الموضوع: آراء الناس ،، هل ستنجح متسوبيشي اتراج ??

المشاركة الأصلية كتبت بواسطة ab_1090

مع احترامي الكامل لكلام حضرتك
حضرتك قولت متسواش غير 60000 الف جنية طيب هوا في عربية دولوقتي 60000 الف جنية
استحالة بنفس الامكانيات
يعني لما تدفع 90000 جنية في فيرنا اتو كدا تسواي ولا في افيو 101000 جنية اتو كدا تسواي

انا قبل ماركب العربية دي كنت راكب قبلها بالامانة الاتي
لانسر بومة 2007 1600 سي سي
تويوتا كورولا 2002 1300 سي سي اتوماتيك
لانسر بومة 2006 1600 سي سي
لانسر بومة 2008 1600 سي سي اتوماتيك
نيسان صني 2013 اتوماتيك

لاني من هواه التغير ودا خسرني كتير
انا الاول كنت حشتري لوجان الجديدة بس الحمدالله
شفت اتراج ركبتها استغربت من قوتها والاهم والاهم
انها شبية جدا جدا بالتويوتا حتي صحابي لما ركبوها قالولي دي شبة التويوتا
الكراسي الداخلية مريحة وعالية
حتي حزام الامان عاملوها زاي التويوتا لازم تلبسة او حتسمع صوت سرينة مزعج جدا
لاول مرة اشوف متسوبيشي علي كاتينة مش سير
والاهم الباور كهربا مش سير وجربتة في سرعات عالية بيفصل بالتدريج مع السرعة
انا بصراحة اول ماشتريتها كنت خايف اشغل التكيف خفت من السحب
لكن لما شغلتة قولت استحالة تكون 1200 سي سي
ودا عشان ماتورها 2 كامة بيدي 80 حصان طبعا تحفة
انا ليسا شاريها من اسبوعين عامل بيها 800 كيلو نظرا لاني يوميا بقطع حوالي 70 كيلو
طبعا البنزين موفر ومش بحس بيها لدرجه اني شكيت في مؤشر البنزين
لكن مع التكيف استهلاك البنزين في الزحمه الجامدة يعني يعتبر واقف بيزيد عشان الكامة التانية بتفتح
انا قولت افيد ولو في اي سؤال تحت امرك

ربنا يكفيك شرها ويديك خيرها ويباركلك فيها

احنا لو في بلد محترم للاسف سعر العربيات دي عمرها ماهيوصل لكدة .. "الافيو الاتراج البيكانتو الفيرنا" .. كلها عربيات فئة صغيرة مش متوسطة عشان تبقى بالسعر ده كله .. العيب علي المستهلك انه بيشتري العربية مهما كان سعرها لمجرد انها عجباه في نقطة او 2 ونسي ان سعرها الاصلي بعيد عن السعر المعروضة بيه

العربية دي لو كانت نزلت من سنتين كنت هتلاقي سعرها 65 الف زيها زي البيكانتو وال i10 والسبارك في نفس الوقت ده .. بس المصري لما بيشتري اكتر سعر السلعة بيزيد اكتر واكتر .. نصب توكيلات

المشاركة الأصلية كتبت بواسطة kantofanto

و لو كان جاب الفورد موستنج كان هيندم برضوا عليها مع احترامى الكامل للفورد اللى انا ركبها اصلا لان الفورد فى السعودية قطع غيارها غالية اووى مقارنة بالتويوتا و مفيش حد بيفهم فيها و كانت هتقرفه جداً و هو فعلا اختار الاختيار الاصح التويوتا هناك الكل راكبها و لو عايز يبيعها فى لحظة هايبعها و قطع غيارها متوفرة بدرجة رهيبة جدا ً مع اختلافى معه فى المعيار اللى اختار عليه العربية ، بس هنا فى مصر الوضع مختلف زى ماحضرتك قولت لان طبيعةالشعب العبقرىاللى انا منهم نجح عربية زى الفيرنا و الشاهين و اللادا دا غير 128 فيات طبعا فتوقع منه ينجح اى شئ حتى لو مكنش كويس ولا كان جيد ، حضرتك متخيل ان فى ناس بتشكر فى البى واى دى بمجرد ان سواقين التاكسر ركبوها من غير مايعرفوا عنها اى شئ ( مع احترامى الكامل للعربية بس المعيار مش يبقى ده و بس ) و اسف للاطالة.

كلامك صح ياباشا .. بس احنا بنتكلم عن فورد .. يعني امريكي .. يعني اعلى اعتمادية زي الياباني .. يعني صعب عربية موديل 2010 تفتح بوقها بسهولة كدة .. الكلام ده كان سنة 2013 يعني العربية كان بقالها 3 سنين بس

بس لعلم حضرتك انا لو مكانه هختار الفورد وانا مغمض وهتغاضى عن قطع الغيار والحاجات اللي حضرتك قولتها في مقابل مزايا كتتتييييييييييير جداً السحب الغبي والثبات والفرامل والتكييف والبريستيج العالي والاحساس بالفخامة والخامات العالية والتقفيل الممتاز والرفاهية الكبيرة والكماليات الاكتر والامان العالي والصاج السميك والاهم من ده كله الصوت المميز لل 8 سلندر الامريكي

ويوم مااغلب ومش هعرف اصلحها هنزل بيها مصر دلوقتي بقي ليها انصاص في الحرفيين وناس كتير بتشتغل في الفورد او الامريكي عمتاً .. او هبيعها على حالتها

المشاركة الأصلية كتبت بواسطة semsemworld

+1111111111111 ..... انا عملت فعلا تست درايف بالتكيف و العربيه فعلا ممتازه بالنسبة ل 1200 سى سى و الفرامل بتعتها كويسة جدا و العربه وسعه جدا اكتر من ما كنت متخيل...... انا رشحتها لواحد صحبى بس مسمعشى الكلام وراح جاب افيو......
بس اللى انا لاحظه ان العريه فى رجه فى الموتور على n ولما سالت لقيت د علشان هى 3 سيلندر

ممكن اعرف رجه جامده يعنى محسوسه قوى ولا عادى لازم تكون مركز مع العربيه قوى عشان تحس بيها ومعلش هتقل عليك ايه اخبار سحب العربيه ؟

المشاركة الأصلية كتبت بواسطة ab_1090

مع احترامي الكامل لكلام حضرتك
حضرتك قولت متسواش غير 60000 الف جنية طيب هوا في عربية دولوقتي 60000 الف جنية
استحالة بنفس الامكانيات
يعني لما تدفع 90000 جنية في فيرنا اتو كدا تسواي ولا في افيو 101000 جنية اتو كدا تسواي

انا قبل ماركب العربية دي كنت راكب قبلها بالامانة الاتي
لانسر بومة 2007 1600 سي سي
تويوتا كورولا 2002 1300 سي سي اتوماتيك
لانسر بومة 2006 1600 سي سي
لانسر بومة 2008 1600 سي سي اتوماتيك
نيسان صني 2013 اتوماتيك

لاني من هواه التغير ودا خسرني كتير
انا الاول كنت حشتري لوجان الجديدة بس الحمداللة
شفت اتراج ركبتها استغربت من قوتها والاهم والاهم
انها شبية جدا جدا بالتويوتا حتي صحابي لما ركبوها قالولي دي شبة التويوتا
الكراسي الداخلية مريحة وعالية
حتي حزام الامان عاملوها زاي التويوتا لازم تلبسة او حتسمع صوت سرينة مزعج جدا
لاول مرة اشوف متسوبيشي علي كاتينة مش سير
والاهم الباور كهربا مش سير وجربتة في سرعات عالية بيفصل بالتدريج مع السرعة
انا بصراحة اول ماشتريتها كنت خايف اشغل التكيف خفت من السحب
لكن لما شغلتة قولت استحالة تكون 1200 سي سي
ودا عشان ماتورها 2 كامة بيدي 80 حصان طبعا تحفة
انا ليسا شاريها من اسبوعين عامل بيها 800 كيلو نظرا لاني يوميا بقطع حوالي 70 كيلو
طبعا البنزين موفر ومش بحس بيها لدرجه اني شكيت في مؤشر البنزين
لكن مع التكيف استهلاك البنزين في الزحمه الجامدة يعني يعتبر واقف بيزيد عشان الكامة التانية بتفتح
انا قولت افيد ولو في اي سؤال تحت امرك

كلامك مفيد وشكرا ليك انك بتنقل لنا خبرتك بس عايز اعرف السحب كويس لانى معايا i 10 وسحبها مقبول وعايز اعرف السحب مع التكيف عامل ايه وعامله ايه فى المطبات وهيا محمله وعمله ايه فى الحفر اللى فى الشوارع بتخس بيها جامد ولا حاجه بسيطه وتقريبا التنك بيعمل قد ايه بالكيلو متر واسف على الاطاله

المشاركة الأصلية كتبت بواسطة shedoz

ممكن اعرف رجه جامده يعنى محسوسه قوى ولا عادى لازم تكون مركز مع العربيه قوى عشان تحس بيها ومعلش هتقل عليك ايه اخبار سحب العربيه ؟

اي عربية 3 سلندر فيها هزة ملحوظة .. وطبعاً هتزيد مع الوقت مع تهالك قواعد الموتور

المشاركة الأصلية كتبت بواسطة d.ahmed ismail

1200 سي سي
اكيد توفر بنزين
احتمال سحب جيد
استحاله تكييف و سحب

كلامك 100 في 100 صح

موضوع الرجه ده انا مش حاسس به فى عربيتى خالص ...السحب كويس جدا و مع التكييف كويس برضه ماحسيتش بفرق كبير .....كل واحد بيجيب عربيه تلبى احتياجاته الشخصيه انا راضى جدا عن العربيه و عن ادائها حتى الان و كنت متوقع منها اقل من كده و لكن العربيه كانت مفاجأه بالنسبه لى......اللى كان يهمنى فى العربيه انها تكون عاليه عن الارض علشان المطبات و موفره فى البنزين و تكييفها كويس و فى نفس الوقت قطع غيارها متوفره و مش غاليه قوى و يكون تقفيلها كويس و موتورها قوى و مافيهاش عيوب تصنيع ...و ده لقيته فى الاتراج بعد مقارنه مع الافيو و اللوجان و النيو صنى....العربيه ممتازه جدا معايا و بتلبى احتياجاتى ...انا متزوج و عندى اولاد و مراتى بتركبها و مشاويرى كلها جوه القاهره فالاتراج بالنسبه لى مثاليه ....و سواقتها سلسه و سهله جدا...العربيه دى هتنجح ان شاء الله لانها عربيه كويسه فعلا...