الموضوع: نظرة في ألغاء الدعم

المشاركة الأصلية كتبت بواسطة tutankhamoun

طيب قبل ما أرد عليك عايز أقولك خلي بالك من أسلوبك و خليه أحسن من كدا

كلامي يا سيدي من خبرة العيشة هناك ..........
==============
تسمحلي بقى أنا أقولك أن كلامك مش مظبوط و هاشرحلك ليه .

مبدئيا
الجنيه المصري في مصر ....... زيه زي الجنيه الأسترليني في أنجلترا
ده وحدة العملة المحلية هناك و ده وحدة العملة المحلية هنا
هانتكلم بالوحدة .. يعني العملة ..... الفرق بيبقى في الرجوع لمصر و التحويل من أسترليني لمصري .
==========

الحد الأدنى للأجور في بريطانيا هو 6.31 أسترليني زي ما أنت قلت
و ساعات العمل هناك 40 ساعة مدفوعة الأجر أسبوعيا باجر كامل يعني 252 جنيه في الأسبوع يعني 1009 في الشهر
ده الحد الأدني اللي أغلب الناس بتأخده خصوصا اللي لسة بادئين العمل يعني لسة متخرج من المدرسة أو المعهد (ده يختلف عن خريجي الجامعات لأن عددهم هناك قليل جدا و التعليم الجامعي مش مجاني . )

طيب أنا قلت ان المتوسط 1500 أو 1700 و حضرتك عمال تقولي كلامك غلط و مش مراعي أي حدود للكلام بس مش مشكلة .

أيه الغلط في اللي أنا قلته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

تعالى نتكلم بقى ازاي الجنية الأسترليني هناك زي الجنية المصري هنا تقريبا

لو هانتكلم عن السكن و عن الأكل و الشرب و المواصلات .
نبدء بالسكن

الأيجارات هناك تبدء من 500 في حتة تعبانة ..... و تزيد شوية ل 900 لو في حتة متوسطة .
نقول أن مرتبك يا سيدي 2000 جنيه أسترليني بحالهم مش 1500 كمان

يعني نقول ندفع متوسط أيجار 700
فواتير كهرباء و غاز 200 جنيه شهريا ....... أقولك بلاش ... خليها 150 جنيه متوسط .
فواتير أنترنت و تليفون أرضي بالمتوسط برضه حوالي 20 جنيه .
فواتير محمول تقريبا 30 جنيه في الشهر لو على نظام الفاتورة و أغلبهم هناك على نظام الفاتورة .
كدا أحجنا صرفنا 700 + 150 +20+30 يعني 900 جنيه من غير أكل و شرب

تعالى نتكلم عن مصاريف الأكل
الأكل هناك أرخص من مصر في حاجات و أغلى في حاجات بس مش هانحول العملة زي ما أتفقنا .

يبقى انا شخصيا كنت بدفع في الأسبوع مصاريف أكل و شرب حوالي 120 جنيه يزيد أو يقل حسب الأحتياجات .

نيجي لمصاريف البنزين لو عندي عربية ...... حسب مشاويري طبعا و شغلي بعيد مسافة أيه عن بيتي
تعالى نقول أنه 200 جنيه يزيد أو يقل . (فيه ناس بتدفع أكتر من 200 جنيه أسترليني و أنا أعرفهم شخصيا )

هانضيف عليهم مصاريف الركن (مفيش هناك ركن ببلاش نهائي غير في المولات الكبير على شرط التسوق من هناك و مدتك ساعتين من الركن المجاني و بعد ذلك عليك الدفع أو تحريك السيارة لمكان آخر )

نقول ركن في الشهر تقريبا متوسط 200 جنيه كمان
لو مش عندك عربية و بتركب اوتوبيسات و مترو و شبكة المواصلات العامة .
هاتصرفلك في الأسبوع حوالي 130 أو أكتر حسب الزونز (Zones ) اللي أنت بتركب فيها (في أشتراك شهري أسمه أويستر أو سنوي على حسب أختيارك و قدرتك المادية )
أويستر ده بيغطي كل الأوتوبيسات و القطارات و المترو اللي في الزون اللي أنت شاريها .

أنا بقول متوسط ......... مش سعر فعلي ...... لأن السعر ممكن يزيد لو مشوارك أبعد و هكذا .

طيب تعالى نحسب أخر حاجة و هي المواصلات و الأكل و الشرب

يعني 400 جنيه مصاريف السيارة لو عندي عربية بالاضافة ل 480 جنيه أكل شهري (120*4 )

يعني 880 جنيه مصاريف شهريا تضاف لحوالي ل 900 جنيه مصاريف تم حسابها فوق .

يعني 2000 مرتب شهري و ده مرتب كبير - 880 - 900 = 220 جنيه متبقييين في آخر الشهر .

يعني أنا كمان محسبتش أي مصاريف نثرية زي الخروجات أو السجاير (لو بتدخن سجاير ) أو المخالفات .و لم أحتسب مصاريف ترخيص السيارة و التأمين اﻷجباري و الضرائب المستحقة و أي مصاريف لأصلاح السيارة .

و المرتب يتبقى منه أكتر لو مش بتركب سيارة و هايكون كالتالي

130 جنيه *4 = 520 جنيه بدلا من 880 مصاريف السيارة
يبقى 2000 - 520 - 900 = 580 جنيه أسترليني .


شوفت بقى أن الجنيه هناك زيالجنيه هنا كوحدة طالما بيتم صرفه هناك .

أنت هناك بتصرف 900 * 12 = أيجار شهري ؟؟؟

لو عايز تسأل على أي حاجة أنا معاك .......... كلامي ده مش عيشتي هناك .... مش بألف من دماغي .

=======================================

تعليقا على موضوع الحد الأدني للأجور في ألمانيا

طيب ألمانيا لسة عاملة الحد الأدئنى للأجور دلوقتي صح

طيب حضرتك فاكر هما خرجوا من الحرب العالمية الثانية ظروفهم أيه و كانوا بيعملوا و عملوا أيه علشان يوصولوا للي هما فيه دلوقتي ؟؟؟؟؟؟؟؟؟؟؟؟

دي حاجة ضد الحكومة الألمانية مش معاها بنفس مبدئك .

اولا بالنسبة لاسلوبى انا لم اتجاوز او اخطئ فيك . وبتكلم بكل احترام و مش عيب لما حضرتك تغلط اقولك ان كلامك خاطئ

كلام خاطئ للمرة الثالثة

انا عمى عايش هناك لحد دلوقتى وكنت بفكر اسافر اخد ماجستير هناك ودرست الموضوع من كل جوانبه .

اولا الجنيه المصرى مش زى الجنيه الاسترلينى

كيلو اللحمة مش ب 70 جنيه استرلينى . كيلو اللحمة من 3 الى 5 استرلينى

كيلو الرز مش ب 5 استرلينى كيلو الرز ب واحد باوند

الفرخة مش ب 30 جنيه استرلبنى الفرخة من 2 الى 3 باوند

سعر لتر البنزين تقريبا 1.5 استرلينى فى مصر سعر اللتر 2.85 جنيه مصرى ( مش انت بتقول المفروض الجنيه المصرى زى الاسترلينى )


تانى حاجه ساعات العمل الدوام الكامل تقريبا بيتكون 48 ساعة اسبوعيا مش 40

يعنى تقريبا 1300 استرلينى مش 1000 استرلينى


وده الحد الادنى اللى بياخده ادنى حد فى المجتمع العمال الغير احترافيين . كاشير فى سوبر ماركت وهكذا مش اغلبية الناس



اولا الايجارات مش بتتبدأ من 500 فى حتت تعبانه الكلام ده برضه غلط

انا لما كنت حسافر كنت حقعد فى لندن فى شارع اسمه Finchley Rd
وده جنب محطة مترو بنفس الاسم ودى حته كويسه كنت حأجر شقه صغيرة شاملة الغاز والكهرباء والميه ب 420 جنيه فى الشهر

أه نسيت اقول لحضرتك ان فى انجلترا معظم السكن بيكون all inclusive يعنى شامل الكهرباء والميه والغاز والانترنت و احيانا رخصة التلفزيون .

وممكن حضرتك تدخل على الموقع ده وتتأكد .loot.com/


حضرتك حاسب الايجار + الميه + الغاز + الكهرباء 900 جنيه وهى فى الحقيقة 420 جنيه


اما بالنسبه للعربية فمعظم الناس هناك بتستخدم ال tube اللى هو المترو و المواصلات العامة


من الاخر حضرتك لو بتاخد 1500 استرلينى حتعيش كويس جدا فى انجلترا و حتسكن فى مكان نضيف تقريبا زى مدينة نصر او مصر الجديدة و حتاكل اكل نضيف و يبقى عندك عربية تويوتا كورولا 2005 مثلا لو انت فى مصر مستحيل تعمل كده ب 1500 جنيه