الموضوع: الحقيقة النهائية عن محرك byd - 1500 الجديد المستخدم فى f3 - l3

مع ان هذه المشاركة لا تخص المحرك والفتيس الذى يتحدث عنهم الموضوع الأصلى
ولكنها ستعطينا تصور وفكرة واضحة عن اوجه التعاون بين شركات السيارات فى جميع انحاء العالم

وسنبدأ بقصة الشركة الصينية LIFAN مع BMW

فى عام 1997 اسست كريزلار الأمريكية مع روفر البريطانية وكانت فى هذا الوقت تابعة لشركة BMW مصنع فى مدينة كامبو لارجو بالبرازيل
لصنع محركات السيارات وفى سبتمبر 1999 بدأ الأنتاج ثم ظهر للعالم المحرك الشهير المعروف بأسم Tritec
وتم تركيب هذا المحرك على السيارتين

MINI & CHRYSLERTP
وفيما بعد تم تركيبه فى السيارة الصينية Chery A15

ولكن فى 2007 أشترت شركة ليفان الصينية المحرك
وبدأت فى انتاج المحرك تحت اسم ليفان وليس بأسمه الأصلى Tritec
فلماذا لم تستفيد بالأسم الأصلى المشهور عالميا
لأن BMW التى كانت صاحبة كل الحقوق بعد خروج كريزلار من التحالف باعت التصميمات والتكنولوجيا وخطوط الأنتاج للشركة الصينية
ولكنها رفضت بيع الأسم والعلامة التجارية واحتفظت بهم فلماذا ؟

فهكذا تفعل الشركات الكبرى وكأنها تقول
ان اصرح لك بنقل التكنولوجيا التى تخصنى فهذا شئ وله ثمن
ولكن ان اعطيك علامتى التجارية المشهورة لتستخدمها فهذا شئ اخر وله ثمن اخر !
وقد كررت BMW نفس التصرف مع شركة SAIC الصينية التى باعت لها شركة روفر
فقد أحتفظت بالسيارة MINI واحتفظت بالأسم والعلامة التجارية لروفر ولم تبيعهم لأن اسم روفر له ثمن مستقل

فى الحقيقة فأن موضوع التعاون والتحالفات وشراء الحقوق ونقل التكنولوجيا بين شركات السيارات اكثر تعقيدا من هذا

وليعرف به اى شخص يجب ان يقضى ساعات يوميا يتجول فى جميع المواقع العالمية المختصة

ولكن ليفعل اى شخص ذلك يجب اولا ان يكون من هواة السيارات الحقيقيين ويجد متعة فى فعل ذلك !

وسيندهش معظم الزملاء لو نشرت لهم بعض خرائط التحالفات والتعاون فى عالم السيارات عندما يتبين لهم من متحالف ومتعاون مع من !!!

ولذلك اقول ان شركة لها تحالفات كبرى وعقود تعاون برأس مال هائل مثل BYD
فمن المؤكد انها متفقه على نقل تكنولوجيا المحرك مع هوندا

المحرك الأصلى من Traitec

النسخة الصينى من ليفان

السيارة ROEWE 750 النسخة الصينية من ROVER

السيارة الأصلية بعلامة ROVER التى لا تستطيع الشركة الصينية استخدامها لأنها لم تشترى حق استخدام العلامة التجاريه
رغم انها اشترت شركة ROVER كلها

السيارة BYD F8 سمعنا 100 قصة عن سرقة التصميم من مرسيدس والقضايا المرفوعه
ثم اكتشفنا ان هناك شراكة وتعاون تام وسيارات جديدة يصنعونها معا

د ديتر زيتشه رئيس مجلس إدارة مرسيدس فى حديث تلفزيونى عن الشراكة مع BYD

شعار المشاركة

مصافحة تفاهم وتعاون بين رئيس Mercedes ورئيس BYD ولا شئ عن اوهام سرقة التصميم والقضايا

كبار المسؤلين الصينين والألمان على باب الشركة التى تم اقامتها بينهم
ارجو قرأة يافطة اسم الشركة جيدا وملاحظة اعلام بلادهم

بى واى دى ديميلار حيث ( ديميلار ) هى الشركة المالكة لعلامة مرسيدس

777 777 777
Forever

المشاركة الأصلية كتبت بواسطة khaled bebo

يا أخى الكريم كفايه طعن فى الناس
+ممكن اعرف كيف طعن فى الناس بل هو مثال للذوق والخلق الطيب
انت بتدخل شمال فى اى حد يقول عيب في العربية ولو حد قالك انت تبع التوكيل تزعل
+هو اى حد يشكر فى عربيتة يبقى تابع للتوكيل
حضرتك مع احترامى الشديد ليك مش هاتدفع فلوس انا اللى كنت هادفع وينضحك عليا واشترى منتج صينى مايعلم بيه الا ربنا وكله بفضل نصايح حضرتك اللى انا كنت ضحية ليها لفترة طويله لحد ما شفت ودرست بنفسى وعرفت الحقيقة.
+يا باشا الموضوع بسيط ماحدش طلب منك شرائها وكنت ستكون ضحية الحمد للة ودرست وعرفت كمان
- تقليد بودى التويوتا مع عيوب كتيرة جدا في التقفيل والدهان والخامات رخيصة جدا وما تستحملش شغل شهور ولا وقفه عربية في الشمس سنة واحدة
وهل يعيبها انها شبة لماركة مشهورة ومحببة وهل كل الصينى الذى يشبة لاى ماركة يعيبها طيب حضرتك جربت وقفتها لمدة سنة دة من اكثر الاشياء المشهود بها انفرادهم فى مصر بخط الالبو
- تقليد موتور هوندا سيتى مصنوع من خامات الله أعلم بيها برضه وماحدش جربه ولا يعرف هايعيش اد ايه ، والعربية اللى عملت سمعة شويه كانت بموتور ميتسوبيشى لكن تقليد الهوندا ده لسه بقاله كام شهر بس في مصر وماحدش جربه
+حضرتك بتتكلم على موتور حضرتك عارف انة السبيرنزا موتورها صينى والايمجراند بردة وغيرهم كتييييير
- تقليد عفشة تويوتا وكل سواقين التاكسى بيرموا عفشتها ويحطوا لها عفشة تويوتا (طيب ما نرمى العربية كلها ونشترى تويوتا ونخلص)
+وهل هذا يعيبها انة ممكن تركب عفشة تويوتا سبحان اللة
- فتيس برضه جديد بتكنولوجيا فشلت في كل العربيات اللي نزلت فيها ، والراجل بيقولك فوق اهو ان الفتيس ده فيه مشاكل وحضرتك مش بترد على أصل الموضوع بشكل كويس لدرجة انه كرر السؤال عليك مرة تانية.
+ اترك رد النقطة دى لابو ياسمين للرد عليها
حضرتك لما بتقول مرسيدس بتبوس رجلين الشركة علشان تشتغل معاها أه ممكن يكون الكلام ده صحيح بس احنا هنا بنتكلم عن عربية تصنيع مصرى يعني شركة مرسيدس مش بتشتغل مع شركة مصر هنا دى بتشتغل مع الشركة الصينية هناك وبيعملوا معاهم شغل في عربيات بيصنعوها سوا ، وفى النهاية العربيات دى مش بتتباع فى مصر
+ ممكن اعرف اى شركة فى مصر وكيلة لماركة صينى بتتعاون مع شركة عالمية لانة وضع منطقى انهم وكلاء لماركة صينى فطبيعى هم مسئولين عن نقل الخبرة والتكنولوجيا للوكيل فى مصر
خلى حضرتك شركة مرسيدس تعمل شراكة مع الشركة هنا وتشرف بنفسها على خط الإنتاج واحنا نشترى المنتج علشان ثقتنا في مرسيدس
+ هو مرسيدس او غيرها عملت شراكة مع من هنا
حضرتك بتقول ان العربية دى نجحت في اختبارات الجوده الأوربية ، والكلام الصحيح المزبوط ان اللى اجتاز الاختبارات دى شركة بى واى دى في الصين بعربية صنعتها بمواصفات مناسبة للسوق الأوربية وعملوا فيها تعديلات في كل حاجه علشان تنجح في الاختبارات دى. لكن العربية المصرية اللى هنا مالهاش علاقة بالقصه دى اساسا غير انها واخدة نفس الاسم ونفس الشكل والموديل لكن الخامات والحاجات دى مالهاش علاقة باللى حضرتك بتقوله.
+ اكتر من ماركة صينى بتتجمع اشمعنى بتعيب على البى واى دى طيب مثلا كلهم بيجمعوا هنا
خليهم يستوردوا لنا عربيات من دى هنا وعليها علامة انها اجتازت الاختبارات الأوربية واحنا ندفع فلوسنا فيها.
كلام حضرتك بتستشهد بحاجات مالهاش علاقة باللى عندنا في مصر ، وبتحاول تصبغ كلامك بشكل فنى ولكن الواقع بيقول معلش عكس كلام حضرتك
لو استوردوها وكانت بسعر غالى من سيشتريها
حضرتك المرسيدس والشيروكى واللانوس والفيرنا .........................كلهم بيجمعوا هنا
والله العظيم لو العربية دى حلوة وكويسه ومافيهاش عيوب هاشتريها واكون اول واحد ولكن الفلوس مش بنلاقيها فى الشارع علشان نحطها فى عربية كده
+ مين بيلاقى فلوسة فى الشارع كلنا شقيانين
واحنا لما بنقول حاجه تتعارض مع نصايح حضرتك بإننا نشترى العربية مش بنقلل من شأنك لا سمح الله بس ادينا فرصه نقول رأينا فى العربية بصراحه علشان بس فلوسنا ما تضيعش مننا حرام عليك
+ هو منع حد من قول راية ابو ياسمين كان بيقول بس على العربية وشوفها وكان بيقول بردة اننا لسة فى انتظار تقارير عن العربية المجمعة فى مصر من المشتريين
وانا ماعدتش هادخل على المنتدى ده خالص وهالغى اشتراكى فيه وهاسيبه لحضرتك تقول اللى انت عايزه واى حد يعارضك ابقى الغى عضويته بما انك جامد اوى فى المنتدى كده وواصل وعندك واسطه
سلام انا ايدى تعبت من الكتابه

+يا باشا وجودك معنا يثرى المواضيع ونستفاد كلنا


بعد اذن ابو ياسمين انا شوفت العضو المحترم متحامل جدا على السيارة وعلشان كدة رديت بصراحة

مبروك يارجالة بى واى دى نزلت عندنا السعودية بكل تقلها وبالموديلات العالية
ان شاء الله لو اخدت شهرة هتكسر الدنيا وممكن الكورى يقف حاله كده

الاخ خالد بيبو
تاكد يا اخى الكريم اننا لا علاقة لنا بالتوكيل من قريب او بعيد بل بالعكس كنا مو اول المنتقدين له فى حالة وجود اى تقصير
نحن اساسا اصحاب السيارة وشارينها بحر مالنا ودافعين دم قلبنا زى ما انت بتقول ولما وجدنا انها سيارة رائعة حبينا ننصح الناس يشتروها من باب النصيحة ومن باب انك بتدفع فلوس وبتاخد بيها امكانيات اكثر من رائعة يعنى مسالة نسبة وليست قيمة مطلقة (cost /benefit ratio) قطعا ليست هذه السيارة افضل سيارة فى العالم او حتى من سيارات الفئة التانية او الثالثة
ولو حضرتك عايز تشترى سيارة كاملة لا عيب فيها ابدا يبقي لازم تدفع فلوس اكتر وانا ارشح لك بى ام دبليو او تويوتا ليكسس ممتازة جدا وهتعجبك وفى سيارة موش هتنزل مصر لغاية يوم القيامة اسمها ميباخ المانى حاول تشتريها من على النت بالماستر كارد لو رصيدك يسمح

تقبل تحياتى

المشاركة الأصلية كتبت بواسطة lonedoctor

الاخ خالد بيبو
تاكد يا اخى الكريم اننا لا علاقة لنا بالتوكيل من قريب او بعيد بل بالعكس كنا مو اول المنتقدين له فى حالة وجود اى تقصير
نحن اساسا اصحاب السيارة وشارينها بحر مالنا ودافعين دم قلبنا زى ما انت بتقول ولما وجدنا انها سيارة رائعة حبينا ننصح الناس يشتروها من باب النصيحة ومن باب انك بتدفع فلوس وبتاخد بيها امكانيات اكثر من رائعة يعنى مسالة نسبة وليست قيمة مطلقة (cost /benefit ratio) قطعا ليست هذه السيارة افضل سيارة فى العالم او حتى من سيارات الفئة التانية او الثالثة
ولو حضرتك عايز تشترى سيارة كاملة لا عيب فيها ابدا يبقي لازم تدفع فلوس اكتر وانا ارشح لك بى ام دبليو او تويوتا ليكسس ممتازة جدا وهتعجبك وفى سيارة موش هتنزل مصر لغاية يوم القيامة(ان شاء الله) اسمها ميباخ المانى حاول تشتريها من على النت بالماستر كارد لو رصيدك يسمح

تقبل تحياتى

اضطريت لاعادة المشاركة لانى لم اذكر ان شاء الله
فارجو المعذرة

لا والله لا اقصد اى سخرية اخى الكريم انا كنت باهزر فقط واضيف نوع من الفكاهة للموضوع لانى حست انه الموضوع فيه شوية شد اعصاب فسامحنى لو كنت فهتنى غلط اى اسلوبى لم يعجبك
وانا اتفق معاك تماما لو كانت اللانسر زيرو موديل 2014 اغلى 30 الف بس واوتوماتيك يبقى احسن طبعا مافيش كلام
وكدة سعادتك هتخلينى اغير رايي واشترى لانسر
بس ياريت تتاكد لنا من السعر وانها فعلا اغلى 30 الف بس
ارسلت لك رسالة اعتذار على الخاص
تقبل تحياتى

يا اخ خالد بيبو انا شوفت اللانسر الاوتوماتيك الان على كونتاكت كار ب 150 الف جنيه يعنى زيادة 50% فى السعر ياراجل ياطيب وكماليات اقل بكتير من بى واى دى والجير من النوع القديم اربع سرعات فقط
يبقى طبقا لكلامنا السابق امكانيات مقابل سعر بى واى دى تكسب جدا كمان
تقبل تحياتى