لو مكانى هتفكر ازاى ؟ محتاج رائيكم

**lolnk** · 27-07-2014 10:23 AM

المشاركة الأصلية كتبت بواسطة zorg

هههههههه بقولك هتشوف ايام سودة

الاحصائيات بتقول ان 5% فقط هم من يكسبون فى هذا المجال وال95% الباقون يخسرون
انا تقريبا اخدت سنتين :)

معلش يعنى انت جبت الاحصائيات دى منين معلش

وبعدين حتى النسبة ما تتدخلش الدماغ يعنى

على فكرة انا مش بحب الكلام العامى بتاع المنتديات ده لانهم بيأفورا كتير

**pioneerahmed** · 27-07-2014 08:16 PM

طيب ممكن تشرحلنا الموضوع بتاع الفوركس دة اكتر

**lolnk** · 27-07-2014 09:28 PM

المشاركة الأصلية كتبت بواسطة pioneerahmed

طيب ممكن تشرحلنا الموضوع بتاع الفوركس دة اكتر

فى كتاب انا نزلته فى مشاركه ممكن تقراه وهتفهم منه

**Merooxx** · 28-07-2014 04:37 AM

المشاركة الأصلية كتبت بواسطة Adnfalcon

السلام عليكم
الاقتراح التالت كلمه واحده .. الصبر
شوف انت اشتريت الأرض بكام و دلوقتي سعرها كام
يعني الاسعار دايما بتزيد وانت مستحيل تخسر ف لو انت مش بتاع مجهود و تعب و عايز تكسب بسرعه استني فتره حلوه و بيع واكسب وحط فلوسك فالبنك زي ما انت حابب
بس انا لو مكانك .. أستني واستني و بعدين استني أكون جمعت مبلغ كويس و والدي ووالدتي يشاركوني بمبلغ تاني .. الفلوس دي مش هتكفي طبعا لبناء برج أكيد .. بس هتكفي للرخصه والرسومات وأول دور علي أقل تقدير
بعدين هعمل اعلان كبير جدا قدام الأرض .. شقق تمليك للبيع .. ادفع 50 % وقسط الباقي بدايه من استلام الشقه
رأيي المساحه دي تتقسم 3 شقق بالكتير .. اضرب 3 شقق * 12 دور أقل تقدير = 36 شقه * 150 الف "نصف قيمه الشقه الواحده" = 5 مليون و 400 الف
دا طبعا تمن نصف الشقه الواحده في أقل تقدير !
المبلغ دا تبني و تشطب البرج و تسلم الناس .. و في فلوس هتكسبها كمان + 5 مليون 400 الف قيمه النصف التاني من بيع شقق البرج
و ياسلام لو تأجر نصف الدور الأرضي ل بنك .. أقل حاجه 50000 جنيه شهريا
الموضوع دا عايز صبر وطوله بال ومجهود بس العائد خرافي
لو حاسس صعب الحوار دا .. سقع الأرض وبيع وحط الفلوس فالبنك

+1

**zorg** · 29-07-2014 07:32 AM

عموما زى ماقولتلك لو واثق من الفوركس وشايف انه هيجيب لك فلوس يبقى خلاص
اللى معاه 100 الف يكفيه كل يوم 5 % لمدة عام كامل ليصل الى مايزيد عن مليار دولار ...أما ان كان الحساب 10 الآف فستجده حوالى 164 مليون بعد سنة من المكسب اليومى المستمر 5 % ...وب 1000 دولار * 5 % لمدة سنة ستجد فى الحساب مايزيد عن 16 مليون دولار !!! حتى صاحبنا اللى ب 100 دولار ان استطاع عمل 5 % يوميا متواصلة لمدة سنة ستجد الحساب يزيد عن مليون و 600 الف دولار
ده 5% يوميا مش 14%

**FAR!D** · 29-07-2014 08:46 AM

طيب وانا بقولك يا باشا طبقا لكلام المدام مش كلامي اللي اشتغلت تريدر فوركس اكتر من 5 سنين بلاش احسنلك
مش مكتوبالك يا ابراهيم الفوركس و عمرها ماكانتلك
الفوركس يا كبير مش بتاعنا ده ليه ناسه

**FAR!D** · 29-07-2014 10:47 AM

المشاركة الأصلية كتبت بواسطة mr.a

ليه

اقولك ليه:
1- الفوركس اصلا ممنوع في مصر و لو جري حاجه لفلوسك بخ
2- اتعرفت علي ناس في المجال ده توزن شارع بفلوسها
الناس ديه بتعرف تحط فلوسها امتي و فين و مع مين مش اي تريدر و خلاص
الناس ديه ممكن توصل انها تشتغل مع تريدرات في هونج كونج و دبي(بروفيشينال)
3- الخساره في المجال ده اصعب من القمار عكس البورصه
البورصه الخساره عباره عن سهمك بينزل سعره عما كنت اشتريته
اما الفوركس معاك فلوس او بترول او دهب او غيره سعرهم بينزل او بيطلع بالفلوس بتاعتك
ممكن عادي جدا حسابك يتصفر
4- انا بني ادم من طيعي بكره المغامره بالذات في الفلوس و المضاربه لاني شفت و سمعت عن ناس فعلا فعلا عادوا و بيعدوا بالملايين و فيه ناس ودول الاغلبيه بيتسوحوا
تحياتي

**lolnk** · 29-07-2014 02:59 PM

المشاركة الأصلية كتبت بواسطة FAR!D

طيب وانا بقولك يا باشا طبقا لكلام المدام مش كلامي اللي اشتغلت تريدر فوركس اكتر من 5 سنين بلاش احسنلك
مش مكتوبالك يا ابراهيم الفوركس و عمرها ماكانتلك
الفوركس يا كبير مش بتاعنا ده ليه ناسه

باشا فى ناس فى الفوركس بقالها اكتر من 10 سنين والمحصلة خسارة كبيرة وفى ناس بقالها 3 سنين وارباح كويسة الفكرة مش فى المده بقالك قد ايه الفكرة فى خبرتك ودماغك والالتزام

و مفيش حاجة اسمها الفوركس مش بتاعنا اعتقد انت مش فيك حاجة ناقصه عن غيرك لاكن الفكرة ان غيرك اجتهد وتعب علشان يوصل للى هو فيه

وعامة ده تقرير حساب انا هنزلهولك تشوفه وتخلى المدام تشوفه علشان تعرف بس ان الموضوع محتاج جهد وتعب علشان تلاقى منه

التقرير ده لحساب اشتغلت عليه اشتغلنا ب10 الف دولار ووصلتها ل 223 الف دولار فى 3 ايام المخاطرة كانت عالية جدا يمكن لو بصيت فى اخر صفقة هتلاقينى داخل ب 100 الف دولار مرة واحده طبعا عايزة دكر عارف هو بيعمل ايه وبيشترى ايه وده كله راجع للخبرة فهمتنى

واتحدى لو واحد يقدر يعمل اللى بعمله ده كان شغلى زمان ايام الافترى لاكن دلوقتى عقلت والحمد لله بس اللى يخلى اشتغل بمخاطرة 100% واحقق ربح كويس وشغل ممتازة يخلنى لو خليت المخاطرة قليلة يكون شغلى مضمون ومستمر وهو ده اللى بهدف اليه حاليا

وعندى دراستى للوصول للمليون دولار من 10 الف دولار فى خلال 3 شهور باذن الله بمخاطرة قليلة وكمان هتسحب من الارباح يعنى هتضمن راس مالك وهتاخد ارباح كويس خلال الرحلة دى

انا مكنتش احب اعرض شغلى بس انت ضايقتنى بالكلام وعلى فكرة البروفيشنال اللى انت بىتكلم عليهم دوول بيكونوا شغالين باقل حساب فوق ال 100 الف دولار وبيشتغلوا بنسبة 10% انا بسميه شغل الغلابه وعلى فكرة معظهم بيكونوا معندهمش خبرة كبيرة

اقسم بالله العلى العظيم فى واحده مديرة شركة كنت بتكلم معاها هى مديرة شركة فى الامارات اقسمتلى ان كان عندها مدير حساب خسرها حساب بمليون دولار ووصل الحساب الى 100 الف دولار وكان شغال بنسبة قليلة جدا الفكرة يا باشا انك تجتهد وتتعب علشان توصل للى انت عايزة لاكن انك تقول مش لينا وله ناسه يبقى انت معترف ان عندك نقص لان اللى خلقه خلقك انت كمان زيه

وشكرا