الموضوع: استفسار ضروري بخصوص موتور بيجو ٥٠٨

المشاركة الأصلية كتبت بواسطة hany63

الله يخليك ده القسم منور بحضرتك وبالزملاء المحترمين اللي ليهم الفضل في اختيار ال ٥٠٨ رغم ان تجاربي القديمه مع بيجو كانت بعيد عنك مش قوي اول مره اتدبست زمان في ٢٠٥ و انضحك عليا فيها كانت خرده بمعنى الكلمه مفيهاش بلا مبالغه مسمار الا و مستهلك لدرجة ان مره الدركسيون فرك من مشرشر العلبه و التابلوه كان بينط و عصاية الفتيس طلعت في ايدي طبعا مفيش داعي اتكلم عن الموتور و العفشه و الفتيس الحاجه الوحيده انها مكنتش راشه دواخل ههههههه
تاني عربيه كانت بتاعة الوالد ٤٠٥ و كنا جايبنها عامله ١٦ الف بس الغلطه انها كانت بتاعة شاب ابن لواء كبير في الجيش كان مبهدلها برضه موتور و عفشه لدرجة اننا عملنا طقم صباب بس الوالد كان بيحبها لحد ما اتباعت


انا على العموم رحت امبارح حجزت ال ٥٠٨ و الاستلام في خلال شهرين و دعواتكم معايا و تظبط و تبقى التالته تابته و خصوصا ان دي من المرات النادره اني اشتري عربيه من غير ما اجربها

طيب ماتروح تطلب اختبار قياده الاول (Test Drive)
علشان تقدر تقرر وتشوف راحتك فين ..... بدل ماتحس انك مش مبسوط

كل عاو وانتم بخير

الف مبروك مقدما والعربية مع صديق لي وهو مبسوط منها جداً
ولولا ان شغلي كلة مواقع كنت فكرت فيها لكن أنا حسيت انها مش بتاعة مواقع وعلشان كدة فضلت الاوكتافيا