الموضوع: السلام عليكم انا عضو جديد معاكم و كنت عاوز اسال شويه اساله

المشاركة الأصلية كتبت بواسطة white ashe

انا والله مش عارف اشكرك ازاي
يعني الابيزا افضل صاج و عزل و تقفيل
و الكولت احسن سبات و سرعه و تسارع
صح كده الي انا فهمته الكلت احسن في السبات و العربيتين بيتسقتلهم مواتير عليا يبقي الكولت احسن

انا مقولتش ان الكولت احسن سرعة وتسارع
السرعة والتسارع ده هيكون على على حسب الموتور اللى فى كل عربية

تقدر تدخل قسم ميتسوبيشى وتسأل ايه اكبر موتور بيتسقط فى الكولت وتعالى وانا اعملك مقارنة بينه وبين موتور الابيزا

الثبات فى الكولت اعلى لأن عفشتها مالتى لينك وارتفاعها اقل من الابيزا وعشان كده هى اثبت
ومش معنى كلامى ان ثبات الابيزا مش حلو وانها بتمشى تقلب على طول

المشاركة الأصلية كتبت بواسطة white ashe

و معلش ايه رايك في الفورد الفيستا و انا اهم حاجه عندي السبات و بعديها المواتير الاستوك و الي ممكن يتسقط و اعتماديه و قطع غيار و تقفيل و عزل يسلام لو تظبطني و تقولي السبات رقم 1 كذا و 2 كذا بالترتيب في كل حاجه حتي عشان مفضلش ادوشك كل شويه و انا اسف تاني انا عارف اني اكلت دماغك

ياباشا
كل العربيات اللى انت قولتها دى لا غبار عليها وكلهم احسن من بعض والفروقات بينهم مش كبيرة ومش ملحوظة إلا للى ركبهم كلهم
وبما ان دى هتكون اول عربية ليك يبقى تجيب اللى حالتها كويسة واللى ليها قطع غيار فى بلدك وميكانيكية بيشتغلوا فيها عشان متكرهش حياتك