يلغي الفكرة


مبارك كان يخاف على حكمه وكان يلغى الفكرة و لا ينفذها و اكن يستعين بالدين المحلي و الأجنبي لتمديد فترة الدعم لتمديد فترة حكمه في البلاد و كان يساعده إلى حد ما وجود هدوء في البلاد مما كان يوفر عملة صعبة من السياحة و الأستثمارات الخارجية البسيطة .


جاء مرسي و قنديل و كانوا أيضا يريدون ألغاء الدعم لما يسببه من كارثة على الأقتصاد المصري ولكنهم تراجعوا لنفس السبب و هو الخوف من غضب الشعب و كانوا يؤلون على تركيا و قطر و أمريكا في دعم الأقتصاد حتى يصمد كام سنة كمان بس المهم الشعب يكون مبسوط


طيب هل الدعم ده عادل ؟


مليون في المائة لاءة
مين اللي بيأخد دعم ؟
الناس اللي معاها عربيات هي اللي بتأخد دعم و اللي مش معاه عربية مش بيطول واحد في المائة من الدعم اللي بيحصل عليه أًصحاب السيارات
يعني الناس الغلبانة اللي في الصعيد و الأرياف …. اللي مش معاها تأكل مش بتحصل على دعم من الحكومة في شئ خالص …..... و أحنا اللي لاهفين الدعم بقيمة 140 مليار
فين العدل في ده ؟


الحكومة بتدفع دعم للطاقة حسب الأرقام الرسمية 140 مليار جنيه مصري سنويا لسد بند الدعم في الموازنة
يعني الرقم ده بعد كام سنة لو وفرناه و صرفناه على التعليم و الصحة … أفضل مليون مرة من الدعم على الطاقة اللي بتتحرق في الهوا بدون مقابل و بدون أنتاج حقيقي
كل دول العالم اللي بدءت أصلاحات أقتصادية كان لازم تشيل الدعم و منهم تركيا على سبيل المثال و دلوقتي تركيا بتقطف ثمار التنمية و تعبوا على فكرة في الأول كام سنة لغاية ما الأقتصاد وقف على رجله و شد حيله و الناس دلوقتي مبسوطة و تمام التمام


طيب من الناحية التانية اللي هي الحكومة
مينفعش أن الناس تكون متعودة على حاجة و مرة واحدة تلاقي حاجة تانية بدون وجود بدائل
دي بقى نقطة تانية مهمة …. لازم الحكومة توفر مواصلات للناس بأسعار معقولة تغطي كافة المنطاق
أنا شايف أن نظام الميكروباظ ده نظام فاشل … فسائقي الميكروباظ خربوا السواقة علىالطرق المصرية و أغليهم عربجي و مش بيسوق كويس و بلطجية و بيرفعوا الأسعار بمزاجهم
الصح يبقى فيه شركات كبيرة تتولى الموضوع بأتوبيسات محترمة حتى يتم أنشاء خطوط مترو تربط القاهرة الكبرى و أحيائها الرئيسية و الأتوبيسات تغطي الباقي مع تغطية المدن الكبيرة بوسائل مواصلات محترمة


فالجنيه المصري يجب أن يكون له قيمه شرائية عالية حتى نستطيع أن نشعر بأي تنمية


نيجي بقى لنقطة تانية
الناس اللي رابطة الدعم بالجمارك
طبعا أي كلام في أي كلام (معلش أستحملوني ) دول العالم كلها فيها جمارك أو بتسمها ضرائب ما عدا دول الخليج و بالتالي أنا مش هاتكلم عن دول الخليج اللي البنزين فيها أرخص من المياه
عارفين الجين 2 في ماليزيا بكام … ماليزيا البلد المنتجة للعربية يعني لا جمارك و لا يحزنون و لكن عندهم ضرائب ….... ثمنها زي ثمنها في مصر
الجين 2 في أنجلترا زي ثمنها في مصر و بقية العربيات نفس القصة
الناس هناك بتدفع نفس ثمن العربية ….. و بيدفعوا ثمن البنزين الحقيقي بدون دعم
و كمان فوق ده كله عندهم تأمين أجباري مع شركة تأمين و ضرائب و مصروفات أغلى من مصر بكتير
أسعار العربيات الجديدة برة مصر زيها زي مصر باستثناء الخليج … و ممكن بعض العربيات أرخص في أمريكا علشان الضرائب في أمريكا أقل من أوروبا شوية بالتوازي مع الدخل في أمريكا أقل من أوروبا والحياة هناك أرخص من أوروبا أيضا .
المهم المقصد من الكلام أنه لا رابط بين الدعم و الضرائب أطلاقا
أزالة الدعم هو بالظبط زي بتر الخلايا الفاسدة بدل من تسكينها بالمسكنات
يعني هاتزعل و تعيط من الآلم شوية و بعدين تحس بالراحة
أنما المسكنات بتعملك تلاشي مؤقت للآلم و بعدين تفضل ترجع تاني

كلام جميل .. بس احنا الدولة الوحيدة اللى رابطة الجمارك بسعة المحرك وبتدفع كمان ٢ ٪ من تمن العربية وقت الترخيص لو العربية اكتر من ١٦٠٠ سي سي ؟؟؟

المشاركة الأصلية كتبت بواسطة ayman_aly

أيام وأسابيع معدودة لما الأسعار كلها تغلى الناس اللى مش فاهمة هتفهم
والمؤيد للقرار هيتراجع بس مش هيفيده بحاجة
والرابح الوحيد اللى يقدر يهرب من البلد دى

يا سيدي وجع ساعة النهاردة ......... يمكن يجيب معاه الخير ادام .

المشاركة الأصلية كتبت بواسطة merooxx

الله المستعان

الله المستعان

المشاركة الأصلية كتبت بواسطة maghnom

ويا ترى لما سافرت برة شفت دخل الفرد برضه بيكون ازاي؟
وبمناسبة الحديث عن الخارج وانجلترا تحديدا
على فكرة انا جالي عرض للعمل بانجلترا من سنتين بدخل سنوي يصل الى 12 ضعف دخلي السنوي في مصر

يا أستاذي الفاضل انا كنت عايش في أنجلترا .
دخلي هناك كان أضعاف دخلي السنوي هنا (لو حسبتها بعد تحويل العملة )
و لكن الموضوع مش بيتحسب كدا لما بتكون عايش هناك .
أنت هناك بتتعامل بالوحدة للعملة
يعني بتأخد هنا 1000 وحدة .......... هناك بتأخد 1000 وحدة مثلا مثلا
طيب الألف وحدة دي تجيب أيه هنا و تجيب أيه هناك ؟؟
تقريبا نفس الشئ و بالتالي لما بنحسبها بتتحسب بدخل العملة المحلي .
الفرق بقى بيبان لما بترجع مصر و معاك قرشين حلوين و تحولهم مصري .
و لان الجنيه المصري قيمته الشرائية تعبان ... فنحس بالقيمة الشرائية للعملة الأجنبية خصوصا الأسترليني .
العرض ده في النهاية مكانش من نصيبي بالرغم من اني كنت اكثر المتقدمين من حيث المؤهلات والخبرة على حسب كلام الاتش ار الانجليزية اللي جاتلي بالعرض، خصوصا اني كنت مدير اقليمي في احدى الشركات العملاقة على مستوى العالم واللي فرعها في مصر اتقفل مؤخرا
عارف الشغلانة راحت مني ليه؟
حاسب بس لتتشل
بسبب الفجوة الكبيرة بين آخر مرتب (مرتبي الحالي في مصر) والمرتب المعروض عليا
ودي حاجة بيتم الأخذ بيها في تحديد أهلية المتقدمين للوظيفة
بالمناسبة انا عايش برة مصر حاليا بس في بلد خليجي

أنا بصراحة عمرهم ما قالولي كدا و أنا هناك مع أن كان هناك فجوة غير طبيعية برضه بين مرتبي في مصر و مرتب هناك .
هذا ليس تكذيبا لكلامك و لكن أيضاحا لما حدث معي

و نرجع لأصل الموضوع
اللي هو الدعم .
انت هناك بتتعامل بالعملة المحلية جوه البلد ... زي ما بتتعامل بالجنيه المصري داخل مصر .

المبلغ هايجبلك أيه تعيش به ؟

المشاركة الأصلية كتبت بواسطة amrelsaqqa

طب رد لي ع الفيديو ده :


https://www.youtube.com/watch?v=g3tcrztvi1w

بس احلى حاجة انى ضميري مرتاح جدا ومش صعبان عليا السواقين والناس الغلابة دول لانهم هم اللى بيجيبوه لنفسهم

طيب معلش ممكن تقولي فحوى الفيديو ... معلش الباقة عندي مفيهاش حاجة باقية أني أتفرج على فيديو

المشاركة الأصلية كتبت بواسطة forever.leo

ارى فيما يحدث .. بأنه عبث في عبث .. لاننا ببساطة .. نعالج العرض و نترك المرض .. مصر بها مرض مزمن .. و خطر كبير .. الا و هو الانفجار السكاني .. الذي يلتهم الاخضر و اليابس .. و لم تستطع الحكومات المتعاقبة محاصرته .. او توظيفه لصالحها .. باستثمارات تخرج بمواطن منتج يدر عوائد .. بعد ان نال تعليم و رعاية صحية محترمة .. ايضا نعاني من غياب الخطط و الاستخدام الكفؤ لمواردنا المالية .. فهلا اعلنت الحكومة بشكل محدد و شفاف .. الى اي شرايين الاقتصاد سيوجه الفائض المالي بعد رفع الدعم او تخفيفه ؟! .. قول انني اخشى .. ان تدور السنوات .. و نحن لم نبارح مكاننا .. لنتحدث عن نفس المشاكل و الازمات .. و لكن .. و قتها لن تجد الحكومات .. ما تسلبه من المواطن .. بعد ان نزعت منه ورق التوت الاخير !

أنا متفق معاك في موضوع الزيادة السكانية الرهيب . و أن كنا نختلف في موضوع الدعم و لكن أختلاف الآراء لا يفسد للود قضية

المشاركة الأصلية كتبت بواسطة speed_magnum

يعني رفع الدعم عن الناس اللي مرتباتها مش مكمله الف جنيه في الشهر وبتدفع نصها قسط عربيات علشان ما تتعرضش لسواقين الميكروباصات وبلطجتهم بقى شيء حلو وجميل وضروري وزي الفل .. علشان ننهض بالبلد
وعلشان الدعم يصل للمواطن الغلبان اللي في الصعيد
سيدي الفاضل المواطن ده هيكون اول اللاعنين لالغاء الدعم
اسعار المواصلات وجميع السلع الاستهلاكيه هتزيد الضعف واكتر
ودا هيخلي المواطن المطحون يلعن سلسفيل هذه الحكومه على سلسفيل هذا الرئيس
.......

يا سيدي رفع الدعم مش علشان يوصل للمواطن في الصعيد
أنا شرحت فوق عدة نقاط و كان منها أن توزيع دعم الطاقة غير عادل بالمرة .
و قلت ماذا يجب على الحكومة فعله لعمل توازن في السوق و توازن في أسعار المواصلات .
أنا بتكلم عن مبدء الدعم نفسه .
لو عايزين نعيش زي برة ... زي أوروبا
مينفعش يكون فيه دعم على الطاقة و الحاجات دي

الدعم يجب أن يكون على النظام الصحي و التعليم و الدفاع فقط لا غير ,
أما بقية الخدمات
اللي عايز يركب عربية ..... يدفع من جيبه
و اللي عايز يركب تكييف ... يدفع من جيبه

مع وجوب ان الحكومة توفر مواصلات محترمة للناس و لا تتركنا للبلطجية بتوع الميكروباظات

المشاركة الأصلية كتبت بواسطة amrelsaqqa

بتكلم عن العدد المطلق مش الزيادة النسبية

بلاد عايش فيها 200 مليون الى مليار بنى ادم ، والحياة ماشية
فميجيش حد يقوللى الانفجار السكانى

قبل ما تبص ان عندك 90 مليون بق عايز ياكل انت عندك 180 مليون ايد هتشتغل

طيب حضرتك شوفت هما عندهم موارد شكلها أيه (هاستثني اليابان )
اليابان 120 مليون
كوريا الجنوبية 50 مليون
الصين بقى هي مربط الكلام .
الصين مساحتها مثل مصر 9 مرات
أي مساحة 9 مليون كم مربع و الصحراء فيها قليلة جدا
و مع ذلك عندما بدءو الثورة الصناعية و الأصلاح الأقتصادي في الستينيات
وجدوا أن فيه تنمية و لكن محدش حاسس بها بسبب الزيادة السكانية
فالحكومة عملت أيه ؟.

الحكومة أصدرت قرار النسل الأجباري .
واحد في المدينة و أثنين في القرية .
القانون مطبق هناك منذ السبيعينيات و بداية الثمانيات .

طبعا لو أنت عايزنا نعيش زي بتوع الهند ....... أخطف رجلك بس على كلكتا أو أي مدينة في الهند و شوف العفانة و الزبالة و الفقر اللي الناس عايشة فيه
و كمان الهند مساحتها الأجمالية مثل مصر 3 مرات و نصف و أغلبها أراضي زراعية .

المشاركة الأصلية كتبت بواسطة ahmed salah90

كلام حكومات فاشله انا اسف بس لغيت الدعم يبقى لازم ترفع المرتبات 70% لبعض الشرائح و 50% لشرائح اخرى و هكذا علشان موش البنزين بس اللي هايغلى الاكل و الشرب و المواصلات و الملابس و الاجهزه كل شي يبقى انت كده بوظت البلد على الاخر يبقى كلام فاشل ولا لا
متزعليش مني بس كلام كاهنه فرعون اللي حضرتك حاطيت صورته

رفع المرتبات بدون رفع الأنتاج العام للبلاد
يعني تضخم ..... يعني زيادة الأسعار لثبات المعروض من ا لمنتجات و زيادة الطلب عليه
يعني معملناش حاجة

زيادة المرتبات ده مش هو الصح

الصح هو الأنتاج ثم الأنتاج ثم الأنتاج ... و بعدين الجنيه يصبح له قيمة و بعدين نقدر نشتري به حاجات أكتر

المشاركة الأصلية كتبت بواسطة mohamed

عارف يا استاذ توت انا شايف ان المشكلة مش مشكلة حكومة انها اخذت قرار كان لابد منه ولا مشكلة مرتبات هنا وبره . المشكلة اخلاقيات كلنا بنلف وندور فى حاجة واحدة هل الحكومة هتراقب الاسعار وجشع التجار والسواقين وابتزازهم ولا لأ ؟؟؟
وعشان السواد الاعظم من الناس فاهم كويس ان الحكومة مش هتعمل حاجة فبيقولوا على كلام حضرتك غلط رغم انه من الناحية الاقتصادية مفيهوش حاجة غلط ولكن التشاؤم اللى بقى مالى الناس والحكومات والرقابة الساقطة هى اللى مخوفه الناس .

أنا معاك 100 %
انا كنت بناقش سلبية وجود دعم ...

المشاركة الأصلية كتبت بواسطة midnightman_74

كلام جميل .. بس احنا الدولة الوحيدة اللى رابطة الجمارك بسعة المحرك وبتدفع كمان ٢ ٪ من تمن العربية وقت الترخيص لو العربية اكتر من ١٦٠٠ سي سي ؟؟؟

أنا مش شايف مشكلة في كدا

أنا مستعد أتخلى عن عربيتي تماما و أركب مواصلات عامة بشرط أن الحكومة توفر مواصلات محترمة
و أنا بالفعل بأستخدم مواصلات عامة و لكن غير راضي تماما عن أداء المواصلات العامة .

بخصوص الضرائب .
أنا شايف عادي يعني لما العربيات الكبيرة يكون عليها ضرائب كبيرة .
في أنجلترا و أغلب أوروبا العربيات الكبيرة بيكون ضرائبها أكبر من العربيات الصغيرة
الضرائب أحنا بنسميها هنا جمارك علشان الحكومة بتأخدها قبل دخول السلعة
هما هناك بيأخدوها بعد دخول السلعة و بيسموها ضرائب
و على فكرة أوروبا فيها جمارك برضه بس معرفش النسب الصراحة و بتكون على السلع المستوردة من الدول اللي مش معاها أتفاقيات تجارية