الموضوع: نظرة في ألغاء الدعم

اولاً أتفق مع حضرتك فى بعض النقاط المذكورة و اختلف مع حضرتك فى بعضها و لكن أكثر ماشدنى هو أسلوبك المحترم فى الرد و المناقشة و عدم التعصب يأستاذ توت جزاكى الله خيرأ و كل عام و انت بخير و رمضان كريم .
ثانياً: انى ارى ان المشكلة فى الشعب أساساً " (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11] صدق الله العظيم ، انا مع تطبيق رفع الدعم و لكن طريقته تطبيقه لازم تبقى مختلفة و كمان مش بالصورة دى لازم تكون تدريجية لان كدا البلد هاتولع و احذروا ثورة الجياع لان فى ناس بتاكل من الزبالة، لازم يكون عند الحكومة رؤية مستقبلية للى ممكن يحصل قبل ماتنفذ اى قرار ،انما زيادة فى كل شئ محدش هايستحمل و هايحصل تضخم برضوا و الفقر و السرقة و معدل الجريمة هايزيد اكتر.

لما مرتباتنة تبقا زيهم نتكلم عنهم الرسالة وصلت اكيد

المشاركة الأصلية كتبت بواسطة tutankhamoun

الدعم
تعريف الدعم مبدئيا
الدعم هو تكلف الحكومة لجزء من ثمن السلعةالأساسي و بيعها للجمهور بسعر أرخص من سعرها الحقيقي (و ذلك حتى يستفيد غير القادرين ماديا )


تاريخ الدعم في مصر
تقريبا الدعم بدء مع الحقبة الناصرية … بمبدء توزيع ثورات البلد على الشعب التقليل عن كاهل المواطنين (هنا اعتمدت الدولة على سرقة الاغنياء لاطعام الفقراء و يذكر التاريخ ان مليون مواطن مصري قد هاجروا مصر بعد حركات التأميم و الاصلاح الزراعي (بحسب تقرير فرنسي ان مليون مصري قد تركوا مصر من 1954 ) و كانت النتيجة تدمير الارض الزراعية بتفتيتها و اعطائها لعديمي الخبرة غير المستحقين و تم تدمير الصناعة بتهجير اغلب الاغناء المصريين لان الدولة كانت بتحمي بعض الاغنياء المصريين و الاجانب و لم يكن التأميم على الاجانب و انما المصريين اكثر بكثير ) ( لم يكن التأميم و الاصلاح الزراعي اللى منه اغتنت الدولة و بدأت تدعم هدفه الفقراء و لكن كان الهدف الاساسي قلب موازين الدولة و مصادر السلطة فالمعروف ان المال و الزراعة و الصناعة كانت مصدر النفوذ المصرى فاراد عبد الناصر ممثل الدولة نقل النفوذ و مصادر القوة من الشعب الى الدولة و لكن بالطبع انقلب السحر على الساحر و اصبح فى السنوات القليلة الماضية ان بعض تكتلات المواطنين اقوي بكثير من الدولة ) ( بما ان النية كانت سيئة فكان نظام الدعم الاسوء فى تاريخ البشرية و بما ان الدعم قادم من مسروقات الدولة للمواطنين فكان الدعم مصدر كسب لسارقين اخرين داخل مصر (مثل بيع الدقيق المجعم فى السوق السوداء) و خارجها (مثل تهريب البنزين و السولار و السلع المدعمة الاخرى حتى الادوية عبر الانفاق او عبر الحدود الجنوبية و الغربية ) . )


ظهرت الكثير من المشاكل الأقتصادية لمصر و المصريين بسبب الحروب و قلة الأنتاج العام و زيادة السكان و تآكل مساحة الأرضي الزراعية ( قلة الانتاج كان سببها ان المصانع و المطاحن و غيرها من الاماكن الانتاجية تم تأميمها و سلبتها الدولة من مالكها الذى تميز فى ادارتها و انجاحها و تطويرها و فشلت الدولة بامتياز فى ادارتها بل دمرتها و شردت الملايين من العاملين (المال الحرام مفيهوش بركة ) . زيادة السكان نتيجة للجهل مفيش عمل يبقى بطالة و جهل يتزوجوا يخلفوا بلا حساب و يرجعوا يعيطوا مش عارفين يعيشوا و هنا يكتر الحرامية من حرامية البلعات الى حرامية البنوك و الاراضي و مختلسي خزن الدولة . تـــــــــاكل الارض الزراعية وضع طبيعي للاصلاح الزراعي الذى هو سرقة المصري الغنى صاحب عشرات او مئات او الاف الافدنة و تفتيتها الى خمسات و ادعاء توزيعها على الفقراء و لكن الواقع قال انهم اتوزعوا بتحزبات على الحبايب . تفتيت الارض يعني تدمير الزراعة يعنى ظهور العشوائيات و كثرة البؤر الاجرامية و تدني الاخلاقيات .
في بداية التسعينيات تبنى مبارك مشروع الأصلاح الأقتصادي و كان من المفترض ألغاء دعم الطاقة الذي يستحوذ على الكثير من ميزانية الدولة و لكن تم ألغاء الفكرة خوفا من غضب الناس عند أرتفاع الأسعار المصاحب لألغاء الدعم على موارد الطاقة
ولكن وقتها مصر لم يكن بها الكم الهائل من المسببات و المستهلكات للطاقة مثل السيارات و التكييفات المنزلية ( كلام جميل . بس الدعم مش مشكلة طاقة فقط و الطاقة ليها حلول و بدائل ممتازة زى محطات الطاقة الشمسية و طاقة الرياح . و المحطات النووية حل غبي من الاخر )
و أيضا لم نكن نستورد مواد بترولية من الخارج و كان الناتج المحلي يكفي للأستهلاك المحلي
(فعلا)

و لكن نصل لنقطة في بداية الألفينات و أصبحت مصر من الدولة المستوردة للمواد البترولية حيث أن الناتج المحلي من النفط لا يكفي أستهلاك البلاد الذي يزيد بأستمرار (لزيادة السكان و زيادة الأجهزة التي تستهلك طاقة بشراهة مثل السيارات و التكييفات المنزلية ) و هذا كان نبذه للتاريخ القريب لمشكلة الدعم
فكر في الغاء الدعم عدة حكومات قبل يناير 2011 و بعدها ولكن الجميع كان يخشى على حكمه من غضب الشعب و كان يلغي الفكرة


مبارك كان يخاف على حكمه وكان يلغى الفكرة و لا ينفذها و اكن يستعين بالدين المحلي و الأجنبي لتمديد فترة الدعم لتمديد فترة حكمه في البلاد و كان يساعده إلى حد ما وجود هدوء في البلاد مما كان يوفر عملة صعبة من السياحة و الأستثمارات الخارجية البسيطة .


جاء مرسي و قنديل و كانوا أيضا يريدون ألغاء الدعم لما يسببه من كارثة على الأقتصاد المصري ولكنهم تراجعوا لنفس السبب و هو الخوف من غضب الشعب و كانوا يؤلون على تركيا و قطر و أمريكا في دعم الأقتصاد حتى يصمد كام سنة كمان بس المهم الشعب يكون مبسوط


طيب هل الدعم ده عادل ؟


مليون في المائة لاءة
مين اللي بيأخد دعم ؟
الناس اللي معاها عربيات هي اللي بتأخد دعم و اللي مش معاه عربية مش بيطول واحد في المائة من الدعم اللي بيحصل عليه أًصحاب السيارات (غلط اللى مش معاه عربية بيركب مواصلات بتستخدم بنسبة 99% سولار و دا دعمه اكبر بكتير من البنزين )
يعني الناس الغلبانة اللي في الصعيد و الأرياف …. اللي مش معاها تأكل مش بتحصل على دعم من الحكومة في شئ خالص …..... و أحنا اللي لاهفين الدعم بقيمة 140 مليار
فين العدل في ده ؟(لو راجعنا كل مكان بيستخدم فيه دعم المحروقات حنلاقي الفقراء بيستفيدوا و لكن بيتساوا معاهم الاغنياء ايضا و المشكلة مش انعدام الدعمعن فئة معينة و لكن سوء فى التوزيع و التقدير ... فالاسلم الغاء الدعم و خلق طرق اخرى لدعم المحتاج بعيدا عن دعم المحروقات و السلع و الطاقة و الصحة و التعليم . يجب ان نعمل بمبدأ علمني كيف اصطاد و لا تعطيني سمكة )


الحكومة بتدفع دعم للطاقة حسب الأرقام الرسمية 140 مليار جنيه مصري سنويا لسد بند الدعم في الموازنة
يعني الرقم ده بعد كام سنة لو وفرناه و صرفناه على التعليم و الصحة … أفضل مليون مرة من الدعم على الطاقة اللي بتتحرق في الهوا بدون مقابل و بدون أنتاج حقيقي
كل دول العالم اللي بدءت أصلاحات أقتصادية كان لازم تشيل الدعم و منهم تركيا على سبيل المثال و دلوقتي تركيا بتقطف ثمار التنمية و تعبوا على فكرة في الأول كام سنة لغاية ما الأقتصاد وقف على رجله و شد حيله و الناس دلوقتي مبسوطة و تمام التمام


طيب من الناحية التانية اللي هي الحكومة
مينفعش أن الناس تكون متعودة على حاجة و مرة واحدة تلاقي حاجة تانية بدون وجود بدائل
دي بقى نقطة تانية مهمة …. لازم الحكومة توفر مواصلات للناس بأسعار معقولة تغطي كافة المنطاق ( ممتاز و ممكن الحكومة تستورد اتوبيسات بتعمل بالطاقة الكهربائية اشهرهم على مستوى العالم ال BYD electric bus و ده حيخلي ثمن التذكرة ارخص كمان . بمعنى ان الدولة توجد منافس قوى جدا فى موضوع نقل الركاب . و ممكن يكون فيه ميكروباصات و تكسيات و عربات صغيرة مثل التوكتوك (زى ال bajaj re60 ) يكونوا كهربة و الدولة تعملهم بسعر مخفض جدا . و كدا العربيات دى بستهلك كوتش و تيل و سيور بس . يا بلاش .
أنا شايف أن نظام الميكروباظ ده نظام فاشل … فسائقي الميكروباظ خربوا السواقة علىالطرق المصرية و أغليهم عربجي و مش بيسوق كويس و بلطجية و بيرفعوا الأسعار بمزاجهم
الصح يبقى فيه شركات كبيرة تتولى الموضوع بأتوبيسات محترمة حتى يتم أنشاء خطوط مترو تربط القاهرة الكبرى و أحيائها الرئيسية و الأتوبيسات تغطي الباقي مع تغطية المدن الكبيرة بوسائل مواصلات محترمة (كلام جميل بس خلى الميكروباص بس بوجود اتوبيس الدولة كمنافس قوي )


فالجنيه المصري يجب أن يكون له قيمه شرائية عالية حتى نستطيع أن نشعر بأي تنمية


نيجي بقى لنقطة تانية
الناس اللي رابطة الدعم بالجمارك (الجمرك وسيلة لحماية الصناعة الوطنية . بمعنى ان لو فيه عربية بتنتج فى مصر و بتتباع فى دولة اخري بسعر قل من المصري بما يعادل مثلا 20000 جنيه فبتكون التعريفة الجمركية اكثر من ال 20000 جنيه . علشان المواطن المصري يتجه للمنتج المصري لسببين الاول انه ارخص و الثاني انه مصري . و لكن النظام ده فاشل جدا لان بائع السيارة المصري بيشوف المواطن لو جاب نفس العربية دى من برا بالجمارك و الضرائب و النقل حتعمل كام و من هنا بيحدد ثمن العربية بتعاته باقل من اللى بتيجي من برا بحاجة بسيطة (علشان كدا تجار السيارات الخليجي مكسبهم محترم لان التوكيل بيعلي عن المفروض ) . من الاخر الجمارك هدفها حماية الصناعة الوطنية و بما اننا معندناش صناعة وطنية فاحنا بندي فرصة للمستوردين و التجار و المجمعين المحليين استغلال المواطن اسوء استغلال . معنى صناعة وطنية زى البيجو و الرينو و السيتروين كدا صناعة وطنية فرنسية و هكذا . الحل السليم توحيد التعريفة الجمركية لجميع السيارات و الاختلاف يكون على ضريبة الشراء بناء على ثمن السيارة و ليس السعة اللترية و يطبق ذلك بعد رفع الدعم بالكامل عن المحروقات مع الحفاظ على 0% جمارك على السيارات الكهرباء مع تحديد تعريفة ضريبة مخفضة .
طبعا أي كلام في أي كلام (معلش أستحملوني ) دول العالم كلها فيها جمارك أو بتسمها ضرائب(الجمرك حاجة و الضريبة حاجة تانية ) ما عدا دول الخليج و بالتالي أنا مش هاتكلم عن دول الخليج اللي البنزين فيها أرخص من المياه
عارفين الجين 2 في ماليزيا بكام … ماليزيا البلد المنتجة للعربية يعني لا جمارك و لا يحزنون و لكن عندهم ضرائب ….... ثمنها زي ثمنها في مصر
الجين 2 في أنجلترا زي ثمنها في مصر و بقية العربيات نفس القصة
الناس هناك بتدفع نفس ثمن العربية ….. و بيدفعوا ثمن البنزين الحقيقي بدون دعم
و كمان فوق ده كله عندهم تأمين أجباري مع شركة تأمين و ضرائب و مصروفات أغلى من مصر بكتير
أسعار العربيات الجديدة برة مصر زيها زي مصر باستثناء الخليج … و ممكن بعض العربيات أرخص في أمريكا علشان الضرائب في أمريكا أقل من أوروبا شوية بالتوازي مع الدخل في أمريكا أقل من أوروبا والحياة هناك أرخص من أوروبا أيضا .
المهم المقصد من الكلام أنه لا رابط بين الدعم و الضرائب أطلاقا
أزالة الدعم هو بالظبط زي بتر الخلايا الفاسدة بدل من تسكينها بالمسكنات
يعني هاتزعل و تعيط من الآلم شوية و بعدين تحس بالراحة
أنما المسكنات بتعملك تلاشي مؤقت للآلم و بعدين تفضل ترجع تاني

استاذ توت

والله حضرتك أنسان محترم و عقلانى جدا فى ردودك بالرغم من تدنئ اسلوب البعض معاك

اللى بيقولك انت بتبرر و تعمل ... هتبرر على أيه و ليه مانت هتشترى بنزين بالسعر الجديد زيك زى غيرك :)

موضوع الدعم الكلام فيه كتير و لازم يتشال بس جنبها نوفر بدلائل مناسبه و مراقبه للاسعار

عارف ليه علشان التجار و السواقين جشعين اصلا ... من سنتين اي بعد علو الدولار

التويوتا من اسكندريه للقاهره ب ٢٥ جنيه قبل الزياده بتاعت البنزين بقت ب ٣٥ جنيه ... ليييه ؟!

بيستغلوا مثلا الصيف و مفيش عربيات بتكفى يجى يرفع الاجره و يثبتها على كده

الرقابه ثم الرقابه دى المفروض انها تكون جاهزه على اكمل وجهه

المرور المفروض يكون دارس الموضوع دا و تاثيره و يتم تحديد لسعر الاجره يكون عادل للزبون و صاحب الميكروباص

موضوع المواصلات العامه دى اللى فيها الشغل كله ... المفروض يكون فيه نقله كبيره فى المواصلات عامه لانها فعلا متدمره

انا ركبت فى الصين اتوبيس ب ٢ يوان ... نضيف جدا و مكيف و شغال بالكهرباء :)) مش صعبه يعنى اليوان بيساوى ١.٢ جنيه

موضوع النسل في الصين دا صحيح مليون المئه و لو جبت عيل تانى بتدفع غرامه كبيره و فيه ناس بتدفع اللى معاها فلوس

وهناك عندهم حاجه تانى ... مش بيحبوا البنات قوى ... فمنعوا الكشف على الجنين فى الصين كلها

علشان لو عرفت بنت هتسقط الجنين :))) .... بيسافروا بره الصين علشان يكشفوا على الجنين

وفعلا الموضوع طا هيبان خيره قدام مش دلوقتى ... على مر عصور كتير الدين الداخلى و الخارجى فى زياده

لو حصل و قدرنا نخليه يقل كل سنه يبقى احنا هنتحسن ... الحكومه مجريتش تاخد قرض و تدعم بيه الطاقه و تحرقه فى الهوا

تحياتى ليك

هوا دا ... لو لحظت هتلاقى بيرش زى بتاع الترام و نضيففف جدا من جوه :) و فبه مكان يطلع منه المعاقين كمان

دايما الاهم من الخطوة
هو آلــية التنفيذ
وده شئ بنفتقده للاسف وبيؤدي لزيادة الضغط عالناس

أنا هاسألك سؤال أدام طلعت كلامي خاطئ 100 %

أنت أو أنا عندنا عربية ......... بنحط فيها بنزين تقريبا في الشهر متوسط قول 300 جنيه مصري يعني تقريبا حوالي 162 لتر بنزين
162 لتر بندفع فيه أو كنا بندفع فيه 1.85 قرش
تعالى نفرض أن سعر التكلفة للبنزين هو 4 جنيه (أنا معرفش هو كام فعليا )
يعني حضرتك و أنا بناخد من الحكومة دعم على كل لتر بنزين
تقريبا 2.15 جنيه
يعني في الشهر أكتر من 600 جنيه مصري
فين العدل في التوزيع ؟؟؟؟؟؟؟؟؟؟؟؟؟؟؟؟؟؟؟


[color="rgb(221, 160, 221)"]علشان تكون عارف ان دعم البنزين اصلا مش هو الاصل الاساس دعم الجاز يعنى اللى انا وانت بناخده من الدعم للبنزين اقل حاجه . [/color]


يعنى الناس الغلابة اللى فى الصعيد اللى انت بتتكلم عنهم اكتر ناس حتتأثر بالغاء الدعم .

وده برضه على اساس انك اعتبرت ان اللى عنده عربية 128 سعرها 10000 جنيه او سيات سعرها 5000 جنيه شخص غنى ال 128 لو موجودة فى انجلترا اللى بتتكلم عنها بتتباع ب 100 جنيه استرلينى او اقل كمان ده اصلا لو لقيتها سعر المرسيدس الشبح المستعملة موديل 2001 3000 جنيه استرلينى يعنى تقريبا 60000 جنيه .
طيب أنت عارف بتدفع ضرائب كام و تأمين أجباري كام على العربيات دي ؟؟؟
أنا هاحكيلك على حكاية صغيرة
مرة شوفت عربية بي أم دبليو موديل 6 سنين فاتوا
الكلام ده كان تقريبا في 2005
أتصلت بشركة التأمين علشان أسالهم على التامين هايكون كام (التامين اجباري هناك)
قالي فوق 1000 جنيه أسترليني في السنة .....
عارف ثمن العربية كان كام ؟؟
كان 200 جنيه أسترليني و صاحبها بيدلل عليها
علشان الضرائب هناك و التأمين على العربيات الكبيرة في السي سي و و العربيات الغالية زي البي أم ........ بيكون غالي


التأمين اللى انت بتتكلم عليه غالى برضه علشان لو انت موت حد التعويض حيكون غالى و دى شركات تأمين خاصة مش تبع الدولة