الموضوع: نظرة في ألغاء الدعم

المشاركة الأصلية كتبت بواسطة ahmed abdkarim

اولا بالنسبة لاسلوبى انا لم اتجاوز او اخطئ فيك . وبتكلم بكل احترام و مش عيب لما حضرتك تغلط اقولك ان كلامك خاطئ

كلام خاطئ للمرة الثالثة

انا عمى عايش هناك لحد دلوقتى وكنت بفكر اسافر اخد ماجستير هناك ودرست الموضوع من كل جوانبه .

اولا الجنيه المصرى مش زى الجنيه الاسترلينى

كيلو اللحمة مش ب 70 جنيه استرلينى . كيلو اللحمة من 3 الى 5 استرلينى

كيلو الرز مش ب 5 استرلينى كيلو الرز ب واحد باوند

الفرخة مش ب 30 جنيه استرلبنى الفرخة من 2 الى 3 باوند

سعر لتر البنزين تقريبا 1.5 استرلينى فى مصر سعر اللتر 2.85 جنيه مصرى ( مش انت بتقول المفروض الجنيه المصرى زى الاسترلينى )


تانى حاجه ساعات العمل الدوام الكامل تقريبا بيتكون 48 ساعة اسبوعيا مش 40

يعنى تقريبا 1300 استرلينى مش 1000 استرلينى


وده الحد الادنى اللى بياخده ادنى حد فى المجتمع العمال الغير احترافيين . كاشير فى سوبر ماركت وهكذا مش اغلبية الناس



اولا الايجارات مش بتتبدأ من 500 فى حتت تعبانه الكلام ده برضه غلط

انا لما كنت حسافر كنت حقعد فى لندن فى شارع اسمه finchley rd
وده جنب محطة مترو بنفس الاسم ودى حته كويسه كنت حأجر شقه صغيرة شاملة الغاز والكهرباء والميه ب 420 جنيه فى الشهر

أه نسيت اقول لحضرتك ان فى انجلترا معظم السكن بيكون all inclusive يعنى شامل الكهرباء والميه والغاز والانترنت و احيانا رخصة التلفزيون .

وممكن حضرتك تدخل على الموقع ده وتتأكد .loot.com/


حضرتك حاسب الايجار + الميه + الغاز + الكهرباء 900 جنيه وهى فى الحقيقة 420 جنيه


اما بالنسبه للعربية فمعظم الناس هناك بتستخدم ال tube اللى هو المترو و المواصلات العامة


من الاخر حضرتك لو بتاخد 1500 استرلينى حتعيش كويس جدا فى انجلترا و حتسكن فى مكان نضيف تقريبا زى مدينة نصر او مصر الجديدة و حتاكل اكل نضيف و يبقى عندك عربية تويوتا كورولا 2005 مثلا لو انت فى مصر مستحيل تعمل كده ب 1500 جنيه

لو كلام حضرتك ده سليم يبقى اساس النظريه اللى قائم عليها كل كلام الاستاذ توت محتاجه تتراجع

المشاركة الأصلية كتبت بواسطة maghnom

نقول تاني

مصر لا تدعم المواطن في سعر البنزين ب قرش اصلا ... لو سعر البنزين عالميا 1 دولار 7 جنية يعني ...انا موافق ادفع سعر البنزين العالمي بس تديني العربية بالسعر العالمي ايضا ... يعني العربية ثمنها 12 الف دولار بموتور 1800 تلاقيها بتتباع في مصر ب 150 الف وبموتور اقل 1600 ... يعني الحكومة واخدة زيادة عن تمنها 70 او 80 الف جنية ... فلو الحكومة بتدعمني ب 4 جنية في اللتر وانا بفول اسبوعي 40 لتر يعني كدة بتدعمني ب 4*40= 160 جنية اسبوعي يعني 600 جنية شهري يعني 7200 سنوي دعم ... طيب كدة يا حكومة انا دافع كل الدعم مقدم لمدة 10سنين ومرة واحدة عبارة عن فرق تمن العربية ودون الاخذ في الاعتبار القيمة الحالية للنقود net present value .... دة في العربيات الرخيصة وفي العربيات الغالية صاحبها دافع الدعم مقدم ل 70 سنة قدام يعني لية وللورثة ... المرسيدس اس 500 افخم سيارة بالعالم ثمنها 90 الف دولار بتتباع في مصر ب 1.6 مليون ... الهامر اتش 3 ب29 الف دولار ... 90% من العربيات اللي ماشية في مصر تمنها بين 10-15000 دولار بمواتير 1800-2000 ..

دة غير رسوم التجديد السنوية للسيارة

الحقيقة ان المواطن المصري بيدعم الحكومة مش الحكومة هي اللي بتدعمة ...

مفيش يا فندم عربيه 1600 بيندفعلها أكتر من حاجه وتلتين الف جمارك
كون ان العربية اغلى من برة ب 80 الف جنيه دي سرقة وكيل وتاجر

مفيش دولة فى العالم مفهاش جمارك حتى امريكا حتي الخليج نفسه
امريكا نفسها الجمارك فيها 15%
هنا(0 - 20 - 40)

حضرتك بتفول صفحتين فى الاسبوع فى ناس بتفول كل يوم صفيحه
فى تكاتك بتفول كل يوم
فى مراكب كل يوم بتطلع من المنزله ودمياط مليانه بنزين مصري وسولار مدعم وبيتباع بره مصر

بخصوص الاس 500 الى اعرفه انها بتتجمع فى مصر وبالتالي الجمارك بتاعتها غير معروفه بالظبط
لانها اساسا لو تقفيل بلدها الجمارك بتاعتها هتكون النص وعلى 2019 هتكون الجمارك عليها صفر
وبعدين حضرتك بتقول تمنها 1.6 مليون يبقى صاحبها محتاج دعم ليه ؟

انا مش عايز ادخل مع حضرتك فى جدال لكن عايز اوضحلك نقطه صغيرة
الحكومه مش بتدفعلنا الدعم من معاها ولا حتى من الدخل القومي
فلوس الدعم بتيجي بالدين "السلف او الاقتراض بفوائد"

حضرتك بتدين ابنك على كل لتر تستخدمه دلوقتي يعني كل لتر عليه دعم 4 جنيه هيبقى بفوائدة 20 جنيه دين على أبن حضرتك كمان عشر سنين

مواليد الاربعينات "ابائنا" اتعلموا تعليم ممتاز "بشهادة زويل الى قارن التعليم ايامه بتعليم اوروبا" وحصلو على خدمات وفرص عمل بسهوله لان البلد على ايامهم مكنتش مديونه

مواليد السبعينات والتمنينات كانت بداية الهبوط فى مستوى التعليم والصحه وكافة الخدمات لوجود ديون على البلد " يعني على دماغهم وهما الي شالو وبيشيلو "

طيب مواليد الالفيه الجديده هيعملوا لو استمر الحال كده والدين عمال يزيد
ملحوظه الدين في الـ 3 سنين الى فاتت بس زاد بنسبة 60% زياده على القديم الى بقالة 50 سنة
50 سنه حصل فيهم تلت حروب وصل الدين ل 1200 مليار جينا فى 3 سنين بس اندينا فوق القديم بـ 700 مليار يعنى بنسبة 60% تقريبا

الدين ده مين الى هدفعه ؟
ابن حضرتك