آراء الناس ،، هل ستنجح متسوبيشي اتراج ??

**ab_1090** · 20-07-2014 04:04 PM

في حاجه غريبة الناس مفكرا ان حجمها علي 1200 سي سي صعب جدا
السؤال يعني اه 1200 سي سي اصلا
الاغرب ان عربيات الفولكس فاجن منزلا مواتيرها 1400 سي سي
في عربياتها كروس اوفر زاي تيجوان لو بنكلم عن الكبر شوف العربية دي اد اه
الفرق انها 1400 تربو يعني لازم بنزين 95
ودي 1200 2 كامة 80 حصان تاخد 92
بلاش كدا الافيو الاتوماتيك 97000 جنية
دي نزلها 103000 وراكب متسوبيشي مش شيفرولية مصري

**مؤمن حمزه** · 20-07-2014 04:32 PM

الافيو الاوتوماتيك 101900 و انا جايب الاتراج ب102500 يعنى نفس السعر تقريبا...بس شتان مابين الاتنين...الافيو مش عربيه اصلا...

**semsemworld** · 20-07-2014 05:10 PM

المشاركة الأصلية كتبت بواسطة مؤمن حمزه

kokowasfy

يا استاذنا اعمل تيست درايف للعربيه و شغل التكييف و اجرى و اعمل اللى انت عايزه و اراهنك لو لقيت تسارعها بطيىء او سحبها ضعيف....اراهنك......انا كنت فاكر زيك لكن لما جربتها اتصدمت ...اعملها تيست درايف و هتكتشف ان كلامك مش صح

+1111111111111 ..... انا عملت فعلا تست درايف بالتكيف و العربيه فعلا ممتازه بالنسبة ل 1200 سى سى و الفرامل بتعتها كويسة جدا و العربه وسعه جدا اكتر من ما كنت متخيل...... انا رشحتها لواحد صحبى بس مسمعشى الكلام وراح جاب افيو......
بس اللى انا لاحظه ان العريه فى رجه فى الموتور على n ولما سالت لقيت د علشان هى 3 سيلندر

**D . a .\ AYMAN** · 20-07-2014 08:56 PM

المشاركة الأصلية كتبت بواسطة semsemworld

+1111111111111 ..... انا عملت فعلا تست درايف بالتكيف و العربيه فعلا ممتازه بالنسبة ل 1200 سى سى و الفرامل بتعتها كويسة جدا و العربه وسعه جدا اكتر من ما كنت متخيل...... انا رشحتها لواحد صحبى بس مسمعشى الكلام وراح جاب افيو......
بس اللى انا لاحظه ان العريه فى رجه فى الموتور على n ولما سالت لقيت د علشان هى 3 سيلندر

أهي هي الرجة دي اللى أنا أقصدها من موضوع الثلاثة سلندر ... لأني كان معايا الألتو وهي ثلاثة سلندر برضه وكان الرجة دي الطبيعي بتاعها لما يكون الموتور شغال على الحمل الخالي ...

... وده طبيعي جدا على فكرة (عشان ما حدش يفتكر إن ده عيب) لأن بيكون فيه إثنين بستم بيرموا في ناحية وبستم واحد بيرمي الناحة التانية المضادة فالموتور هايروح شوية ناحية الإثنين بستم وبعديها بجزء من الثانية هاتتعكس الدورة والإثنين

عشان كدة أنا اتخنقت بما فيه الكفاية من الثلاثة سلندر وعشان كدة برضه البيكانتو والسويفت أنعم منها بكثير

**ab_1090** · 20-07-2014 11:53 PM

المشاركة الأصلية كتبت بواسطة مؤمن حمزه

الافيو الاوتوماتيك 101900 و انا جايب الاتراج ب102500 يعنى نفس السعر تقريبا...بس شتان مابين الاتنين...الافيو مش عربيه اصلا...

+1111111111111111111111111

علي فكرة سعرها زاد دلوقتي وبقا 103000 جنية
وحيزيد كمان

**kok3** · 21-07-2014 04:57 AM

العربيه دي هتنجح في مصر جامدي اخر حاجه متسوبشي مبتهزرش في عربياتها وخصوصا لما تعمل حاجه اقتصاديه ١٢٠٠ سي سي الفكرة بس ان ١٠٠٠٠٠ الف جنيه في عربية اقتصادية في مصر يعني تقريبا ١٣٩٠٠$ دولار الرقم دا تشتري بية بي أم إو مرسيدس موديل ٢٠١٠ ولا حاجة برا مصر ف الخليج أو غيرو علي أي حال البومة هنا بقت بالسعر دا مستعملة ال ١٣٠٠ سي سي موديل سنتين فاتو الواحد عاوز يشتغل هنا عمرو كله عشان يجيب عربيه كفاية قوي يشتغل شهرين تلاته برا مصر عشان يركبها

**eng.m7md.ali** · 21-07-2014 05:27 AM

بالنسبة لاسم الموضوع هو ان العربية هتنجح بفضل زكاء وعبقرية الشعب المصري اللي نجح قبلها الفيرنا والشاهين واللادا 2107

مع احترامي طبعاً للملاك .. العربية دي متسواش 60 الف في نظري .. زيها زي البيكانتو وال i10 والعربيات الصغيرة دي

ايه يعني لما اوفر شوية بنزين واخسر امكانيات كتير زي الشكل والتصميم والاداء والثبات والكماليات والامان والتقفيل والراحة .. ايه يعني لما العربية تبقى اسمها متسوبيشي !! .. للاسف شركة متسوبيشي اعتمدت على ثقة الناس في اسمها اكتر من اي حاجة تانية

مش عايز حد من الملاك يزعل مني ومن كلامي .. بس ياريت اي حد معاه العربية دي يقولنا كان راكب ايه قبلها عشان يقارن ويقول العربية قمة في الثبات او سحبها ممتاز جداً !!

العربية يا جماعة ثباتها يعتمد عالتصميم والعفشة الخلفية وارتفاع العربية والشاسيه .. اعتقد كل ده باين من شكلها وتصميمها

واسف مرة تانية

**eng.m7md.ali** · 21-07-2014 05:39 AM

نسيت اقول حاجة مهمة ..

الموضوع ده بيفكرني بواحد صاحبي في السعودية "مصري" بيقارن بين التويوتا كرولا زيرو والفورد موستنج 2010 ال2 تقريباً بنفس السعر .. وفي الاخر الموضوع رسي على تويوتا كرولا عشان فقط موفرة في البنزين .. لكن في المقابل استغنى عن حاجات كتير جداً مقابل توفير البنزين مع ان البنزين هناك رخيص جداً !!!

ودلوقتي بيندم على اختياره

**D . a .\ AYMAN** · 21-07-2014 06:38 AM

المشاركة الأصلية كتبت بواسطة eng f3lix

نسيت اقول حاجة مهمة ..

الموضوع ده بيفكرني بواحد صاحبي في السعودية "مصري" بيقارن بين التويوتا كرولا زيرو والفورد موستنج 2010 ال2 تقريباً بنفس السعر .. وفي الاخر الموضوع رسي على تويوتا كرولا عشان فقط موفرة في البنزين .. لكن في المقابل استغنى عن حاجات كتير جداً مقابل توفير البنزين مع ان البنزين هناك رخيص جداً !!!

ودلوقتي بيندم على اختياره

**kantofanto** · 21-07-2014 07:56 AM

المشاركة الأصلية كتبت بواسطة eng f3lix

نسيت اقول حاجة مهمة ..

الموضوع ده بيفكرني بواحد صاحبي في السعودية "مصري" بيقارن بين التويوتا كرولا زيرو والفورد موستنج 2010 ال2 تقريباً بنفس السعر .. وفي الاخر الموضوع رسي على تويوتا كرولا عشان فقط موفرة في البنزين .. لكن في المقابل استغنى عن حاجات كتير جداً مقابل توفير البنزين مع ان البنزين هناك رخيص جداً !!!

ودلوقتي بيندم على اختياره

و لو كان جاب الفورد موستنج كان هيندم برضوا عليها مع احترامى الكامل للفورد اللى انا ركبها اصلا لان الفورد فى السعودية قطع غيارها غالية اووى مقارنة بالتويوتا و مفيش حد بيفهم فيها و كانت هتقرفه جداً و هو فعلا اختار الاختيار الاصح التويوتا هناك الكل راكبها و لو عايز يبيعها فى لحظة هايبعها و قطع غيارها متوفرة بدرجة رهيبة جدا ً مع اختلافى معه فى المعيار اللى اختار عليه العربية ، بس هنا فى مصر الوضع مختلف زى ماحضرتك قولت لان طبيعةالشعب العبقرىاللى انا منهم نجح عربية زى الفيرنا و الشاهين و اللادا دا غير 128 فيات طبعا فتوقع منه ينجح اى شئ حتى لو مكنش كويس ولا كان جيد ، حضرتك متخيل ان فى ناس بتشكر فى البى واى دى بمجرد ان سواقين التاكسر ركبوها من غير مايعرفوا عنها اى شئ ( مع احترامى الكامل للعربية بس المعيار مش يبقى ده و بس ) و اسف للاطالة.

الموضوع: آراء الناس ،، هل ستنجح متسوبيشي اتراج ??

LinkBack

أدوات الموضوع

عرض

-

-

-

-

المواضيع المتشابهه

متسوبيشي اتراج

محتاج آراء حضراتكم

آراء الخبارء !

هل ستنجح الضغوط في الالتفاف علي إرادة المصريين

هل ستنجح الخرائط التفصيليه فى مصر؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة