آراء الناس ،، هل ستنجح متسوبيشي اتراج ??

**sameh1982elola** · 15-08-2014 10:47 AM

حضراتكم فانوسها الامامى بكام وياترى بعد سنتين سحبها 1200 سى سى هيفضل زى ما هوه والا هيقل وبالنسبة للناس اللى بتركن فى الشارع وبالنسبة لسعر اعادة البيع ........اللى هيجاوب على الاسئلة دى هيعرف ان العربية مبالغ فى سعرها جدا

**eng.m7md.ali** · 15-08-2014 03:27 PM

المشاركة الأصلية كتبت بواسطة ab_1090

باشا نقطة بسيطة بعد اذنك
جميع الشركات عند اخيتار سمك الصاج يكون علي معاير واسس
منها وزن السيارة قوة تحمل والخ
بمعني الجزء الخاص بالرفر الامامي مثلا
سياره مثل الرينو الرفر الامامي لها فايبر ودا لية سبب
السبب لانة عند التصادم يقوم الرفر الامامي بالضغط علي الباب ومنها الي السائق
في حالة الرفر الفايبر حيكسر ومنها مش حيضغط علي الباب
ومنها مش حيأثر علي الراكب الامامي
لو حضرتك شوفت التيست كراش ودي ناس مش بتهظر حلوة حلوة وحشة وحشة
حتلاقي الباب الامامي للسائق محصلهوش حاجة
حاجة اخير التيست كراش مش بيضغط بايده علي العربية عشان يعرف مدي استحمالة
دا بيجري بيها علي سرعة فوق 100 ويصدمها بشئ ثابت
عايز اه اكتر من كدا
حاجة اخيره بعد اذنك
لو فتحت كابوت العربية الاتراج
حتلاقية عاملك زاي سفنج مكبوس مقوي لامتصاص الصدمات الجانبية
ودا بيستخدم في العربيات الالماني عند الاكصدام

الفيصل في الاختبارات هو العضم مش الصاج .. وانا شايفها ممتازة من حيث الاختبارات دي لانها خدت 5 نجوم

بس احنا في بلد تكون راكن العربية في الشارع تلاقي طفل طلع يتنطط ولا شوية شباب حبو يريحوا شوية عليها هيبقى ايه موقف الصاج التعبان الغلبان ده؟

هل هيرضيك انك تركب عربية كلها انبعاجات وخبطات وصاج متني ومطبق؟

**هانى شوقى** · 15-08-2014 04:23 PM

المشاركة الأصلية كتبت بواسطة sameh1982elola

حضراتكم فانوسها الامامى بكام وياترى بعد سنتين سحبها 1200 سى سى هيفضل زى ما هوه والا هيقل وبالنسبة للناس اللى بتركن فى الشارع وبالنسبة لسعر اعادة البيع ........اللى هيجاوب على الاسئلة دى هيعرف ان العربية مبالغ فى سعرها جدا

فانوسها 950 جنيه دا طبيعى لاى شئ جديد
بعد سنتين محدش يقدر يحكم عليه دلوقت
اعادة البيع اكيد مش هتبقى سيئة خصوصا لو اثبتت نفسها
مبالغة السعر (متنساش انك فى مصر ) كل شى مبالغ فيه

**DR-AHMED HELAL** · 16-08-2014 03:12 AM

يا جماعة الموضوع بسيط ... اللى شايف ان العربية مناسبة ليه هيشتريها لمميزاتها اللى هو محتاجها و لو حد شايفها مش مستاهلة الفلوس دى اكيد شايف ان الامكانيات بتاعتها قليلة و مش مناسبة ليه و انه بنفس الفلوس هيشترى لوجان مثلا

العربية تقارن باللى زيها زى البكانتو و سويفت الجديدة لكن المقارنة مع اللوجان مثلا يبقى احنا كده مش منصفين و لو على الفلوس باقلمن كده و تجيب اسبيرانزا اعلى من كل دوووول فى الاوبشن

**m_elhasafy** · 21-10-2014 04:26 PM

السلام عليكم
انا ليا سؤالين بس لملاك الاتراج:
لو انت ماشى على سرعة 100 الاربىام بيبقى على كام؟
هل الابواب بها دعامات جانبية للوقاية عند التصادم الجانبى؟

**mestca** · 21-10-2014 06:18 PM

rpm على سرعة 100 بيبقى 2250 بالظبط
و الابواب مدعمةمن الداخل و العربية الاتراج و الميراج حاصلين على 5 نجوم فى مواصفة الامان فى اوربا و على فكرة الاتراج و الميراج بنية واحدة و الخلاف الوحيد بينهم هو الشكل الامامى و الشنطة فقط
و بيتصنعوا على خط تجميع واحد و فى وقت واحد Mitsubishi Mirage/Attrage 2014 vidéo de la ligne de production - YouTube

**memo_p910** · 23-10-2014 12:11 AM

العربيه واضح انها كويسه جدا وعمليه ومحدش لقى فيها عيب لغاية دلوقت علشان كده عمالين تتكلموا عن الصاج وانه ضعيف وانا شايف ان ده كلام مرسل ملوش اساس

**sokasoon** · 23-10-2014 06:31 PM

معلش انا عندى بعض التحفظات على بعض النقط
اولا مافيش عربية كورى مش يابانى اوتوماتيك بـ 60000ج
ثانيا اقرب حاجة للاتراج فى السعر الـ i10 بـ 91 الف والجراند بـ 106 الف والبيكانتو 105 الف و 109 الف كاملة ومن غير ايرباج ولا ABS
لما اقارنهم بعربية يابانى من حيث السعر والكماليات والوسع هلاقى الاتراج بـ 103 و113 اوسع من الاتنين وفيها ايرباج وABS ويابانى
مافيش اى مبالغة فى السعر مقارنة بمثيلتها اقربهم البيكانتو

**m_elhasafy** · 23-10-2014 06:38 PM

ممكن سوالين كمان :)
هو المفتاح عادى و لا فولد (السلاح بيتقفل و بيتفتح) ؟
و هل التوكيل بيركب انذار و بارك سنسور و لا لا؟
معلش الاسئلة كتيرة بس انا العربية دخلت دماغى لانى شايف انها فيها تكنولوجيا عالية فى الموتور و الفتيس و بالتالى تمتها يعتبر مناسب لقيمتها اللى مش هيحس بيها الا اللى راكبها ... مش شوية بهرجة و زراير و نواكل على موتور وفتيس اكل عليهم الدهر و شرب

**D . a .\ AYMAN** · 23-10-2014 08:51 PM

المشاركة الأصلية كتبت بواسطة sokasoon

معلش انا عندى بعض التحفظات على بعض النقط
اولا مافيش عربية كورى مش يابانى اوتوماتيك بـ 60000ج
ثانيا اقرب حاجة للاتراج فى السعر الـ i10 بـ 91 الف والجراند بـ 106 الف والبيكانتو 105 الف و 109 الف كاملة ومن غير ايرباج ولا abs
لما اقارنهم بعربية يابانى من حيث السعر والكماليات والوسع هلاقى الاتراج بـ 103 و113 اوسع من الاتنين وفيها ايرباج وabs ويابانى
مافيش اى مبالغة فى السعر مقارنة بمثيلتها اقربهم البيكانتو

طيب وبالنسبة للسوزوكي السويفت ... ياباني وفيها 2 إيرباج وإيه بي إس وأربعة سلندر وموتور أقوى بـ 9 حصان على وزن متقارب وإيروديناميكية أعلى وتقفيل أفضل وأجود وفي الآخر السويفت الهاتش باك أرخص من الأتراج الهاي لاين اللى هي زيها في المواصفات بأكثر من 10 ألاف جنيه والسويفت السيدان أرخص بخمس آلاف

أنا شايف أن تسعيرها مبالغ فيه جدا ...

وتسعير البيكانتو والجراند آي تن مالوش محل من الإعراب أساسا ... مش حتى مبالغ فيه بس