الموضوع: الحقيقة النهائية عن محرك byd - 1500 الجديد المستخدم فى f3 - l3

المشاركة الأصلية كتبت بواسطة bassem.naguib

تصحيح بسيط .. ال G3 نفس الموتور .. بس منزلش منها أوتوماتيك في مصر ..

جزيل الشكر للتصحيح وللتوضيح

ولكن الفيتيس موجود فى F3 فى مصر من حوالى سنه بالتقريب ولم نجد منه شكوى جماعية

ال CVT مختلف تماماً عن DCT في ألية العمل .. وأهمها أن ال CVT مبيبقاش dry ومفيهوش تروس لنقل السرعات (لا نهائي من النقلات بعكس الفتيسات الأوتو الأخرى بتبقى محددة في عدد التروس والسرعات) .

ولكن ماهو التفسير من وجهة نظرك أن تكتب الشركة على موقعها الرسمى أن الفيتيس CVT ثم نجد السيارة نفسها DCT
أليس هذا أمر عجيب !!

إنما معلومة أن ال DCT بينزل DRY أو WET دي مش متأكد منها ووجب البحث في النقطة دي لدى الوكيل .

ياعزيزى الفتيس DRY وسأرسل لك لينك للفيديو الخاص بشركة BYD وفيه شرح للفيتيس

المشاركة الأصلية كتبت بواسطة bassem.naguib

الفتيس الموجود في f3 فتيس أوتو عادي من تصنيع شركة JATCO اليابانية .. وهي ياباني الصنع مش صيني على فكرة .. أنا اللي اقصدة أنه منزلش في مصر موديل G3 أتوماتيك .

مكتوب على الموقع الرسمي حاجة ونازل في مصر حاجة .. بيبقى راجع لسياسات وترتيبات تسويقية ما بين الوكيل والشركة الأم في مصر .

بس برضه مازلت أصر على التأكد من معلومة عن واقع الفتيس في (مصر) إذا كان جاف أو فيه زيت .

عزيزى أ / باسم
أنا سعيد جدا بأستمرار الحوار بيننا وقد ذكرتنى بأيام جميلة مرت عليها سنوات كنا نلتقى مع بعض الزملاء فى حوار يستغرق أياما وينتهى بفائدة ومعلومات جديدة وجميلة للجميع

وأحب أن أذكرك بأن الفيتيس اليابانى JATCO وكان له 3 نقلات فقط قد توقف تركيبه فى F3 مع توقف المحرك 1600

ومنذ بدأ أستخدام المحرك الجديد VVL 1500
وهم يستخدمون معة الفيتيس الأوتوماتيك الجديد DCT ذو 6 نقلات

أما عن أختلاف نوعية الفتيس ما بين ما هو مكتوب على موقع الشركة والسيارة نفسها فهو أمر يحيرنى لأنه ليس موضوع أتفاق مع الوكيل
لأن صورة الفيتيس المكتوب عليه DCT التى قمت بنشرها مأخوذة من مواقع صينية متخصصة فى نشر صور السيارات بأدق تفاصيلها
أذا فى الصين نفسها يستعمل الفيتيس DCT على نفس السيارة
ودخلت السيارة فى التوكيل فوجدت أن الفيتس هو نفسه الموجود فى الصورة !
وشاهدته بنفسى فى السيارة F3 فى نفس المعرض وبنفس المحرك !
ودار بينى وبين مسؤل المعرض حوار طويل عن الفيتيس الأوتوماتيك الجديد للسيارة F3
أذن الموضوع لا يخلو من بعض اللخبطة؟

وقد قضيت الساعة الماضيه أتجول فى الموقع الرسمى للشركة الأم فى الصين وأكتشفت شئ عجيب
فأنت تعلم من موضوع قديم سابق لى أن شركة BYD تقسم سياراتهاإلى فئات وهى
A1 - A2 - A3 - A4
فوجدت أن الفيتيس الأوتوماتيك CVT يستخدم فى الفئات الأقل مستوى فى سيارات الشركة

بينما يستخدم الفيتيس DCT مع المستويات الأعلى فى الشركة
فما هو تفسيرك لهذا فى ضوء ما فهمناه من المشاركات أن الفيتيس DCT هو الأقل
أو قد أكون فهمت خطأ فأرجو الأيضاح ؟

أما عن أذا كان الفتيس DRY أو لا فأنت لم تقتنع رغم أن الشركة الأم تؤكد ذلك
ولكنى سأكون سعيد لو أثبت ذلك وسأترك لك أثباته عملا بالمبدأ القانونى القائل ( البينة على من أدعى )

ونتقابل فى المحكمة يا باسم بس بعد العيد ....

المشاركة الأصلية كتبت بواسطة bassem.naguib

على فكرة انا لا أقصد أن الفتيس ال cvt أقل أو أحسن من dct .. فكل فتيس ليه مميزاته وعيوبه .. وبناء عليه مفيش قاعدة تقول أن ده أحسن أو أوحش في المطلق ..

انا بقى عندى اعتراض على الdual cutch فى المطلق
الفتيس فكرتة مبنية على طرق قيادة مختلفة عن طريقة القيادة فى شوارعنا
الفتيس غير مناسب للزحمة المستمرة فى بلدنا فترات طويلة فى بعض الاحيان ممكن تمشى ما يقارب من 10 الكيلو على سرعة فى حدود ال20 كم/س
بالمنطق دى مش ظروف طبيعية ممكن شركة سيارات محترمة تصمم فتيس على اساسها

كان فيه حلقة لتوب جير بيجرب سيارة رياضية اعتقد كانت لامبورجينى ومازلة بفتيس dual clutch والعربية فى الجري رائعة
وبعدين دخل بيها فى شوارع زحمة ايطاليا واشارات مرور وطرق شبة طرقنا بدء يشتكى من ان العربية بتنتش وقعد يتريق على الفتيس كتير وان راسة خبطت فى السقف من كتر ترزيع الفتيس فى الزحمة حاحول اجيبلكو فيديو الحلقة دى

الله ينور تسلم ايديك مجهود رائع