الموضوع: لو مكانى هتفكر ازاى ؟ محتاج رائيكم

السلام عليكم ورحمه الله وبركاته

كل سنة وانتم طيبين


محتاج رائيكم فى موضوع قبل ما اتكلم فى الموضوع اى واحد شايف فوائد البنوك حرام ياريت ما يتعبش نفسه ويكمل الموضوع انت شايف انها حرام انت حر فى رائيك

الموضوع كالتالى

انا راجل شغلى فى الفوركس والحمد لله من خلال شغلى اشتريت ارض كويسة

مواصفات الارض

مساحتها 534 متر بالشوارع صافى اعتقد 320 متر من غير البروز على شارعين وفى جزء باصص على شارع 3 كمان قدمها مدرسة يعنى فاضى قدامك مساحه الشوارع 12 متر وشارع 10 متر

يعنى ممكن تتعمل برج كل دور 3 شقق بمساحات كبيرة او 4 شقق متوسطة


المهم

انا لى اكبر نصيب من فلوس الارض والدى ووالدتى مساعدينى فيها ولاكن انا رافض المساعده لان احب اعتمد على نفسى فى كل حاجة واعتبرتهم شركاء معايا فى الارض

مبلغ الارض عند الشراء كان 850 الف جنية منهم 555000 فلوسى 210 الف فلوس والدى و 85 الف فلوس والدتى سعر الارض الان مليون و600 الف جنية


حاليا طبعا مفيش فلوس معانا علشان نبنى الارض برج بفلوسنا ومشكله الوالد ان اى حد بيلعب فى دماغه يقتنع بكلامه يعنى مثلا مرة واحد يقوله على مقاول يجى يوجعلى دماغى نديها لمقاول وخلاص ومرة يقولى المقاول بلاش والمشكلة انه متسرع فى كل حاجة بيعملها مش بيفكر كده ويصبر لاء متسرع يمكن اضحك عليه اكتر من مرة فى حاجات بسبب تسرعه وانا اصلا ما بسمعش له فى اى حاجة لانى عارف انه غلط اصلا


فبعد العيد كل سنة وانتم طيبين ناوى يبدا شغل فى الارض وفى دماغه انه يدى الارض لمقاول وطبعا انا هرفض لانى فاهم كل الامور بتاعت المقاولين والدى همه بس انه يبنى الارض ويبقى اسمه عنده برج كنوع من الفشخرة للاسف وراضى باقل مكسب هو مش فى دماغه حاجة المشكلة انى فاهم دماغه بيفك ازاى وطبعا هيحصل مشاكل كتير وده اللى خلانى افكر فى كذا حاجة ومحتاج رائيكم لان القرار ده صعب شوية


هقولكم على افتراضين وكل واحد يقول هو ميال لايه لو كان مكانى علما بان حالتنا متوسطة والحمد لله و اصلا اناممكن اصبر عادى على الارض لان الحمد لله مش شغالنى حاجة خالص بس طبعا مع والدى مش هينفع الصبر


الافتراض الاول


انا فلوسى فى الارض حاليا مليون جنية المليون جنية دول لو حطيتهم فى البنك هيطلع لى كل شهر 9 الف جنية تمام انا فكرتى ان فلوس الفوايد دى اقدر اشتغل بيها واكبر فلوسى واستثمارى واهى حاجة مستمرة تمام


الافتراض الثانى

انى لو اديت الارض لمقاول هيكون نصيبى انا حوالى 6 شقق كبار و3 محلات

لو هأجر الشقق هيدخلى حوالى 4500 كل شهر وطبعا علشان تأجر كل الشقق هتاخد وقت مش فى ساعتها يعنى وطبعا المحلات انساها خالص دلوقتى لان المنطقة كلها ابراج والمنطقة جديده وصعب جدا تاجير الشقق فى وقت قصير


طيب لو فكرنا نبيع لو بعت فلوسى هتزيد حوالى 500 الى 600 الف جنية وعلشان تبيع نصيبك كله هتعقد مش اقل من 5 سنين


وهنا لما جيت اقارن بين الرائين ميلت اكتر لبيع الارض ونحط فلوسى فى البنك ليه

اولا كل شهر 9 الف جنية انما لو اجرت كله وده هيحتاج وقت كتير هيطلعلى النصف 4500 وطبعا يبقى كده البنك افضل

ثانيا فلوسى فى البنك كل سنة هيكون حوالى 108 الف يعنى فى ال 5 سنين 500 الف واعتقد هتكون متقاربة جدا فى حالة بيع نصيبى يعنى هى هى

وكمان فى ميزة تانية انى ل شهر معايا فلوس اقدر اشغلها فى شغلى واستثمارها كويس واكبر فلوسى

فانا بصراحه محتار جدا علشان كده قولت اخد ارائكم

فى الانتظار

متـــــــــــــــــــــــ ـــــــــــــــــــابــــ ـــــــــــــــــــــــــ ـــــــــــع