الموضوع: نظرة في ألغاء الدعم

طيب قبل ما أرد عليك عايز أقولك خلي بالك من أسلوبك و خليه أحسن من كدا

كلامي يا سيدي من خبرة العيشة هناك ..........
==============
تسمحلي بقى أنا أقولك أن كلامك مش مظبوط و هاشرحلك ليه .

مبدئيا
الجنيه المصري في مصر ....... زيه زي الجنيه الأسترليني في أنجلترا
ده وحدة العملة المحلية هناك و ده وحدة العملة المحلية هنا
هانتكلم بالوحدة .. يعني العملة ..... الفرق بيبقى في الرجوع لمصر و التحويل من أسترليني لمصري .
==========

الحد الأدنى للأجور في بريطانيا هو 6.31 أسترليني زي ما أنت قلت
و ساعات العمل هناك 40 ساعة مدفوعة الأجر أسبوعيا باجر كامل يعني 252 جنيه في الأسبوع يعني 1009 في الشهر
ده الحد الأدني اللي أغلب الناس بتأخده خصوصا اللي لسة بادئين العمل يعني لسة متخرج من المدرسة أو المعهد (ده يختلف عن خريجي الجامعات لأن عددهم هناك قليل جدا و التعليم الجامعي مش مجاني . )

طيب أنا قلت ان المتوسط 1500 أو 1700 و حضرتك عمال تقولي كلامك غلط و مش مراعي أي حدود للكلام بس مش مشكلة .

أيه الغلط في اللي أنا قلته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

تعالى نتكلم بقى ازاي الجنية الأسترليني هناك زي الجنية المصري هنا تقريبا

لو هانتكلم عن السكن و عن الأكل و الشرب و المواصلات .
نبدء بالسكن

الأيجارات هناك تبدء من 500 في حتة تعبانة ..... و تزيد شوية ل 900 لو في حتة متوسطة .
نقول أن مرتبك يا سيدي 2000 جنيه أسترليني بحالهم مش 1500 كمان

يعني نقول ندفع متوسط أيجار 700
فواتير كهرباء و غاز 200 جنيه شهريا ....... أقولك بلاش ... خليها 150 جنيه متوسط .
فواتير أنترنت و تليفون أرضي بالمتوسط برضه حوالي 20 جنيه .
فواتير محمول تقريبا 30 جنيه في الشهر لو على نظام الفاتورة و أغلبهم هناك على نظام الفاتورة .
كدا أحجنا صرفنا 700 + 150 +20+30 يعني 900 جنيه من غير أكل و شرب

تعالى نتكلم عن مصاريف الأكل
الأكل هناك أرخص من مصر في حاجات و أغلى في حاجات بس مش هانحول العملة زي ما أتفقنا .

يبقى انا شخصيا كنت بدفع في الأسبوع مصاريف أكل و شرب حوالي 120 جنيه يزيد أو يقل حسب الأحتياجات .

نيجي لمصاريف البنزين لو عندي عربية ...... حسب مشاويري طبعا و شغلي بعيد مسافة أيه عن بيتي
تعالى نقول أنه 200 جنيه يزيد أو يقل . (فيه ناس بتدفع أكتر من 200 جنيه أسترليني و أنا أعرفهم شخصيا )

هانضيف عليهم مصاريف الركن (مفيش هناك ركن ببلاش نهائي غير في المولات الكبير على شرط التسوق من هناك و مدتك ساعتين من الركن المجاني و بعد ذلك عليك الدفع أو تحريك السيارة لمكان آخر )

نقول ركن في الشهر تقريبا متوسط 200 جنيه كمان
لو مش عندك عربية و بتركب اوتوبيسات و مترو و شبكة المواصلات العامة .
هاتصرفلك في الأسبوع حوالي 130 أو أكتر حسب الزونز (Zones ) اللي أنت بتركب فيها (في أشتراك شهري أسمه أويستر أو سنوي على حسب أختيارك و قدرتك المادية )
أويستر ده بيغطي كل الأوتوبيسات و القطارات و المترو اللي في الزون اللي أنت شاريها .

أنا بقول متوسط ......... مش سعر فعلي ...... لأن السعر ممكن يزيد لو مشوارك أبعد و هكذا .

طيب تعالى نحسب أخر حاجة و هي المواصلات و الأكل و الشرب

يعني 400 جنيه مصاريف السيارة لو عندي عربية بالاضافة ل 480 جنيه أكل شهري (120*4 )

يعني 880 جنيه مصاريف شهريا تضاف لحوالي ل 900 جنيه مصاريف تم حسابها فوق .

يعني 2000 مرتب شهري و ده مرتب كبير - 880 - 900 = 220 جنيه متبقييين في آخر الشهر .

يعني أنا كمان محسبتش أي مصاريف نثرية زي الخروجات أو السجاير (لو بتدخن سجاير ) أو المخالفات .و لم أحتسب مصاريف ترخيص السيارة و التأمين اﻷجباري و الضرائب المستحقة و أي مصاريف لأصلاح السيارة .

و المرتب يتبقى منه أكتر لو مش بتركب سيارة و هايكون كالتالي

130 جنيه *4 = 520 جنيه بدلا من 880 مصاريف السيارة
يبقى 2000 - 520 - 900 = 580 جنيه أسترليني .


شوفت بقى أن الجنيه هناك زيالجنيه هنا كوحدة طالما بيتم صرفه هناك .

أنت هناك بتصرف 900 * 12 = أيجار شهري ؟؟؟

لو عايز تسأل على أي حاجة أنا معاك .......... كلامي ده مش عيشتي هناك .... مش بألف من دماغي .

=======================================

تعليقا على موضوع الحد الأدني للأجور في ألمانيا

طيب ألمانيا لسة عاملة الحد الأدئنى للأجور دلوقتي صح

طيب حضرتك فاكر هما خرجوا من الحرب العالمية الثانية ظروفهم أيه و كانوا بيعملوا و عملوا أيه علشان يوصولوا للي هما فيه دلوقتي ؟؟؟؟؟؟؟؟؟؟؟؟

دي حاجة ضد الحكومة الألمانية مش معاها بنفس مبدئك .

نسيت أحسب سعر رخصة التليفزيون ....... و اشتراك الكابل لو مشترك .
رخصة التليفزيون حوالي 13 جنيه في الشهر (التليفزيون هناك مش ببلاش زي هنا )
علشان تتفرج على قنوات البي بي سي لازم تدفع المبلغ الشهري ده .
لو عايز بقى تتفرج على حاجة تانية غير البي بي سي لازم تشترك كابل .... ممكن تدفع حوالي 30 جنيه في الشهر كمان .
و أنا تحت أمرك في أي استفسار واجابة أي سؤال متعلقة بالموضوع .

حضرتك عارف المصاريف في السويد كام ؟؟؟؟؟؟
عارف الأيجار الشهري في السويد كام ؟؟؟؟

الدخل لوحده مينفعش تقارنه ........... السعودية مختلفة عن مصر في المصاريف على سبيل المثال .

المشاركة الأصلية كتبت بواسطة ahmed abdkarim

وعلى فكرة الحد الادنى ده اللى بياخده العماله البسيطة . الكناس اللى بيمسح ارض المطعم الراجل اللى بيوزع الجرايد زى الوسيط كده ده الحد الادنى نقدر نقول زى 500 جنيه مرتب عندنا

لا حول و لا قوة إلا بالله العلي العظيم

دي حاجة، وبدون تجريح في أشخاص
أنا لاحظت ان المؤيدين للقرار واللي بيدافعوا عنه وبيبرروه يا إما ناس وضعها المادي مرتاح ( عربية جامدة 1 + عربية أجمد 2 في البروفايل)، يا إما ناس حاليا برة مصر ومش متضررة من القرار بشكل مباشر وبالتالي تناول الموضوع هيبقى اهدى من غير ما يتكوي بالتفكير حالا ازاي هتتعامل مع خراب الميزانية ويا ترى هعمل ايه اول الشهر الجاي؟

ملحوظة: أنا عايش برة مصر برضه ومش متضرر من القرار ده حاليا، بس الحمد لله بعرف احس بغيري وبأهلي وناسي اللي في مصر...اللي في الآخر راجعلها الله اعلم بعد شهر ولا سنة ولا عشر سنين..

شكرا على التلميح . شكرا جزيلا ... بجد مش عارف أقولك أيه

أصل أحنا ناس معندناش دم و مش بنفهم ........... أنا أسف ...

أنا هاسكت خالص ...

خلاص خلي مصر تستلف كل سنة كام مليار علشان تسد العجز بتاع الموازنة لأنك حضراتكم حساسيين خالص و أحنا معندناش دم .